ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ການພົບປະສອງຝ່າຍ ເພື່ອປຶກສາຫາລືຮ່ວມ​ມືດ້ານການທ່ອງທ່ຽວ ລະຫວ່າງ ລາວ-ອິນໂດເນເຊຍ ໄດ້ມີຂຶ້ນໃນວັນທີ 25 ມັງກອນ 2024 ທີ່ນະຄອນຫລວງວຽງຈັນ, ຝ່າຍລາວໂດຍແມ່ນ ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວສປປ ລາວ (ຖວທ) ແລະ ຝ່າຍອິນໂດເນເຊຍໂດຍ ທ່ານ ຊານເດຍກາ ສາລາຮຸດິນ ອູໂນ ລັດຖະມົນຕີ ກະຊວງ ເສດຖະກິດ ແລະ ການທ່ອງທ່ຽວ ແຫ່ງ ສາທາລະນະລັດ ອິນໂດເນເຊຍ ໃນໂອກາດເຂົ້າ້ຮ່ວມກອງປະຊຸມ ລັດຖະມົນຕີທ່ອງທ່ຽວອາຊຽນ 2024 ທີ່ນະຄອນຫວງວຽງຈັນ ລະຫວ່າງວັນທີ 22-27 ມັງກອນ 2024 ນີ້.
ໃນໂອກາດນີ້, ທ່ານນາງ ສວນສະຫວັນ ວິຍະເກດ ກ່າວ່າ: ສປປ ລາວ ແລະ ອິນໂດເນເຊຍ ໄດ້ມີສາຍພົວພັນມິດຕະພາບ ແລະ ການຮ່ວມມືອັນດີງາມໃນຫລາຍຂົງເຂດ ເຊິ່ງພາຍຫລັງການເສີມສ້າງ ສາຍພົວພັນທາງການທູດຂອງສອງປະເທດ, ຂອບການຮ່ວມມືສອງຝ່າຍຂອງພວກເຮົາໄດ້ຮັບການເສີມຂະຫຍາຍໃຫ້ກວ້າງຂວາງ ແລະ ເລິກເຊິ່ງຍິ່ງຂຶ້ນ ອັນໄດ້ນໍາເອົາຜົນປະໂຫຍດມາສູ່ປະຊາຊົນສອງຊາດ ແລະ ການພັດທະນາໃນຂົງເຂດພາກພື້ນຂອງພວກເຮົາ ແລະ ຫວັງຢ່າງຍິ່ງວ່າ ທັງສອງກະຊວງ ຈະໄດ້ເຮັດວຽກຮ່ວມກັນ ຢ່າງໃກ້ຊິດດັ່ງທີ່ໄດ້ປຶກສາຫາລືຮ່ວມກັນ ໃນການພົບປະສອງຝ່າຍ ເພື່ອເພີ່ມທະວີຮັດແໜ້ນການຮ່ວມມື ໃນຂະແໜງການທ່ອງທ່ຽວ, ອັນເປັນສ່ວນປະກອບທີ່ສຳຄັນໜຶ່ງ ໃນການສະເຫລີມສະຫລອງມິດຕະພາບ ແລະ ການຮ່ວມມືໃນຂອບອາຊຽນ, ລວມທັງການເປັນປະທານອາຊຽນຂອງ ສປປ ລາວ ໃນປີ 2024.
ໄລຍະຜ່ານມາ ສປປ ລາວ ໄດ້ຮ່ວມມືກັບສະຖານເອກອັກຄະ ລັດຖະທູດ ອິນໂດເນເຊຍ ປະຈຳ ສປປ ລາວ ແລະ ກະຊວງເສດ ຖະກິດ ແລະ ການທ່ອງທ່ຽວອິນໂດເນເຊຍ ໄດ້ຈັດກອງປະຊຸມສຳມະນາ ຮ່ວມກັບພາກທຸລະກິດລາວ-ອິນໂດເນເຊຍ, ຈັດກິດຈະກໍາກ່ຽວກັບຄາລະວານລົດຈັກ “Wonderful Indonesia Motorbike Touring (WIMT) 2023” ໃນທ້າຍປີ ທີ່ຜ່ານ ມາ ເຊິ່ງການຈັດຄາລາວານລົດຄັ້ງນັ້ນ ມີຜູ້ເຂົ້າຮ່ວມທັງໝົດ 34 ທ່ານ, ຈຳນວນລົດຈັກ 25 ຄັນ, ເສັ້ນທາງແມ່ນ ເລີ່ມຈາກນະ ຄອນຫລວງຈາກາຕາ, ອິນໂດເນເຊຍ-ສິງກະໂປ-ມາເລເຊຍ- ໄທ-ກໍາປູເຈຍ ແລະ ສປປ ລາວ ໃນນັ້ນ ກໍໄດ້ຢ້ຽມຊົມສະຖານທີ່ທ່ອງທ່ຽວຂອງລາວຫລາຍແຫ່ງ.
Cr : ຂປລ