ທ່ານ ນາງ ສວນສະຫັວນ ວິຍະເກດ ລັດ ຖະມົນຕີ ກະຊວງຖະແຫລງຂ່າວ, ວັດທະນະກຳ ແລະ ທ່ອງທ່ຽວ (ຖວທ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ອັນເນັດເທີຄະໂນບລັອກ (Mrs Annette Knobloch) ເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງ ສາທາລະນະລັດ ສະຫະພັນເຢຍລະມັນ ປະຈຳ ສປປ ລາວ ໃນວັນທີ 7 ກໍລະກົດ 2022 ເພື່ອແຈ້ງໃຫ້ຊາບກ່ຽວກັບ ການບູລະນະຮູບແຕ້ມ ຢູ່ວັດສີສະເກດ ແລະ ໄດ້ເຊີນທ່ານລັດຖະມົນຕີ ເຂົ້າຮ່ວມພິທີເປີດປື້ມຮູບແຕ້ມ ທີ່ວັດສີສະເກດ.
ທ່ານ ນາງ ສວນສະຫັວນ ວິຍະເກດ ກໍໄດ້ສະແດງຄວາມຊົມເຊີຍ ແລະ ຕີລາສູງຕໍ່ທ່ານເອກອັກຄະລັດຖະທູດ ສະຫະພັນເຢຍລະມັນ ປະຈຳລາວ ທີ່ໄດ້ມາຢ້ຽມຂໍ່ານັບໃນຄັ້ງນີ້ເພື່ອເປັນການຮັດແໜ້ນ ສາຍພົວມິດຕະພາບ ແລະ ຄວາມສາມັກຄີ ລະ ຫວ່າງ ສປປລາວ ແລະ ສະຫະພັນເຢຍລະ ມັນ, ພ້ອມທັງແຈ້ງໃຫ້ຊາບກ່ຽວກັບການບູລະນະຮູບແຕ້ມ ຢູ່ວັດສີສະເກດ, ພ້ອມທັງໄດ້ປຶກສາຫາລື ໃນການຮ່ວມມືໃນຕໍ່ໜ້າໂດຍສະເພາະ ລັດ ຖະບານເຢຍ ລະມັນຈະສຶບຕໍ່ຊ່ວຍເຫລືອຮູບແຕ້ມວັດເກົ່າແກ່ ຢູ່ແຂວງຫລວງພະບາງ, ລວມທັງການເກັບກຳຂໍ້ມູນຕຶກອາຄານເກົ່າແກ່ຢູ່ແຂວງສະຫວັນນະເຂດ ແລະ ແຂວງຄຳມ່ວນ.
ໂອກາດນີ້, ທ່ານ ນາງ ສວນສະຫວັນ ວິຍະເກດ ໄດ້ສະແດງຄວາມຂອບໃຈຕໍ່ທ່ານເອກອັກຄະລັດຖະທູດ ທີ່ໄດ້ໃຫ້ການຊ່ວຍເຫລືອໃນຄັ້ງນີ້ ແລະ ຫວັງຢ່າງຍິ່ງວ່າຈະໄດ້ຮັບການຊ່ວຍເຫລືອຂະແໜງ ຖວທ ຕື່ມອີກໃນຕໍ່ໜ້າ.
ຂ່າວ-ພາບ: ບຸນອູ້ມ
