ກອງປະຊຸມສໍາມມະນານະໂຍບາຍ ແລະ ການຄຸ້ມຄອງລັດ ກ່ຽວກັບວຽງານຊົນ ເຜົ່າ ຈັດຂຶ້ນໃນວັນທີ 3 ກັນຍາ 2024 ທີ່ກະຊວງພາຍໃນ ໂດຍການເປັນປະທານຮ່ວມຂອງ ທ່ານ ສໍສອນພິດ ພານຸວົງ ຫົວໜ້າກົມຊົນເຜົ່າ ແລະ ສາສະໜາ ກະຊວງພາຍໃນ ແຫ່ງ ສປປ ລາວ ແລະ ທ່ານ ເຢີນ ຊຽງກວາງ ຫົວໜ້າກົມພັດທະນາຊົນ ເຜົ່າ ຄະນະກໍາມະການຊົນເຜົ່າແຫ່ງຊາດ ສປ ຈີນ .
ທ່ານ ສໍສອນພິດ ພານຸວົງ ກ່າວຕໍ່ກອງປະຊຸມວ່າ: ປັດຈຸບັນ ສປປ ລາວ ປະກອບມີ 50 ຊົນເຜົ່າ ຈັດເຂົ້າໃນ 4 ໝວດພາສາ ເຊິ່ງດຳລົງຊີວິດຢູ່ສະຫຼັບສັບຫວ່າງກັນແຕ່ເໜືອຮອດໃຕ້ ເຊິ່ງມີມູນເຊື້ອສາມັກຄີປອງດອງກັນ ມີພື້ນຖານເສດຖະກິດ-ສັງຄົມຮ່ວມກັນ ມີວັດທະນະທໍາລາວທີ່ເປັນວັດທະນະທຳລວມຂອງທຸກຊົນເຜົ່າ ມີພາສາ ແລະ ຕົວໜັງສືລາວເປັນພາສາກາງ ຄຽງຄູ່ກັບການຮັກສາພາສາປາກເວົ້າ ແລະ ຮີດຄອງປະເພນີທີ່ເປັນເອກະລັກຂອງແຕ່ລະຊົນເຜົ່າ ພ້ອມກັນນັ້ນ ບາງຊົນເຜົ່າຍັງມີ ການພົວພັນກົກເຄົ້າເຫງົ້າກໍກັບບາງຊົນເຜົ່າໃນປະເທດໃກ້ຄຽງ ແລະ ຊົນເຜົ່າຕ່າງໆໄດ້ມີຜົນງານອັນໃຫຍ່ຫຼວງໃນຂະບວນການປົກປັກຮັກສາ ແລະ ສ້າງສາພັດທະນາປະເທດ.
ຊົນເຜົ່າເປັນວຽກງານໜຶ່ງທີ່ສອດຫ້ອຍໃນທຸກຂະແໜງການຂອງພັກ-ລັດ ແລະ ເປັນວຽກທີ່ສຳຄັນ ດັ່ງນັ້ນ ພັກ-ລັດງຈຶ່ງໄດ້ເອົາໃຈໃສ່ໃນການວາງແນວທາງນະໂຍບາຍ ກົດໝາຍ ລະບຽບການ ແລະ ນິຕິກໍາເພື່ອເປັນບ່ອນອີງໃນການຈັດຕັ້ງປະຕິບັດເນື່ອງຈາກບັນຫາຊົນເຜົ່າເປັນບັນຫາທີ່ລະອຽດອ່ອນ ແລະ ຫຼໍ່ແຫຼມຕໍ່ຄວາມສະຫງົບ ແລະ ຄວາມໝັ້ນຄົງຂອງຊາດ.
ໃນກອງປະຊຸມຄັ້ງນີ້ຜູ້ເຂົ້າຮ່ວມໄດ້ຮັບຟັງການສະເໜີກ່ຽວກັບນະໂຍບາຍ ແລະ ການຄຸ້ມຄອງລັດກ່ຽວກັບວຽກງານຊົນເຜົ່າໃນ ສປປ ລາວ ຈາກທ່ານ ສໍສອນພິດ ພາ ນຸວົງ ແລະ ການສະເໜີກ່ຽວກັບແນວທາງ ນະໂຍບາຍ ແລະ ການຄຸ້ມຄອງວຽກງານຊົນ ເຜົ່າຂອງ ສປ ຈີນ ຈາກທ່ານ ເຢີນ ຊຽງກວາງອີກດ້ວຍ.
