ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ coVID-19 ປະຕິເສດຕໍ່ຂ່າວລືຜ່ານສື່ສັງຄົມອອນລາຍທີ່ວ່າ ປະເທດລາວໄດ້ຮັບວັກຊິນປ້ອງກັນພະຍາໂຄວິດ19 ສະປຸດນິກ v ຂອງຣັດເຊຍ ຈຳນວນ 2 ລ້ານໂດສ ເຊິ່ງຂ່າວນີ້ບໍ່ເປັນຄວາມຈິງ ເພາະການມອບຮັບໃນວັນທີ 21 ມັງກອນນີ້ ໄດ້ຮັບ1000ໂດສ ເທົ່ານັ້ນ.
ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ໃຫ້ສໍາພາດວ່າ: ປະເທດລາວໄດ້ຮັບວັກຊິນປ້ອງກັນພະຍາດໂຄວິດ19 ສະປຸດນິກ v ຂອງຣັດເຊຍ ໃນວັນທີ 21 ມັງກອນ 1.000 ໂດສ ສາມາດສັກໃຫ້ອາສາສະໝັກ ທີ່ເປັນກຸ່ມສ່ຽງໄດ້ 500 ຄົນເທົ່ານັ້ນ ແລະ ໃນມື້ນັ້ນທ່ານທູດຣັດເຊຍ ໄດ້ສະເໜີວ່າຖ້າປະເທດລາວ ລົງທະບຽນວັກຊິນ ສະປຸດນິກ v ໄດ້ໄວ ຝ່າຍຣັດເຊຍ ຈະຮັກສາໄວ້ໃຫ້ 2ລ້ານໂດສ ທີ່ລາວສາມາດຈັດຊື້ໄດ້ພາຍໃຕ້ເງື່ອນໄຂໃດໜຶ່ງ.
ອີງຕາມຂໍ້ມູນຈາກສະຖານທູດຣັດເຊຍ ປະຈໍາລາວ ໃຫ້ຮູ້ວ່າ: ພິທີມອບຮັບວັກຊິນສະປຸດນິກ v ຂອງຣັດເຊຍ ໃນອາທິດແລ້ວນີ້ ສະຖານທູດຣັດເຊຍ ປະຈຳລາວ ຍັງໄດ້ຕາງໜ້າໃຫ້ກອງທຶນເພື່ອການພັດທະນາ ລົງນາມກັບບໍລິສັດ ລາວແອັດແລນຕິກ ເຊິ່ງແມ່ນກະຊວງສາທາລະນະສຸກຂອງລາວ ໃຫ້ການຮ່ວມມືຢ່າງໃກ້ຊິດ ເພື່ອສະໜອງວັກຊິນໃນປະລິມານທີ່ສອງຝ່າຍໄດ້ຕົກລົງເຫັນດີ ແລະ ເປັນເອກະພາບກັນນັບແຕ່ປີນີ້ເປັນຕົ້ນໄປ.
ໂດຍ: ພອນໄຊ ແສງສະຫວ່າງ
Loading...