ລາວ ສົ່ງຄະນະນໍາ ແລະ ນັກກິລາລວມທັງໝົດ 9 ຄົນ ເຂົ້າຮ່ວມງານມະ ຫະກຳກິລາໂອແລມປິກສາກົນ ຄັ້ງທີ XXXll ແລະ ງານມະຫະກຳກິລາພາຣາແລມປິກເກມ ຄັ້ງທີ XVI ທີ່ຈະຈັດຂຶ້ນຢູ່ນະຄອນຫຼວງ ໂຕກຽວ ປະເທດຍີ່ ປຸ່ນ ໃນລະຫວ່າງວັນທີ 23 ກໍລະກົດ- 8 ສິງຫາ 2021. ກິລາທີ່ຈະເຂົ້າຮ່ວມແຂ່ງຂັນ ມີ:
– ກິລາແລ່ນ-ລານ 1 ຄົນ ນາງ ສິລິນາ ພະອາໄພ ລາຍການ ແລ່ນ 100 ແມັດ.
– ກິລາລອຍນໍ້າ 2 ຄົນ ນາງ ສິຣິອາລຸນ ບຸດຈະເລີນ ລາຍການ 50 ແມັດ ຟຣີສະຕາຍ, ທ້າວ ສັນຕິສຸກ ອິນທະວົງ ລາຍການ 50 ແມັດ ຟຣີສະຕາຍ
– ກິລາຢູໂດ້ 1 ຄົນ ທ້າວ ສຸກພະໄຊ ສິດທິສານ ລຸ້ນນໍ້າໜັກ 60 ກິໂລ
– ກິລາແລ່ນ-ລານ ຄົນພິການ ທ້າວ ແກ່ນ ເທບທິດາ ລາຍການ ແລ່ນ 100 ແມັດ (ພິການສາຍຕາລະດັບ T13)
ພິທີຖະແຫລງຂ່າວກ່ຽວກັບການສົ່ງນັກກິລາເຂົ້າຮ່ວມການແຂ່ງຂັນຄັ້ງນີ້ ຈັດຂຶ້ນໃນວັນທີ 8 ກໍລະກົດ 2021 ທີ່ຫ້ອງປະຊຸມໃຫຍ່ຄະນະກໍາມະການໂອແລມປິກແຫ່ງຊາດລາວ ໂດຍການໃຫ້ກຽດເຂົ້າຮ່ວມຂອງ ທ່ານ ນາງ ຂັນທະລີ ສິລິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ເຄໂຊ ທາເກວະກະ ເອກອັກຄະລັດຖະທູດຍີ່ປຸ່ນ ປະຈຳ ສປປ ລາວ.
ເປົ້າໝາຍໃນການເຂົ້າຮ່ວມການແຂ່ງຂັນຄັ້ງນີ້ ເພື່ອຍົກລະດັບສະຖິ ຕິນັກກິລາລາວໃຫ້ສູງກວ່າໃນຄັ້ງຜ່ານມາ, ສຳລັບນັກກິລາຢູໂດ ຈະສູ້ຊົນໃຫ້ເຂົ້າຮອບເລີກໆ, ເພີ່ມທະວີການສ້າງຄວາມສາມັກຄີຊາດເພື່ອນມິດ, ກັບການຈັດຕັ້ງອົງກອນສາກົນ, ສ້າງປະສົບການ, ຊອກຫາສິ່ງທີ່ຄົງຄ້າງທ້າ ທາຍ ເພື່ອມາປັບປຸງມາແກ້ໄຂກະກຽມເຂົ້າຮ່ວມການແຂ່ງຂັນໃນລະດັບອາຊຽນໃນຕໍ່ໜ້າ ໂດຍສະເພາະແມ່ນກິລາຊີເກມ ຄັ້ງທີ XXXI ທີ່ຫວຽດນາມ ຮັບກຽດເປັນເຈົ້າພາບໃນທ້າຍປີນີ້ ຫຼື ອາດເລື່ອນເວລາ ແລະ ຈະຮຽນຮູ້ໃນສິ່ງຕ່າງໆ ກໍຄື ທາງດ້ານວັດທະນະທຳສັງຄົມ ແລະ ທາງດ້ານການບໍລິຫານກິລາໃຫ້ໄດ້ຮັບໝາກຜົນ.
ທ່ານ ນາງ ແສງເດືອນ ຫຼ້າຈັນທະບູນ, ປະທານຄະນະກຳມະການໂອແລມປິກແຫ່ງຊາດລາວ ແລະ ປະທານຄະນະກຳມະການພາຣາແລມປີກແຫ່ງຊາດລາວ ໄດ້ໂອ້ລົມແນະນໍາໃຫ້ນັກກິລາລາວ ກໍຄື ຄູຝຶກທີ່ຈະເດີນທາງເຂົ້າຮ່ວມແຂ່ງຂັນຄັ້ງນີ້ ເອົາໃຈໃສ່ຫລາຍບັນຫາສໍາຄັນ ເປັນຕົ້ນ: ການຮັກ ສາສຸຂະພາບ, ກວດເຊັກສຸຂະພາບທຸກຢ່າງຕາມລະບຽບການທີ່ເຈົ້າພາບວາງອອກໃຫ້ຄົບຖ້ວນກ່ອນອອກເດີນທາງ, ກະກຽມເອກະສານ, ຂໍ້ມູນ, ອຸປະກອນກິລາຂອງຕົນ, ວາງແຜນການຝຶກແອບສຶກສາຕາຕະລາງແຂ່ງ ຂັນ, ໃຫ້ລະມັດລະວັງໃນການນຳໃຊ້ຢາທຸກສະນິດ, ປະຕິບັດລະບຽບການຂອງເຈົ້າພາບວາງອອກ ຢ່າງເຄັ່ງຂັດ ແລະ ອື່ນໆ.
ງານກິລາໂອແລມປິກສາກົນ ທີ່ນະຄອນຫຼວງ ໂຕກຽວ ມີ 206 ປະເທດ ຈາກ 5 ທະວີບເຂົ້າຮ່ວມແຂ່ງຂັນ. ສໍາລັບນັກກິລາ ພ້ອມດ້ວຍຄະນະນຳ-ຄູຝືກ ຈະອອກເດີນທາງ ໃນວັນທີ 15 ກໍລະກົດນີ້, ສະເພາະກິລາແລ່ນ-ລານ ແລະ ລອຍນໍ້າ ແມ່ນໄດ້ສິດທິພິເສດເຂົ້າຮ່ວມຈາກໂອແລມປິກສາກົນ, ສ່ວນກິລາຢູໂດ້ ແມ່ນຜ່ານການແຂ່ງຂັນເກັບຄະແນນຄັດເລືອກລະດັບສາ ກົນ.
ໃນພິທີຖະແຫລງຂ່າວໃນຄັ້ງນີ້ ຍັງໄດ້ມີການມອບ-ຮັບ ການອຸປະຖຳຫຼັກຈາກ 2 ບໍລິສັດ ຄື: ໂຮງງານຟຸດບອນໄທ ສະປອດດິ້ງກູດ ຫຼື ເອັບບີທີ ເຄື່ອງນຸ່ງນັກກິລາ ລວມມູນຄ່າ 78 ລ້ານ ແລະ ບໍລິສັດ ເບຍລາວ ຈຳກັດ 23 ລ້ານກີບ.
Cr: ສື່ເພື່ອສັງຄົມ ALL in ALL
Loading...