ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ນັບແຕ່ປີ 2022 ເປັນຕົ້ນມາເມືອງຫຼ້າ ແຂວງຢຸນນານ ສປ ຈີນ ກັບ ສປປ ລາວໄດ້ຮ່ວມກັນຈັດງານແລກປ່ຽນວັດທະນະທໍາ ລະຫວ່າງປະຊາຊົນຢູ່ຕາມຊາຍແດນ ລາວ-ຈີນ ເຊິ່ງໄດ້ກາຍເປັນເວທີສຳຄັນຂອງການແລກປ່ຽນປະຊາຊົນເພື່ອສົ່ງເສີມມິດຕະພາບລົງເລິກການຮ່ວມມືການພັດທະນາລະຫວ່າງຈີນແລະລາວ ໂດຍສະເພາະງານແລກປ່ຽນວັດທະນະທໍາ ລະຫວ່າງປະຊາຊົນຢູ່ຕາມຊາຍແດນ ໄດ້ມີຜົນສຳເລັດເປັນຢ່າງດີ.
ທ່ານ ປອງດອງ ປະຊາພັກດີ ກົງສຸນໃຫຍ່ ສປປ ລາວ ປະຈຳນະຄອນຄຸນໝິງ ສປ ຈີນ ກ່າວໃນງານແລກປ່ຽນວັດທະນະທໍາ ລະຫວ່າງປະຊາຊົນຢູ່ຕາມຊາຍແດນ ລາວ-ຈີນ ປະຈໍາປີ 2024 ຄັ້ງວັນທີ 21 ມິຖຸນາ 2024 ຢູ່ເມືອງຫຼ້າ ກິ່ງແຂວງສິບສອງພັນນາ ແຂວງຢຸນນານ ສປ ຈີນ ວ່າ: ສປປ ລາວ ແລະ ສປ ຈີນ ເປັນປະເທດບ້ານໃກ້ເຮືອນຄຽງທີ່ມີສາຍພູ ແລະ ສາຍນໍ້າຕິດຈອດກັນເປັນຄູ່ຮ່ວມມືຍຸດທະສາດຮອບດ້ານ ໝັ້ນຄົງຍາວນານ ຕາມທິດ 4 ດີ (ເປັນບ້ານໃກ້ເຮືອນຄຽງທີ່ດີເປັນເພື່ອນທີ່ດີເປັນສະຫາຍທີ່ດີ ແລະ ເປັນຄູ່ຮ່ວມມືທີ່ດີ) ນັບແຕ່ປີ 2019 ເປັນຕົ້ນມາການພົວພັນໄດ້ຍົກລະດັບເປັນຄູ່ຮ່ວມຊາຕາກໍາ ລາວ-ຈີນ ປະຊາຊົນສອງຊາດມີມູນເຊຶ້ອໄປ-ມາຫາສູ່ກັນ ແລະ ໃຫ້ການສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນມາແຕ່ບູຮານນະການ ການນໍາຂັ້ນສູງຂອງທັງສອງປະເທດໄດ້ມີການແລກປ່ຽນການຢ້ຽມຢາມເຊິ່ງກັນແລະ ກັນເປັນປົກກະຕິນັບແຕ່ຂັ້ນສູນກາງລົງຮອດທ້ອງຖິ່ນ.
ໂດຍ: ຄໍາກອງ