ວັນທີ 10 ພຶດສະພາ 2021, ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ພ້ອມດ້ວຍ ທ່ານ ນາງ. ຄຳຈັນ ວົງແສນບູນ, ຮອງລັດຖະມົນຕີ ກະຊວງແຜນການ ແລະ ການລົງທຶນ.
, ຕາງໜ້າກອງເລຂາ ຄະນະສະ ເພາະ ກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ໄດ້ຖະແຫຼງຂ່າວ ສະພາບການການລະບາດຂອງພະຍາດ COVID-19 ດັ່ງນີ້:
I. ຢູ່ ສປປ ລາວ ມາຮອດປະຈຸບັນ ມີ
• ລາຍງານຜູ້ຕິດເຊື້ອ ທັງໝົດ 1,327 ຄົນ (ໃໝ່ 25)
• ເສຍຊີວີດ 1 ຄົນ
• ໃນຈຳນວນຜູ້ຕິດເຊື້ອທັງໝົດ ແມ່ນໄດ້ຮັບການປິ່ນປົວຫາຍດີ ທັງໝົດ 238 ຄົນ (ນະຄອນຫຼວງ 5 ຄົນ ແລະ ແຂວງບໍ່ແກ້ວ 1 ຄົນ) ແລະ ຈະໄປສືບຕໍ່ຈຳກັດບໍລິເວນຢູ່ເຮືອນຈົນຄົບກຳນົດຕາມຄຳແນະນຳຂອງແພດ;
• ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ໃນຕ່ລະແຂວງ ຈຳນວນ 1,088 ຄົນ
 ລາຍລະອຽດຂອງຜູ້ຕິດເຊື້ອໃໝ່ 25 ຄົນ (ກໍລະນີຢັ້ງຢືນທີ 1,303 – 1,327)
– ສຳລັບຄົນເຈັບຕິດເຊື້ອໃໝ່ ມີ ນະຄອນຫຼວງ 6 ຄົນ, ຈໍາປາສັກ 1 ຄົນ, ບໍ່ແກ້ວ 15 ຄົນ, ສະຫວັນນະເຂດ 3 ຄົນ. ໃນຜູ້ຕິດເຊື້ອໃໝ່ 25 ຄົນນີ້ ມີກໍລະນີນຳເຂົ້າ 5 ກໍລະນີ, ໃນນັ້ນ ຈາກ ແຂວງສະຫວັນນະເຂດ 3 ຄົນ, ຈຳປາສັກ 1 ຄົນ ເຊິ່ງເປັນແຮງງານລາວທີ່ກັບມາ ແລະ 1 ຄົນ ຈາກນະຄອນຫຼວງວຽງຈັນ ເປັນຄົນຕ່າງປະເທດທີ່ມານຳຖ້ຽວບີນພິເສດ, ເຫຼືອນັ້ນ ແມ່ນຕິດເຊື້ອພາຍໃນຊຸມຊົນທີ່ພົວພັນກັບຜູ້ຕິດເຊື້ອເກົ່າ.
– ພາຍຫຼັງ ພວກເຮົາກວດພົບຜູ້ຕິດເຊື້ອໃໝ່, ພວກເຮົາໄດ້ລົງສອບສວນ, ສອບຖາມປະຫວັດ, ຕິດຕາມຜູ້ສຳຜັດໃກ້ຊິດ ແລະ ປະຫວັດການເຄື່ອນໄຫວຂອງພວກກ່ຽວ, ພາຍຫຼັງໄດ້ຂໍ້ມູນລະອຽດ ຈະແຈ້ງທາມລາຍໃຫ້ບັນດາທ່ານຮັບຊາບຕື່ມ.
ລ/ດ ແຂວງ ກໍລະນີສະສົມທັງໝົດ
ນັບແຕ່ປີ 2020 ຮອດປັດຈຸບັນ ຄົນເຈັບຕິດເຊື້ອໃໝ່
ວັນທີ 9/5/2021 ໝາຍເຫດ
1 ນະຄອນຫຼວງວຽງຈັນ 730 6 ເສຍຊີວິດ 1 ຄົນ
2 ຈຳປາສັກ 183 1 ຄົນເຈັບແຂວງເຊກອງປີ່ນປົວຢູ່ແຂວງຈຳປາສັກ 01 ຄົນແຕ່ໄລ່ເປັນຄົນເຈັບແຂວງເຊກອງ
3 ຫຼວງພະບາງ 16
4 ສະຫັວນນະເຂດ 51 3
5 ບໍ່ແກ້ວ 284 15 ຄົນເຈັບອອກໂຮງໝໍຢູ່ໂຮງໝໍແຂວງບໍ່ແກ້ວ
6 ສາລະວັນ 13
7 ຫຼວງນ້ຳທາ 6
8 ວຽງຈັນ 19
9 ຜົ້ງສາລີ 5 ຄົນເຈັບແຂວງຜົ້ງສາລີ 1 ຄົນນອນປີ່ນປົວຢູ່ແຂວງອຸດົມໄຊ
10 ອຸດົມໄຊ 10
11 ໄຊຍະບູລີ 3
12 ໄຊສົມບູນ 1
13 ເຊກອງ 1
14 ບໍລິຄຳໄຊ 3
15 ຄຳມ່ວນ 1
16 ຫົວພັນ 0
17 ຊຽງຂວາງ 1
18 ອັດຕະປື 0
ລວມ 1,327 25
1. ວຽກງານວີເຄາະ ກວດຊອກຫາເຊື້ອພະຍາດ ໂຄວີດ 19
• ໃນວັນທີ 09 ພຶດສະພາ 2021 ໄດ້ເກັບຕົວຢ່າງມາກວດວິເຄາະ ທັງໝົດ 4,429 ຕົວຢ່າງ ຜົນກວດວິເຄາະແມ່ນ ພົບຜູ້ຕິດເຊື້ອໃໝ່ 25 ຄົນ, ລາຍລະອຽດຄື: ນະຄອນຫຼວງ 6 ຄົນ, ຈໍາປາສັກ 1 ຄົນ, ບໍ່ແກ້ວ 15 ຄົນ, ສະຫວັນນະເຂດ 3 ຄົນ.
2. ວຽກງານການຈຳກັດບໍລິເວນ ຢູ່ສູນຈຳກັດບໍລິເວນ
ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 45 ສູນ, ມີຜູ້ຈຳກັດບໍລິເວນທັງໝົດ 3,352 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.
ຂໍ້ແນະນຳ
ເນື່ອງຈາກສະພາບການລະບາດທີ່ເກີດຂຶ້ນໃນຂະນະນີ້ ຍັງຄົງໜ້າເປັນຫ່ວງ ແລະ ແຜ່ລາມໄປຫຼາຍປະເທດໃນທົ່ວໂລກ, ມີຜູ້ຕິດເຊື້ອ ແລະ ຜູ້ເສຍຊີວິດເປັນຈຳນວນຫຼວງຫຼາຍ ກາຍເປັນຄວາມສູນເສຍຢ່າງໃຫຍ່ຫຼວງອີກຄັ້ງໜຶ່ງຂອງໂລກ, ສະນັ້ນ ເພື່ອໃຫ້ປອດໄພຈາກການຕິດເຊື້ອ ໃນໄລຍະທີ່ມີການລະບາດນີ້ ການປັບປ່ຽນ ວີຖີການດຳລົງຊີວິດທີ່ເປັນປົກກະຕິ ໃຫ້ກາຍເປັນແບບໃໝ່ນັ້ນ ຈະຊ່ວຍຫຼຸດຜ່ອນການລະບາດໃຫ້ຈຳກັດຢູ່ໃນແຕ່ວົງແຄບ ໂດຍການປະຕິບັດມາດຕະການຢ່າງເຄັ່ງຄັດ ເປັນຕົ້ນແມ່ນ: ໃສ່ຜ້າປິດປາກ-ດັງ ເມື່ອອອກຈາກບ້ານ, ຮັກສາໄລະຍຫ່າງ 2 ແມັດ, ໝັ່ນລ້າງມືເລື້ອຍໆ ດ້ວຍນ້ຳສະອາດໃສ່ສະບູຫຼື ເຈວລ້າງມືຂ້າເຊື້ອ, ຫຼີກລ້ຽງການເດີນທາງໄປຍັງສະຖານທີ່ ທີ່ມີຄວາມແອອັດ, ຫຼີກລ້ຽງຢູ່ໃກ້ກຸ່ມຄົນທີ່ມີຄວາມສ່ຽງ ຫຼື ຜູ້ທີ່ເຈັບເປັນ, ບໍ່ໃຊ້ສິ່ງຂອງຮ່ວມກັນ (ແຍກກັນກິນເຂົ້າ), ເມື່ອກັບຮອດເຮືອນ ຄວນອາບນ້ຳປ່ຽນເສື້ອຜ້າທັນທີ, ຫຼີກລ້ຽງການຢູ່ໃກ້ຜູ້ສູງອາຍຸ ເນື່ອງຈາກ ຜູ້ສູງອາຍຸ ເມື່ອຕິດເຊື້ອ ມີໂອກາດສູງທີ່ກ້າວໄປສູ່ອາການຮຸນແຮງໄດ້;
• ນອກຈາກນັ້ນແລ້ວ ຄວນຫຼຸດຜ່ອນການເຄື່ອນໄຫວກິີດຈະກຳ ຢູ່ນອກບ້ານ, ຖ້າມີຄວາມຈຳເປັນແທ້ ບໍ່ຄວນໃຊ້ເວລາເກີນ 15 ນາທີ ໃນສະຖານທີ່ດັ່ງກ່າວ;
• ຖ້າປະເທດຂອງພວກເຮົາໄດ້ຮັບການສັກວັກຊີນກັນພະຍາດ ເຖິງ 50-70 % ພວກເຮົາຈະມີພູມຄຸ້ມກັນຕໍ່ກັບພະຍາດດັ່ງກ່າວເປັນກຸ່ມກ້ອນໃຫຍ່ ເຊິ່ງເປັນອີກຊ່ອງທາງໜຶ່ງ ທີ່ຈະຊ່ວຍໃຫ້ການລະບາດໃນປະເທດເຮົາ ບໍ່ຂະຫຍາຍເປັນວົງກວ້າງໄດ້. ດັ່ງນັ້ນ, ຈຶ່ງຂໍຮຽກຮ້ອງມາຍັງທ່ານ ໄປສັກວັກຊີນຢູ່ຕາມສະຖານທີ່ບໍລິີການໃນຂອບເຂດທົ່ວປະເທດ;
• ສຳລັບ ຜູ້ທີ່ຖືກກຳນົດໃຫ້ອອກໂຮງໝໍ ເພື່ອໄປສືບຕໍ່ຕິດຕາມອາການຂອງຕົນຢູ່ເຮືອນ ຕາມຄຳແນະນຳຂອງແພດ ສິ່ງທີ່ທ່ານຄວນປະຕິບັດ ມີຄືດັ່ງນີ້:
– ແຍກຕົນເອງອອກຈາກຄົນໃນຄອບຄົວ ເປັນເວລາ 7 ວັນ ແລະ ບໍ່ໃຊ້ສິ່ງຂອງ
ຮ່ວມກັນ
– ວັດແທກ ແລະ ບັນທຶກອຸນຫະພູມທຸກວັນ ເຊົ້າ-ແລງ
– ຕິດຕາມອາການຂອງຕົນ, ຖ້າຫາກ ຮູ້ສຶກບໍ່ສະບາຍ, ໃຫ້ທ່ານຮີບຮ້ອນໄປພົບແພດຢູ່
ສະຖານທີ່ບໍລິການໃກ້ບ້ານທ່ານ.
• ທ້າຍສຸດນີ້ ຂໍແຈ້ງໃຫ້ທ່ານຊາບວ່າ ທ່ານສາມາດຮັບຂໍ້ມູນຂ່າວສານທີ່ຖືກຕ້ອງ ແລະ ເປັນທາງການຂໍໃຫ້ທ່ານຕິດຕາມຂໍ້ມູນຂ່າວສານ ໄດ້ທີ່:
o ວິທະຍຸ ໂທລະພາບ ໜັງສືພິມ ແລະສື່ຕ່າງໆ ຂອງລັດຖະບານ
o ຈາກເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 ກໍ່ຄື covid19.gov.la ແລະ
o ເວັບໄຊ້ຂອງກົມຄວບຄຸມພະຍາດຕິດຕໍ່,ກະຊວງສາທາລະນະສຸກcdc.gov.la
o ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະ
ນະສຸກ
o ແລະ ສາມາດໂທສອບຖາມ ສາຍດ່ວນ 166 ຫຼື 165 ສຳລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 166 ຫຼື 165).
Loading...