ພົນຈັດຕະວາ ແກ່ນຈັນ ພົມມະຈັກ ຮອງຫົວໜ້າກົມໃຫຍ່ຕໍາຫຼວດ ກະຊວງ ປກສ ທັງເປັນຄະນະຊີ້ນໍາລວມ ເພື່ອກະກຽມ ແລະເປັນເຈົ້າພາບຈັດກອງປະຊຸມລັດຖະມົນຕີອາຊຽນ ວ່າດ້ວຍບັນຫາຢາເສບຕິດ ຄັ້ງທີ 8 ໄດ້ໃຫ້ສໍາພາດໃນວັນທີ 7 ສິງຫາ 2023 ວ່າ: ມາຮອດປັດຈຸບັນ, ສປປ ລາວ ມີຄວາມຄືບໜ້າໃນການກະກຽມດ້ານຕ່າງໆ ແລະມີຄວາມພ້ອມ 100% ໃນການເປັນເຈົ້າພາບຈັດກອງປະຊຸມລັດຖະມົນຕີອາຊຽນ ວ່າດ້ວຍບັນຫາຢາເສບຕິດຄັ້ງທີ 8.
ພົນຈັນຕະວາ ແກ່ນຈັນ ພົມມະຈັກກ່າວຕື່ມວ່າ: ພາຍຫຼັງໄດ້ຮັບການຊີ້ນໍາຈາກຂັ້ນເທິງ ອະນຸກໍາມະການຊີ້ນໍາລວມໄດ້ຊີ້ນໍາໃຫ້ແຕ່ລະອະນຸກໍາມະການກະ ກຽມຄວາມພ້ອມໃນການເປັນເຈົ້າພາບຈັດກອງປະຊຸມລັດຖະມົນຕີອາຊຽນວ່າດ້ວຍບັນຫາຢາເສບ ຕິດຄັ້ງທີ 8, ເປັນຕົ້ນແມ່ນ ອະນຸກໍາມະການເນື້ອໃນ, ອະນຸກໍາມະການກອງເລຂາ, ອະນຸກໍາມະການປ້ອງກັນ, ພ້ອມນີ້ ອະນຸກໍາມະການດ້ານເສດຖະກິດ, ອະນຸກໍາມະການດ້ານພິທີ ການ ກໍໄດ້ມີການກະກຽມຄວາມພ້ອມ ເພື່ອຕ້ອນຮັບໃນການເປັນເຈົ້າພາບຈັດກອງປະຊຸມດັ່ງກ່າວ. ກອງປະຊຸມຈະໄດ້ຈັດຂຶ້ນລະຫວ່າງວັນທີ 9-12 ສິງຫາ 2023 ນີ້.
ຂ່າວ: ວຽງຈັນໃຫມ່.