ອົງການໄອຍະການປະຊາຊົນສູງສຸດ ຈັດກອງປະຊຸມ ລາຍງານຜົນຄົ້ນຄວ້າ, ການກວດ ກາ ຂອງກອງເລຂາຄະນະກຳມະການອະ ໄພຍະໂທດ ລະດັບຊາດ ປະຈຳປີ 2024 ໃນວັນທີ 29 ກໍລະກົດ 2024 ໂດຍພາຍໃຕ້ການເປັນປະທານຂອງ ທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດ, ຫົວ ໜ້າກອງເລຂາຄະນະກຳມະການອະໄພຍະໂທດລະດັບຊາດ, ມີຜູ້ຕາງຈາກໜ້າອົງການໄອຍະການປະຊາຊົນສູງສຸດ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ທ່ານ ບົວຄອງ ເພັງສີຫາພັດ ຮອງຫົວໝ້າຄະນະສານອາຍາ, ສານປະຊາຊົນສູງສຸດ ໄດ້ລາຍງານຜົນຄົ້ນຄວ້າ, ການກວດກາ ກ່ຽວກັບການຂໍອະໄພຍະໂທດ ປະຈຳປີ 2024 ເຊິ່ງຜ່ານການຄົ້ນຄວ້າ ນັກ ໂທດຜູ້ທີ່ມີເງື່ອນໄຂອະໄພຍະໂທດ ຫລຸດຜ່ອນໂທດ, ອະໄພຍະໂທດປ່ອຍຕົວ ເພື່ອນຳສະເໜີຕໍ່ ຄະນະກຳມະການອະໄພຍະໂທດລະດັບຊາດ ພິຈາລະນາຕາມຂັ້ນຕອນທີ່ໄດ້ກໍານົດໄວ້ໃນ ລັດຖະບັນຍັດວ່າດ້ວຍການໃຫ້ອະໄພຍະໂທດ ສະບັບເລກ ທີ 001/ປປທ, ລົງວັນທີ 20 ມີນາ2018. ພ້ອມນີ້, ກອງປະຊຸມຍັງໄດ້ຜ່ານ 2 ຂໍ້ຕົກລົງຄື: ຂໍ້ຕົກລົງແບ່ງຄວາມຮັບຜິດຊອບຂອງກອງເລຂາຄະນະກໍາມະການອະ ໄພຍະໂທດ ລະດັບຊາດ ສະບັບເລກທີ 56/ກລຂ, ລົງວັນທີ 10 ເມສາ 2024 ຮັບຜິດຊອບຄົ້ນຄວ້າຂອງ ກອງເລຂາຄະນະກໍາມະການອະໄພຍະ ໂທດ ລະດັບຊາດ ສະບັບເລກທີ 67/ກລຂ, ລົງວັນທີ 24 ເມສາ 2024.
ໂອກາດນີ້, ທ່ານ ບຸນທັນ ບຸນທະວິໄລ ໄດ້ເນັ້ນໃຫ້ຄະນະກໍາມະການອະ ໄພຍະໂທດລະດັບຊາດ ສືບຕໍ່ຄົ້ນຄວ້າກວດກາ ແລະ ສັງລວມ ວຽກງານອະໄພຍະໂທດ ໃຫ້ໄດ້ຮັບການຈັດຕັ້ງປະຕິບັດ ຕາມລັດ ຖະບັນຍັດ ຂອງປະທານປະເທດ ແລະ ຮຽກຮ້ອງໃຫ້ຄະນະກໍາມະການອະໄພຍະໂທດ ລະດັບຊາດ ເປັນເຈົ້າການໂຄສະ ນາສຶກສາອົບຮົມທຸກຊັ້ນຄົນ, ເຫັນໄດ້ແນວທາງມະນຸດສະທໍາຂອງ ພັກ-ລັດຖະບານ ສປປ ລາວ ແນໃສ່ເຮັດໃຫ້ສັງຄົມມີຄວາມ ສະຫງົບ ແລະ ມີຄວາມເປັນລະບຽບຮຽບຮ້ອຍ, ສ້າງເງື່ອນໄຂໃນການປະກອບສ່ວນ ເຂົ້າໃນການປົກປັກຮັກສາ ແລະ ພັດທະນາປະເທດຊາດ ເພື່ອເຮັດໃຫ້ວຽກງານດັ່ງກ່າວ ໄດ້ຮັບຜົນສໍາເລັດຕາມແຜນການທີ່ວາງໄວ້.
ພາບ-ຂ່າວ: ອອປສ
