ສະຖານເອກອັກຄະລັດຖະທູດ ສ ກູບາ ປະຈຳ ສປປ ລາວ ຮ່ວມກັບຫ້ອງການປົກຄອງນະຄອນຫລວງວຽງຈັນ ຈັດພິທີປູກຕົ້ນໄມ້ມິດຕະພາບ ລາວ-ກູບາ ທີ່ສວນສາທາລະນະ ນະຄອນຫລວງວຽງຈັນ ໃນວັນທີ 1 ມິຖຸນາ 2024 ເຊິ່ງກົງກັບວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ເພື່ອສະເຫລີມສະຫລອງ ສາຍພົວພັນການທູດ ລາວ-ກູບາ ຄົບຮອບ 50 ປີ (4 ພະຈິກ 1974-4 ພະຈິກ 2024) ໂດຍການເຂົ້າຮ່ວມຂອງທ່ານ ອາດສະພັງທອງ ສີພັນດອນ ເຈົ້າຄອງນະຄອນລວງວຽງຈັນ, ທ່ານ ບຸນເຫລືອ ພັນດານຸວົງ ຮອງລັດຖະມົນຕີ, ຮອງລັດຖະມົນຕີ ກະຊວງການຕ່າງປະເທດ, ທ່ານ ຈະເລີນ ເຢຍປາວເຮີ, ຮອງປະທານສະພາແຫ່ງຊາດ, ປະທານສະມາຄົມມິດຕະພາບ ລາວ-ກູບາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ນາງ ແອນນາ ເອເທີວຽນ ວານເດສ ເອກອັກຄະລັດຖະທູດ ແຫ່ງ ສ ກູບາ ປະຈຳ ສປປ ລາວ ໄດ້ກ່າວວ່າ: ຕົ້ນໄມ້ທີ່ປູກ ແມ່ນຕົ້ນ ຈານ (Butea monosperma) ເປັນທີ່ຮູ້ຈັກກັນໃນນາມ “ດອກໄຟແຫ່ງພົງໄພ”, ເຊິ່ງເປັນສັນຍາລັກແຫ່ງແສງໄຟ ແລະ ມິດຕະພາບ ທີ່ຈະຄົງຢູ່ຕະຫລອດການ.
