ວັນອັງຄານ ທີ 19 ກັນຍາ 2023 ທີ່ຫ້ອງປະຊຸມໃຫຍ່ 403 Aບໍລິສັດ ລາວ ໂທລະຄົມມະນາຄົມ ມະຫາຊົນສຳນັກງານໃຫຍ່ ໄດ້ມີພິທີເປີດຝຶກອົບຮົມ ຫຼັກສູດຄວາມຮູ້ດ້ານວິທະຍາສາດຂໍ້ມູນຂັ້ນພື້ນຖານຫຼື Non Degree ລຸ້ນທີ II ພາຍໃຕ້ຫົວຂໍ້: “ຄວາມຮູ້ຄວາມສາມາດໃນດ້ານວິທະຍາສາດຂໍ້ມູນ ຫຼື Introduction Data Science”ໂດຍການເປັນປະທານ ເປີດງານໂດຍ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ລລທ ພ້ອມຄະນະ, ແຂກຖືກເຊີນ ແລະ ສໍາມະນາກອນເຂົ້າຮ່ວມ.
ການຝຶກອົບຮົມໃນຄັ້ງນີ້ຈະດຳເນີນໄປເປັນເວລາ 7 ວັນ ຄິດໄລ່ເປັນ 36 ຊົ່ວໂມງ, ເຊິ່ງເລີ່ມແຕ່ວັນທີ 19-27 ກັນຍາ 2023 ໂດຍໄດ້ຮັບການຮ່ວມມືຈາກຄະນະອາຈານ ຜູ້ຊ່ຽວຊານຂອງ ຄະນະວິສະວະກໍາສາດ ມະຫາວິທະຍາໄລ ຂອນແກ່ນ, ເພື່ອເປັນການພັດທະນາຄວາມຮູ້ຄວາມສາ ມາດ ຂອງບັນດາທ່ານເພື່ອເປັນແນວທາງກ້າວໄປສູ່ການເປັນຜູ້ຊໍານານການ ຫຼື ຊ່ຽວຊານທາງດ້ານວຽກງານຂອງຕົນຮັບຜິດຊອບທາງດ້ານວຽກງານ Data Science ເພື່ອໝູນໃຊ້ເຂົ້າໃນວຽກງານຕົວຈິງ ແລະ ສ້າງຜົນປະໂຫຍດຫຼາຍທີ່ສູດ.
ຈຸດປະສົງໃນການຈັດຝຶກອົບຮົມໃນຄັ້ງນີ້ ເພື່ອເປັນການເສີມສ້າງສາຍສຳພັນກັບບັນດາຄູ່ຮ່ວມທຸລະກິດ ຂອງ ລລທ ໂດຍຜ່ານການພັດທະນາທັກສະ ຄວາມຮູ້ຄວາມສາມາດໃນດ້ານວິທະຍາສາດຂໍ້ມູນ ຫຼື Data Science ຂອງພະນັກງານຮ່ວມກັນ ເພື່ອນຳໄປປັບໃຊ້ເຂົ້າໃນວຽກ ງານຕົວຈິງຂອງແຕ່ລະອົງກອນ ໃຫ້ເກີດຜົນປະໂຫຍດສູງສຸດ, ໂດຍການຝຶກອົບຮົມໃນຄັ້ງນີ້ ບັນດານັກສຳມະນາກອນຈະໄດ້ຮຽນຮູ້ກ່ຽວກັບ Data Science ຜ່ານການຮຽນທິດສະດີ ແລະ ປະຕິບັດຕົວຈິງ ເຊັ່ນ:ຄວາມຮູ້ຄວາມສາມາດໃນດ້ານວິທະຍາສາດຂໍ້ມູນ ຫຼື Introduction to Data Science, ຄວາມເຂົ້າໃຈທາງດ້ານທຸລະກິດຫຼື Business understanding,ຄວາມເຂົ້າໃຈທາງດ້ານຂໍ້ມູນຫຼື Data understanding, ຄວາມຮູ້ທາງດ້ານປັນຍາປະດີດຂັ້ນພື້ນຖານຫຼືIntroduction to AI, ຄວາມຮູ້ດ້ານການຮຽນຮູ້ດ້ວຍຕົນເອງຂອງລະບົບຄວມພິວເຕີໂດຍການນຳໃຊ້ຂໍ້ມູນຫຼືMachine Learning ແລະ ອື່ນໆ.
