ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ມອບອຸປະກອນ VDO Conference ຈໍານວນ 1 ຊຸດ ມູນຄ່າ 57 ລ້ານກວ່າກີບ ໃຫ້ກະຊວງແຮງງານ ແລະ ສະຫວັດດີການສັງຄົມ (ຮສສ).
ພິທີມອບ-ຮັບເຄື່ອງດັ່ງກ່າວຈັດຂຶ້ນເມື່ອວັນທີ 10 ມີຖຸນາ 2021 ທີ່ກະຊວງ ຮສສ ໂດຍແມ່ນ ທ່ານ ສຸພົນ ຈັນທະວີໄຊ ຜູ້ອໍານວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ເປັນຜູ້ກ່າວມອບ ແລະ ທ່ານ ນາງ ໃບຄໍາ ຂັດທິຍະ ລັດຖະມົນ ຕີກະຊວງແຮງງານ ແລະ ສະຫວັດ ດີການສັງຄົມເປັນຜູ້ກ່າວຮັບໂດຍມີພາກ ສ່ວນທີ່ກ່ຽວຂ້ອງສອງຝ່າຍເຂົ້າຮ່ວມ.
ເຄື່ອງທີ່ໄດ້ຮັບຄັ້ງນີ້ ຈະໄດ້ນໍາໃຊ້ເຂົ້າໃນວຽກງານວິຊາສະເພາະເປັນຕົ້ນແມ່ນກອງປະຊຸມທາງໄກແບບ (Online) ກັບບັນດາກະຊວງ, ກົມກອງ, ບັນດາແຂວງຕ່າງໆພາຍໃນປະເທດ ແລະ ອົງການຈັດຕັ້ງສາກົນຕ່າງປະເທດໃຫ້ມີຄວາມສະດວກສະບາຍວ່ອງໄວ ແລະ ທັນສະພາບການ ໂດຍສະເພາະແມ່ນນໍາໃຊ້ເຂົ້າໃນວຽກງານປ້ອງກັນ, ຄວບຄຸບ ແລະ ແກ້ໄຂການລະບາດຂອງພະຍາດ COVID-19 ແລະ ຜົນກະທົບຈາກພະຍາດດັ່ງກ່າວ.
ໃນໂອກາດນີ້ ທ່ານ ນາງ ໃບຄໍາ ຂັດທິຍະ ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ການປະກອບສ່ວນຂອງ ບໍລິສັດ ລາວ ໂທລະຄົມມະນາຄົມ ມະຫາຊົນ ໃນຄັ້ງນີ້ເພາະເຄື່ອງທີ່ໄດ້ຮັບຄັ້ງນີ້ແມ່ນເຕັກໂນໂລຊີທີ່ທັນສະໄໝ ແລະ ມີຄວາມຈໍາເປັນໃນການປະຕິບັດວຽກງານໃນສະພາບປັດຈຸບັນ.
Loading...