ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ລາວບໍ່ພົບເຊື້ອພະຍາດໂຄວິດ19ກໍລະນີໃໝ່ຕິດຕໍ່ກັນເປັນເວລາ 89 ວັນແລ້ວ

ລາວບໍ່ພົບເຊື້ອພະຍາດໂຄວິດ19ກໍລະນີໃໝ່ຕິດຕໍ່ກັນເປັນເວລາ 89 ວັນແລ້ວ ຂະນະທີ່ຕົວເລກຜູ້ຕິດເຊື້ອໃນທົ່ວໂລກມີຫລາຍກວ່າ 12.368.500ຄົນ, ເສຍຊິວິດຫລາຍກວ່າ 556.360ຄົນ ໃນນີ້ປີ່ນປົວດີຫລາຍກວ່າ 7.177.400 ຄົນ ສະເພາະໃນກຸ່ມປະເທດສະມາຊິກອາຊຽນມີການຢັ້ງຢືນຜູ້ຕິດເຊື້ອພະຍາດໂຄວິດ19ແລ້ວ 174.630 ກວ່າຄົນ, ເສຍຊີວິດ 4.827 ຄົນ.

ໃນໂອກາດຖະແຫລງຂ່າວກ່ຽວກັບສະພາບການລະບາດຂອງພະຍາດໂຄວິດ19 ໃນວັນທີ 10 ກໍລະ ກົດນີ້,ທີ່ກະຊວງສາທາລະນະສຸກ ດຣ ສີສະຫວາດ ສຸດທານີລະໄຊ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ແຈ້ງໃຫ້ຮູ້ວ່າ: ລາວຍັງສືບຕໍ່ຕິດຕາມ, ເຝົ້າລະວັງພະຍາດໂຄວິດ19ຢ່າງຕໍ່ເນື່ອງ ເຖິງວ່າບໍ່ພົບເຊື້ອກໍລະນີໃໝ່ກໍ່ຕາມ ໂດຍສະເພາະການຕິດຕາມຜູ້ເດີນທາງເຂົ້າມາລາວຕາມຈຸດຜ່ານແດນຕ່າງໆ ໃນວັນທີ 9 ກໍລະກົດນີ້ມີທັງໝົດ 2.076 ຄົນ, ໃນນັ້ນຈຸດຜ່ານດ່ານລາວ-ໄທ 1.552 ຄົນ, ຈຸດຜ່ານດ່ານລາວ-ຈີນ 18 ຄົນ, ຈຸດຜ່ານດ່ານລາວ-ຫວຽດນາມ 501 ຄົນ, ຈຸດຜ່ານດ່ານລາວ-ກຳປູເຈຍ 5 ຄົນ, ທຸກຄົນແມ່ນໄດ້ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ແລະໄດ້ເກັບຕົວຢ່າງທຸກຄົນມາກວດແລ້ວ ຈຶ່ງນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳ ນົດ 14 ວັນ ແລະໄດ້ເກັບຕົວຢ່າງມາກວດວິເຄາະທັງໝົດ 514 ຄົນ, ໃນນັ້ນແຮງງານລາວມາແຕ່ໄທ440 ຄົນ, ແຮງງານຈີນ 53 ຄົນ ແລະ ກໍລະນີສົງໄສ 21 ຄົນ; ຜົນກວດທັງໝົດບໍ່ພົບເຊື້ອ. ເຖິງວ່າສະ ພາບການລະບາດຂອງພະຍາດໂຄວິດ19ຢູ່ປະເທດເຮົາໄດ້ຜ່ອນຄາຍລົງແລ້ວ ແຕ່ພວກເຮົາບໍ່ຄວນປະ ໝາດ ບັນຫາສຳຄັນຢາກຮຽກຮ້ອງໃຫ້ປະຊາຊົນບັນດາເຜົ່າ ພາກັນເອົາໃຈໃສ່ປະຕິບັດຕາມຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 697/ຫສນຍ, ລົງວັນທີ 30 ມິຖຸ ນາ 2020ຢ່າງເຄັ່ງຄັດ, ພ້ອມທັງສືບຕໍ່ປະຕິບັດການດຳລົງຊີວິດປົກກະຕິແບບໃໝ່ໃຫ້ກາຍເປັນຄວາມຊິນເຄີຍ ເປັນຕົ້ນອອກຈາກບ້ານເຮືອນເມື່ອຈຳເປັນ, ຕ້ອງໃສ່ຜ້າປິດປາກ-ດັງ ເວລາໄປສະ ຖານທີ່ທີ່ມີຄວາມສ່ຽງຕໍ່ການຕິດເຊື້ອ, ຫຼີກລ້ຽງການໃຊ້ລົດໂດຍສານສາທາລະນະ ໂດຍສະເພາະເວລາແອອັດ, ການລ້າງມືເລື້ອຍໆ ດ້ວຍນໍ້າສະອາດໃສ່ສະບູ ຫຼື ເຈວລ້າງມື, ການປະຕິບັດຮັກສາໄລຍະຫ່າງ ,ການກິນອາຫານທີ່ປຸງສຸກໃໝ່, ການແຍກຂອງໃຊ້ສ່ວນຕົວ ບໍ່ຄວນໃຊ້ຮ່ວມກັບຜູ້ອື່ນ, ເມື່ອກັບຮອດບ້ານຄວນອາບນ້ຳ ແລະ ປ່ຽນເສື້ອຜ້າທັນທີ ເພື່ອສະກັດກັ້ນການລະບາດຂອງພະຍາດໂຄວິດ19ບໍ່ໃຫ້ກັບຄືນມາຮອບໃໝ່.