ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ລາຄາເຄື່ອງຫັດຖະກໍາແຕ່ລະອັນ ຂຶ້ນກັບຄຸນຄ່າຂອງວັດຖຸ ແລະເວລາການປະດິດສ້າງ

ທ່ານນາງອໍລະໄທ ສັນຕິຄົງຄາ ຮອງປະທານ ສະມາຄົມຫັດຖະກໍາລາວ ມີຄໍາເຫັນ ໂອກາດຖະແຫລງຂ່າວຕໍ່ສື່ມວນຊົນ ຕອນບ່າຍວັນທີ 3 ກັນຍາ 2020 ທີ່ໂຮງແຮມແລນມາກ ນະຄອນຫລວງວຽງຈັນ ກ່ຽວກັບເນື້ອໃນຂອງງານມະຫາກໍາສີມືຫັດຖະກໍາລາວ ຄັ້ງທີ 19 ຈະຈັດຂຶ້ນທີ່ ສູນການຄ້າລາວ-ໄອເຕັກວ່າ: ວັດທະນະທຳບ້ານເຮົາຍືນຍົງຄົງຕົວມາໄດ້ ຍ້ອນວ່າພວກເຮົາທຸກໆຄົນ ຮ່ວມຈິດຮ່ວມໃຈກັນ ອານຸລັກຮັກສາ ຮີດຄອງປະເພນີ, ການນຸ່ງຖືຂອງປະເພນີລາວ ໂດຍສະເພາະແມ່ຍິງ ຄືການນຸ່ງສິ້ນ, ເກົ້າຜົມ, ບ່ຽງແພ ຖືວ່າກ້າວໄປໄກ ສາກົນຮັບຮູ້ ຍ້ອນສັງຄົມລາວພວກເຮົາ ຊົມໃຊ້ແຕ່ນ້ອຍຈົນເຖິງຜູ້ເຖົ້າຜູ້ແກ່,ການນຸ່ງສີ້ນ, ເກົ້າຜົມ, ບ່ຽງແພ ໄດ້ເປັນຂະບວນການຟົດຟື້ນໃນທົ່ວສັງຄົມລາວ ແລະ ປີນີ້ເປັນປີທີ່ທົ່ວໂລກເກີດວິກິດທາງດ້ານເສດຖະກິດ, ແຕ່ເຮັດແນວໃດປະເທດເຮົາຈະສາມາດສົ່ງເສີມເສດຖະກິດພາຍໃນໄດ້ ຕ້ອງໄດ້ອີງໃສ່ການລະດົມຈິດໃຈພາຍໃນຂອງເຮົາ ໃຫ້ຊ່ວຍກັນເປັນແຮງໃນການກະຕຸ້ນເສດຖະກິດຂອງບ້ານເຮົາ ໂດຍສະເພາະດ້ານວັດທະນະທຳ ເພື່ອໃຫ້ປະຊາຊົນໄດ້ຮັບຮູ້ທົ່ວເຖິງ, ແລະເຂົ້າຮ່ວມໃນງານນີ້.
ທ່ານນາງ ອໍລະໄທ ສັນຕິຄົງຄາ ໃຫ້ຮູ້ລາຄາຂອງເຄື່ອງຫັດຖະກໍາບ້ານເຮົາວ່າ: ເຖິງລາຄາຈະແພງ ຫຼື ຖືກ, ເຮົາຕ້ອງເບິ່ງເນື້ອເລື່ອງ ກໍຄືການເລືອກວັດຖຸດິບຂອງແຕ່ລະຢ່າງບໍ່ຄືກັນ, ການໃຊ້ຫົວຄິດປະດີດສ້າງຂອງຄົນລຸ້ນເກົ່າຕໍ່ຄົນລຸ້ນໃໝ່, ໃຊ້ເວລາໃນການຖັກທໍເສັ້ນໄໝ, ເສັ້ນດ້າຍແຕ່ລະຢ່າງມີຄວາມໝາຍຂອງມັນ, ການເຮັດລວດລາຍມີຄວາມຍາກ-ງ່າຍຕ່າງກັນ ແລະ ເຮົາຈະສັງເກດເຫັນວ່າຫັດຖະກຳການຕໍ່າຂອງປະເທດເພື່ອນບ້ານ ມີລາຄາແພງກວ່າຂອງບ້ານເຮົາ ແຕ່ກໍ່ຍັງໄດ້ຮັບຄວາມນິຍົມ ເປັນຍ້ອນເຂົາເຈົ້າສ້າງເນື້ອເລື່ອງຂອງມັນໃຫ້ປະທັບໃຈຕໍ່ຄົນທີ່ຈະຊົມໃຊ້, ຜູ້ທີ່ເຫັນຄຸນຄ່າຄວາມໝາຍຂອງການນຳໃຊ້ລວດລາຍ, ການຖັກທໍ , ລວດລາຍຂອງການຕໍ່າ ລ້ວນແຕ່ມາຈາກປະຊາຊົນ, ໃຊ້ເວລາຄົ້ນຄິດລວດລາຍ, ຖັກທໍເປັນເວລາຍາວນານ ມັນສົມກັບລາຄາ ແລະ ວັດຖຸດິບທີ່ຫາມາ ເພື່ອເຮັດໃຫ້ລວດລາຍອອກມາສວຍງາມ, ຕ້ອງຜ່ານຂະບວນການຕ່າງໆ, ດັ່ງນັ້ນ ຂັ້ນຕອນຂອງການເຮັດສີໄມ້ລາຍມືຈຶ່ງມີຄວາມລະອຽດອ່ອນ ແລະ ທ່ານທີ່ເຂົ້າຮ່ວມໃນງານຄັ້ງນີ້ ຂໍໃຫ້ໄປເບິ່ງການສາທິດຂັ້ນຕອນ ແລະ ວິທີທຳການຜະລິດໃຫ້ທຸກຄົນທີ່ມີຄວາມສົນໃຈໄດ້ເບິ່ງ ໄດ້ຊົມ, ເພື່ອສົ່ງເສີມຄຸນຄ່າການໃຊ້ຫົວຄິດປະດີດສ້າງ, ສີໄມ້ລາຍມື, ການອະນຸລັກຮັກສາ ທີ່ກາຍເປັນລາຄາທີ່ສົມເຫດສົມຜົນ ແລະ ໃຫ້ຜູ້ຊົມໃຊ້ໄດ້ປະທັບໃຈ ດ້ວຍມູນຄ່າຂອງສິນຄ້າຂອງຄົນລາວເຮົາ.
ງານມະຫາກໍາສີມືຫັດຖະກໍາລາວ ຄັ້ງທີ 19 ຈະຈັດຂຶ້ນທີ່ ສູນການຄ້າລາວ-ໄອເຕັກ ແຕ່ວັນທີ 10 ຫາ 18 ຕຸລາ 2020 ໂດຍຈະມີຫົວໜ່ວຍທຸລະກິດດ້ານຫັດຖະກໍາເຂົ້າຮ່ວມທັງໝົດ 200ກວ່າຮ້ານ.