ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ລັດຖະມົນຕີ ຖວທ ລົງເຄື່ອນໄຫວຊຸກຍູ້ ວຽກງານ ຢູ່ແຂວງຫລວງພະບາງ

ໃນວັນທີ 8 ກັນຍາ 2020 ນີ້, ທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ເພື່ອຊຸກຍູ້ວຽກງານ ຖວທ ຢູ່ ແຂວງຫລວງພະບາງ ໂດຍໄດ້ຮັບການຕ້ອນຮັບຈາກທ່ານນາງ ສຸດາພອນ ຄົມທະວົງ ຫົວໜ້າພະແນກ ຖວທ ແຂວງຫລວງພະບາງ ພ້ອມດ້ວຍຄະນະ.

ໃນການລົງເຄື່ອນໄຫວຢ້ຽມຢາມ ຢູ່ແຂວງຫລວງພະບາງ ຄັ້ງນີ້, ທ່ານລັດຖະມົນຕີພ້ອມດ້ວຍຄະນະ ໄດ້ເຂົ້າຮ່ວມພິທີມອບ-ຮັບໂຄງການພັດທະນາໂຄງລ່າງ ເພື່ອສົ່ງເສີມການທ່ອງທ່ຽວ ແລະ ເປີດການນຳໃຊ້ບັນດາພື້ນຖານໂຄງລ່າງ ແລະ ສິ່ງອຳນວຍຄວາມສະດວກ ເພື່ອຕອບສະໜອງໃຫ້ແກ່ການບໍລິການທ່ອງທ່ຽວ ຢູ່ເມືອງຈອມເພັດ ແລະ ເມືອງປາກອູ, ຢ້ຽມຢາມຊຸກຍູ້ບັນດາພື້ນຖານໂຄງລ່າງເສດຖະກິດ, ລວມທັງບັນດາແຫລ່ງທ່ອງທ່ຽວທີ່ສຳຄັນຕ່າງໆ ທີ່ເປັນມໍລະດົກໂລກຂອງແຂວງຫລວງພະບາງ.

ນອກຈາກນີ້ ທ່ານຍັງຈະໄດ້ພົບປະໂອລົມພະນັກງານຫລັກແຫລ່ງ, ພະນັກງານ-ລັດຖະກອນ ອ້ອມຂ້າງພະແນກ ຖວທ ແຂວງຫລວງພະບາງ ເພື່ອເປັນທິດຊີ້ນຳ ເຮັດໃຫ້ການຈັດຕັ້ງປະຕິບັດວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຂອງແຂວງ, ເມືອງ ໄດ້ຮັບການພັດທະນາ ແລະ ດຳເນີນໄປຕາມແນວທາງຂອງພັກ, ລັດວາງອອກດ້ວຍຜົນສຳເລັດອັນຈົບງາມ.

ຂ່າວ-ພາບ:ທະນູທອງ