ໃນລະຫວ່າງວັນທີ 8-9 ມິຖຸນາ 2024, ຢູ່ທີ່ເມືອງວັງວຽງ, ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເຄື່ອນໄຫວຕິດຕາມຊຸກຍູ້ໂຄງການພັດທະນາໂຄງລ່າງພື້ນຖານໃນການຈັດຕັ້ງປະຕິບັດສັນຍາ w03, W03Aແລະ w04 ທີ່ເມືອງວັງວຽງ ມີບັນດາທ່ານຫົວຫນ້າກົມແຜນການຮ່ວມມືກັບສາກົນ, ກົມພັດທະນາ, ຫ້ອງການກະຊວງ ຂອງກະຊວງ ຖ ວ ທ, ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງວຽງຈັນ ແລະ ຄະນະຮັບຜິດຊອບໂຄງການຂັ້ນເມືອງເຂົ້າຮ່ວມ.
ການລົງຕິດຕາມຊຸກຍູ້ ການຈັດຕັ້ງປະຕິບັດສັນຍາ w03, W03A ແລະ w04 ຢູ່ພາກສະໜາມ ຄື: ປັບປຸງເສັ້ນທາງພາຍໃນຕົວເມືອງເທດສະບານ, ການປັບປຸງກໍ່ສ້າງສະໜາມຂີ້ເຫຍື້ອບ່ອນເກົ່າໃຫ້ເປັນລະບົບທີ່ທັນສະໄໝ, ຂົວຂ້າມນ້ຳຊອງ ແຫ່ງທີ 2, ເສັ້ນທາງປູຢາງ 2 ຊັ້ນ ໄປຫາສະຖານທີ່ທ່ອງທ່ຽວເບື້ອງຕາເວັນຕົກຂອງສາຍນ້ຳຊອງ ຫລືເອີ້ນວ່າ ທາງວົງແຫວນ ແລະ ການປັບປຸງກໍ່ສ້າງເປຕົງເຂົ້າຫາສະຖານທີ່ທ່ອງທ່ຽວນ້ຳຕົກຕາດແກ້ງຍຸຍ ແລະ ໄດ້ຮັບຟັງການລາຍງານຄວາມຄືບໜ້າ ຂອງໂຄງການ ແລະ ບໍລິສັດຮັບເໝົາກໍ່ສ້າງ ໂດຍຫຍໍ້ກ່ຽວກັບການຈັດຕັ້ງປະຕິບັດໂຄງການໃນໄລຍະຜ່ານມາ ມີຄວາມຄືບໜ້າຄິດເປັນສ່ວນຮ້ອຍເຊັ່ນແມ່ນ 98% ແລະ ວາງທິດທາງແຜນການໃນຕໍ່ໜ້າເພື່ອໃຫ້ສຳເລັດຕາມແຜນທີ່ວາງໄວ້.
ທີ່ມາ Vieng Chanh Posted
