ການ ຖະແຫຼງຂ່າວຂອງຄະນະສະເພາະກິດ ປະຈຳວັນຈັນ ວັນທີ 27 ກັນຍາ ປີ 2021. ກ່ຽວກັບ ສະພາບການລະບາດຂອງພະຍາດໂຄວິດ-19 ປະຈໍາວັນ ໃນ ສປປ ລາວ ແລະ ໃນໂລກ.  

  • ສະພາບການລະບາດພະຍາດໂຄວິດ-19 ຢູ່ ສປປ ລາວ, ມາຮອດວັນທີ 26 ກັນຍາ 2021:

ໄດ້ກວດວິເຄາະທັງໝົດ 6,066 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 622 ຄົນ:

  • ກໍລະນີນໍາເຂົ້າ ມີ 12 ຄົນ ຈາກ ແຂວງ ສະຫວັນນະເຂດ 7 ຄົນ, ຄໍາມ່ວນ 3 ຄົນ, ສາລະວັນ 1 ຄົນ ແລະ ຈໍາປາສັກ 1 ຄົນ.
  • ສຳລັບ ການຕິດເຊື້ອໃນຊຸມຊົນ ມີ 610 ຄົນ ລາຍລະອຽດ ດັ່ງຕໍ່ໄປນີ້:
  1. ນະຄອນຫຼວງ 315 ຄົນ, ລາຍລະອຽດມີດັ່ງນີ້:
  • ເມືອງນາຊາຍທອງ 9 ຄົນ
  • ຈຸດເກັບຕົວຢ່າງບຶງຂະຫຍອງ 12 ຄົນ
  • ມສ ເຈົ້າອານຸວົງ 6 ຄົນ
  • ມສ ລາວຫວຽດ 3​ ຄົນ
  • ສະຖາບັນປັດສະເຕີ້ລາວ 11 ຄົນ
  • ເມືອງນາຊາຍທອງ, ບ້ານປາກແຮດ 6 ຄົນ
  • ເມືອງຈັນທະບູລີ, ບ້ານຫ້ວຍຫົງ 2 ຄົນ
  • ໂຮງງານຕັດຫຍິບກຽນວິໄລ 3 ຄົນ
  • ໂຮງງານອານພິລາວ 54 ຄົນ
  • ສູນຫຼັກ 27 ມີ 26 ຄົນ (ສຳຜັດໃກ້ຊິດກັບໂຮງງານອານພິລາວ)
  • ຈຸດເກັບຕົວຢ່າງສີເກີດ 60 ຄົນ
  • ເມືອງໄຊທານີ 14 ຄົນ
  • ເຫຼືອນັ້ນ ທີມງານກຳລັງເກັບກຳຂໍ້ມູນລະອຽດ ຈະລາຍງານໃຫ້ບັນດາທ່ານຊາບຕື່ມພາຍຫຼັງ
  1. ຄຳມ່ວນ 152 ຄົນ: ມາຈາກກຳມະກອນບໍລິສັດ ຄ້າຍຢວນ (ໃນນັ້ນ ເກືອບ 90 ເປີເຊັນ ແມ່ນ ກຳມະກອນຄົນລາວ)
  2. ຈໍາປາສັກ 59 ຄົນ:
  • ປາກເຊ 38 ຄົນ, ບາຈຽງ 10 ຄົນ, ປະທຸມພອນ 10 ຄົນ (ທະຫານ 5 ຄົນ) ແລະ ຊະນະສົມບູນ 1 ຄົນ
  • ເມືອງໂຂງ 1 ຄົນ (ແຮງງານຢູ່ສູນເມືອງ)
  1. ຫຼວງພະບາງ 35 ຄົນ: ເມືອງງອຍ 17 ຄົນ, ນ້ຳບາກ 14 ຄົນ, ນານ 3 ຄົນ ແລະ   

         ຈອມເພັດ 1 ຄົນ

  1. ແຂວງວຽງຈັນ 13 ຄົນ:
  • ເມືອງໂພນໂຮງ ມີ 12 ກໍລະນີ, ຊື່ງທັງໜົດ ແມ່ນມີປະຫວັດສໍາຜັດໃກ້ຊິດກັບກໍລະນີຕິດເຊື້ອຜ່ານມາ ໂດຍສະເພາະ ຮ່ວມງານເຮືອນດີ
  • ບ້ານນາຊູ ມີ 05 ກໍລະນີ
  • ວັດບ້ານນາຊູ ມີ 01 ກໍລະນີ
  • ບ້ານໂພນຂາມ 2 ກໍລະນີ ແລະ ບ້ານໂພນໂຮງ 02 ກໍລະນີ
  • ບ້ານນາໂພເໜຶອ 01 ກໍລະນີ ແລະ ບ້ານສ້າງໃຫ່ຍ 01 ກໍລະນີ
  • ເມືອງທຸລະຄົມ ມີ 01 ກໍລະນີ (ບ້ານໂພນແຮ່)
  1. ບໍ່ແກ້ວ 11 ຄົນ: ບ້ານ ພຽງງາມ 09 ຄົນ, ບ້ານຄວ້ານ 01 ຄົນ ເມືອງຕົ້ນເຜີ້ງ ແລະ ເຂດເສດຖະກິດພິເສດ 01 ຄົນ
  2. ບໍລິຄໍາໄຊ 7 ຄົນ:
  • ບ້ານໂພນຈະເລີນ, ເມືອງປາກກະດີງ ມີ 07 ກໍລະນີ, ທັງໝົດເຮັດວຽກຢູ່ເຂື່ອນໄຟຟ້ານ້ຳເທີນ 1 ແລະ ພັກຢູ່ຫໍພັກຂອງເຂື່ອນດັ່ງກ່າວ (ອາຊີບເປັນແມ່ຄົວ ມີ 02 ກໍລະນີ, ສັນຊາດ ລາວ 01, ແລະ ສັນຊາດ ຈີນ 01 ຄົນ); ກໍາມະກອນ ມິ 05 ກໍລະນີ (ສັນຊາດ ລາວ 01 ຄົນ; ແລະ ສັນຊາດ ຈີນ 04 ຄົນ)
  1. ສາລະວັນ 7 ຄົນ
  2. ສະຫວັນນະເຂດ 5 ຄົນ:
  • ພະນັກງານເອຄອນ ມີ 02 ກໍລະນີ; ບ້ານໂພນທັນ, ເມືອງໄຊບູລີ ແລະ ບ້ານຍາງສູງ, ນະຄອນໄກສອນ
  •  ບ້ານແກ້ງຢາງ, ເມືອງເຊໂປນ ມີ 02 ກໍລະນີ, ທັງສອງຄົນອາຊີບເປັນຊິບປີງ, ແລ່ນເອກະສານຢູ່ແດນສະຫວັນ
  •  ບ້ານວົງພັນສີ, ເມືອງອຸທຸມພອນ ມີ 01 ກໍລະນີ, ຊື່ງພົວພັນກັບຜູ້ຕິດເຊື້ອຢູ່ບ້ານດຽວກັນໃນໄລຍະຜ່ານມາ ແລະ ໄດ້ລາຍງານໃນວັນທີ 23 ກັນຍາ 2021.
  1. ໄຊສົມບູນ 3 ຄົນ:
  •  ບ້ານຊຽງຄົງ, ເມືອງທ່າໂທມ ມີ 02 ກໍລະນີ (ເປັນສາມີ-ພັນລະຍາ)  ໄດ້ໄປສົ່ງສະການພໍ່ຕູ້ຢູ່ບ້ານຖໍ້າດິນ, ເມືອງລ້ອງຊານ ແລະ ໄດ້ສໍາຜັດໃກ້ຊິດກັບກໍລະນີຕິດເຊື້ອຢູ່ງານເຮືອນດີ ທີ່ໄດ້ລາຍງານໃນວັນທີ 25 ກັນຍາ 2021
  •  ບ້ານວັງໄຮ່, ເມືອງທ່າໂທມ ມີ 01 ກໍລະນີ ໄດ້ ໄດ້ສໍາຜັດໃກ້ຊິດກັບກໍລະນີຕິດເຊື້ອ (ເປັນໝູ່ ເຮັດວຽກຢູ່ໂຮງງານອານພີລາວ)
  1. ຫລວງນໍ້າທາ 3 ຄົນ: ຄົນລາວ ​1 ຄົນ ແລະ ຄົນຈີນ ​2 ຄົນ (ມາຈາກ ເມືອງຕົ້ນເຜີ້ງ, ແຂວງບໍ່ແກ້ວ)

 

  • ປະຈຸບັນ ຜູ້ຕິດເຊື້ອໃໝ່ທັງໝົດ ໄດ້ເຂົ້ານອນແຍກປ່ຽວ ແລະ ຮັບການປິ່ນປົວຢູ່ສະຖານທີ່ປິ່ນປົວທີ່ຖືກກຳນົດໄວ້.
  • ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 22,441 ຄົນ, ເສຍຊີວິດສະສົມ 16 ຄົນ ແລະ ຄົນເຈັບກໍາລັງປິ່ນປົວ ທັງໝົດ 5,271 ຄົນ.

 

  • ປັດຈຸບັນແຂວງຕ່າງໆມີບ້ານແດງ ດັ່ງນີ້:
  • ນະຄອນຫຼວງວຽງຈັນ ມີ 95​ ບ້ານ ໃນ 8 ເມືອງ
  • ຄໍາມ່ວນ ມີ 55​ ບ້ານ ໃນ 6 ເມືອງ
  • ຈໍາປາສັກ ມີ 39 ບ້ານໃນ 6 ເມືອງ
  • ສະຫວັນນະເຂດ ມີ 21 ບ້ານ ໃນ 5 ເມືອງ
  • ແຂວງວຽງຈັນ 13 ບ້ານ ໃນ 4 ເມືອງ
  • ຫຼວງພະບາງ 7 ບ້ານ ໃນ 3 ເມືອງ
  • ສາລະວັນ 5 ບ້ານ ໃນ 2 ເມືອງ
  • ບໍ່ແກ້ວ 3 ບ້ານໃນ 1 ເມືອງ
  • ບໍລິຄໍາໄຊ 2 ບ້ານ ໃນ 1 ເມືອງ
  • ຊຽງຂວາງ 1 ບ້ານໃນ 1 ເມືອງ
  • ໄຊສົມບູນ 1 ບ້ານ ໃນ 1 ເມືອງ

 

  • ບ້ານໃໝ່ທີ່ກໍານົດເປັນເຂດແດງ ໃນນະຄອນຫຼວງວຽງຈັນ ມີ 12 ບ້ານ ໃນ 6 ເມືອງ:
  • ເມືອງໄຊເສດຖາ: ບ້ານໂນນສະຫວັນ
  • ເມືອງສີສັດຕະນາກ: ບ້ານສະພານທອງເໜືອ
  • ເມືອງສີໂຄດຕະບອງ: ບ້ານຈຳປາ ແລະ ໜອງໜ້ຽວ
  • ເມືອງນາຊາຍທອງ: ບ້ານນ້ຳກ້ຽງ, ເປິກ, ນ້ຳຫຸມ, ຫຸມແບ່ງ, ນາຊັບ, ບ້ານອີໄລໃຕ້
  • ເມືອງໄຊທານີ: ບ້ານສີວິໄລ
  • ເມືອງຫາດຊາຍຟອງ: ບ້ານກາງ
  • ບ້ານໃໝ່ທີ່ກໍານົດເປັນເຂດແດງ ໃນແຂວງສະຫັວນນະເຂດ ມີ 2 ບ້ານ ໃນ 2 ເມືອງ: ນະຄອນໄກສອນ: ບ້ານໂພໄຊ ແລະ ເມືອງ ອຸທຸມພອນ: ບ້ານ ຈະເລີນສຸກ
  • ຜູ້ທີ່ມີຈຸດປະສົງຢາກກວດຊອກຫາເຊື້ອໂຄວິດ-19 ສໍາລັບ ນະຄອນຫຼວງວຽງຈັນແມ່ນມີ:
  • ຈຸດເກັບຕົວຢ່າງຄົງທີ່ ປະກອບມີ:
  • ຈຸດເກັບຕົວຢ່າງ ສະໝານກິລາໃນຮົ່ມ ບຶງຂະຫຍອງ
  • ຈຸດເກັບຕົວຢ່າງ ໂຮງຮຽນ ມສ ລາວ-ຫວຽດ, ເມືອງໄຊເສດຖາ
  • ຈຸດເກັບຕົວຢ່າງ ມສ ເຈົ້າອະນຸວົງ, ເມືອງ ຈັນທະບູລີ
  • ສາ​ທາເມືອງ​ນາ​ຊາຍ​ທອງ (​ຢູ່ ບ້ານ ຫ້ວຍ​ນ້ຳ​ເຢັນ ຮອດ​ວັນ​ພຸດ)
  • ນອກຈາກນີ້ ຍັງມີບັນດາໂຮງໝໍສູນກາງ
  • ທິມເກັບຕົວຢ່າງເຄື່ອນທີ່:
  • ທິມ​ເຄື່ອນ​ທີ່​ຂອງ ​ເມືອງ ໄຊ​ທາ​ນີ ເຄື່ອນ​ທີ່​ຕາມ​ຈຸດ​ທີ່​ມີ​ການ​ລະ​ບາດ ພາຍ​ໃນ​ເມືອງ,
  • ​ເມືອງ ສີ​ສັດ​ຕະ​ນາກ ທີມເຄື່ອນ​ທີ່​ຕາມ​ຈຸດ​ທີ່​ມີ​ການ​ລະ​ບາດ​
  • ເມືອງນາ​ຊາຍ​ທອງ ມີ​ທິມເຄື່ອນ​ໄປ​ເກັບ​ຕາມ​ສູນ​ຈຳ​ກັດ​ບໍ​ລິ​ເວນ​ພາຍ​ໃນ​ເມືອງ​ຕື່ມອີກ,
  • ​ເມືອງ​ສີ​ໂຄດ​ຕະ​ບອງ ມີທີມ​ເຄື່ອນ​ທີ​່ໄປຕາມເຂດທີ່ມີການລະບາເຊັ່ນກັນ
  • ທິມ​ເຄື່ອນ​ທີ່​ຂອງ ນະ​ຄອນຫຼວງ 2 ທິມ ເຄື່ອນ​ທີ​ໄປຊ່ວຍ​ທຸກ​ເມືອງເກັບ​ຕົວ​ຢ່າງ​ຢູ່​ບ່ອນ​ທີ່​ມີ​ການ​ລະ​ບາດ
  • ທຸກທີມແມ່ນໃຫ້ບໍລິການບັນດາທ່ານທຸກວັນຕອນເຊົ້າ 9:00–11:30 ໂມງ (ວັນຈັນ ຫາ ວັນອາທິດ) ແລະ ຍັງມີທີມງານເກັບຕົວຢ່າງເຄື່ອນທີ່ໄປເກັບໃນສະຖານທີ່ທີ່ມີການລາຍງານຄົນຕິດເຊື້ອ.
  • ສຳລັບບັນດາແຂວງ ແມ່ນທ່ານສາມາດໄປກວດຊອກຫາເຊື້ອໄດ້ຢູ່ໂຮງໝໍແຂວງ ຫຼື ສະຖານທີ່ທີ່ກຳນົດໄວ້ ຫຼື ທີມງານໜ່ວຍເຄື່ອນທີ່ ທີ່ລົງເກັບຕົວຢ່າງ ໃນເຂດທີ່ມີການລະບາດໃນຊຸມຊົນ.
  • ການເຝົ້າລະວັງຢູ່ຕາມຈຸດຜ່ານແດນ ໃນຂອບເຂດທົ່ວປະເທດ
  • ວັນທີ 26 ກັນຍາ 2021 ມີຜູ້ເດີນທາງເຂົ້າຕາມດ່ານຕ່າງໆໃນ ສປປ ລາວ ຈໍານວນ ທັງໝົດ 730 ຄົນ.
  • ປັດຈຸບັນ ທົ່ວປະເທດມີສູນຈຳກັດບໍລິເວນທີ່ຍັງເປີດຢູ່ 118 ສູນ ແລະ 55 ໂຮງແຮມ, ມີຜູ້ຈຳກັດບໍລິເວນ 8,452 ຄົນ.
  • ຕໍ່ໄປນີ້ ຂ້າພະເຈົ້າຂໍລາຍງານສະພາບການຕິດເຊື້ອໃນທົ່ວໂລກ:
  • ປັດຈຸບັນ ທົ່ວໂລກມີລາຍງານຜູ້ຕິດເຊື້ອສະສົມທັງໝົດ ກໍລະນີຢັ້ງຢືນຕິດເຊື້ອທັງ

ໝົດ 232,576,506 (322,541 ໃໝ່), ເສຍຊິວິດທັງໝົດ 4,761,482 (4,852 ໃໝ່), ປີ່ນປົວຫາຍດີ 209,190,907 (329,003 ໃໝ່). ສໍາລັບ 3 ອັນດັບ ປະເທດທີ່ມີຜູ້ຕິດເຊື້ອ ແລະ ເສຍຊິວິດຫຼາຍກວ່າໝູ່ໃນໂລກ ກໍ່ຍັງແມ່ນ ສະຫະລັດອາເມລິກາ, ອິນເດຍ ແລະ ບຣາຊິວ.

  • ບັນດາປະເທດທີ່ມີຊາຍແດນຕິດຈອດກັບ ສປປ ລາວ:

ປະເທດທີ່ລາຍງານຜູ້ຕິດເຊື້ອຫຼາຍກ່ວາໝູ່ແມ່ນ ປະເທດໄທ ເຊິ່ງມີຜູ້ຕິດເຊື້ອໃໝ່ 12,353 ຄົນ ແລະ ເສຍຊີວິດໃນມື້ດຽວ 125 ຄົນ. ຮອງລົງມາແມ່ນ

ສສ ຫວຽດນາມ ມີລາຍງານຜູ້ຕິດເຊື້ອໃໝ່ 10,011 ຄົນ ແລະ ເສຍຊີວິດໃນມື້ດຽວ 184 ຄົນ.

  • ບັນດາທ່ານທີ່ນັບຖື ແລະ ຮັກແພງທັງຫຼາຍ
  • ປັດຈຸບັນ ສະພາບການລະບາດຂອງພະຍາດໂຄວິດ-19 ຢູ່ ສປປລາວ ເຫັນວ່າ ການຕິດເຊື້ອໃນຊຸມຊົນເພີ້ມຂື້ນຢ່າງຕໍ່ເນື່ອງໃນແຕ່ລະວັນ ໝາຍວ່າ ທຸກຄົນ ແມ່ນມີຄວາມສ່ຽງສູງ ແລະ ສາມາດຕິດເຊື້ອພະຍາດນີ້ໄດ້ທຸກເວລາ ຖ້າຫາກບັນດາທ່ານ ຍັງບໍ່ປະຕິບັດຕາມແຈ້ງການຂອງຄະນະສະເພາະກິດຂັ້ນຕ່າງໆ ວາງອອກເຊັ່ນ: ຫ້າມບໍ່ໃຫ້ອອກຈາກເຮືອນ, ຫ້າມຊຸມແຊວກັນເປັນກຸ່ມ… ;
  • ຖ້າຫາກທ່ານ ຮູ້ວ່າ ທ່ານຢູ່ໃນກຸ່ມສ່ຽງ ຫຼື ເປັນກຸ່ມສໍາພັດໃກ້ຊິດກັບຜູ້ທີ່ຕິດເຊື້ອ ໃຫ້ທ່ານແຍກໂຕເອງອອກຈາກຄົນອ້ອມຂ້າງທັນທີ ພ້ອມທັງ ຮີບຮ້ອນໄປກວດຫາເຊື້ອ, ໃນໄລຍະລໍຖ້າຜົນກວດ ຫຼື ຜົນກວດອອກມາວ່າ ທ່ານຕິດເຊື້ອ ກໍ່ຂໍໃຫ້ທ່ານ ມີຄວາມທຸ່ນທ່ຽງ,​ ສະຫງົບທາງຈິດໃຈ, ບໍ່ໃຫ້ກັງວົນເກີດເຫດ ເນື່ອງຈາກປັດຈຸບັນ ມີຈຳນວນຄົນຕິດເຊື້ອຫຼາຍ ທີ່ຈະຕ້ອງໄດ້ຮັບການປິ່ນປົວ. ດັ່ງນັ້ນ, ທາງທີມງານແພດເຮົາ ກໍ່ຈະຕ້ອງໄດ້ປະສານງານກັບສະຖານທີ່ຕ່າງໆ ເພື່ອຮັບຄົນເຈັບເຂົ້ານອນ, ພ້ອມດຽວກັນນັ້ນ ກໍ່ຮັບປະກັນບໍ່ໃຫ້ມີການຕິດເຊື້ອໃສ່ບຸກຄະລາກອນແພດ. ດັ່ງນັ້ນ, ແມ່ນໃຫ້ທ່ານສືບຕໍ່ຈຳກັດບໍລິເວນຢ່າງເຄັ່ງຄັດ ຈົນກວ່າຈະມີທີມງານແພດມາຮັບທ່ານຢູ່ເຮືອນ;
  • ສຳລັບ ທ່ານທີ່ເປັນຜູ້ສຳຜັດໃກ້ຊິດ ເຖິງຜົນກວດອອກມາບໍ່ພົບເຊື້ອກໍ່ຕາມ ຍັງຈຳເປັນຕ້ອງຈໍາກັດບໍລິເວນຕົນເອງຈົນຄົບ 14 ວັນ,​ ຖ້າຫາກທ່ານຮູ້ສຶກບໍ່ສະບາຍ ໃຫ້ໂທປຶກສາສາຍດ່ວນ ທັນທີ ຫຼື ໄປສະຖານບໍລິການສາທາລະນະສຸກທີ່ໃກ້ທີ່ສຸດ. ໝັ່ນຕິດຕາມອຸນຫະພູມຂອງຕົນເອງ, ຖ້າມີອາການໄຂ້, ໄອ, ດັງບໍ່ໄດ້ກີ່ນ, ຫາຍໃຈຍາກ ແມ່ນໃຫ້ໂທສອບຖາມສາຍດ່ວນ 165/166  ຫຼື ໄປພົບແພດທັນທີ;
  • ບັນຫາສຳຄັນ ປັດຈຸບັນ ສັງເກດເຫັນວ່າ ມີກຸ່ມຄົນເປັນຈໍານວນໜຶ່ງ ຍັງອອກໄປເຄື່ອນໄຫວກິດຈະກຳຢູ່ນອກບ້ານ ໂດຍທີ່ບໍ່ມີຄວາມຈຳເປັນ ເຊິ່ງທ່ານອາດນຳເອົາຕົນເອງເຂົ້າໄປຫາຄວາມສ່ຽງໄດ້ເຊັ່ນດຽວກັນ ເພາະ ປັດຈຸບັນ ຄວາມສ່ຽງແມ່ນມີຢູ່ທຸກບ່ອນ. ສະນັ້ນ, ການລ໋ອກດາວ ປິດເມືອງ ນີ້ ກໍ່ແມ່ນເພື່ອ:
  1. ປ້ອງກັນບໍ່ໃຫ້ການລະບາດແຜ່ລາມອອກສູ່ວົງກວ້າງໃນຊຸມຊົນ
  2. ຮັກສາສຸຂະພາບ ແລະ ຊີວິດຂອງທ່ານ ແລະ ບໍ່ນຳເອົາເຊື້ອຈາກນອກເຮືອນເຂົ້າມາສູ່ຄອບຄົວ ໂດຍສະເພາະ ຜູ້ສູງອາຍຸ ກໍ່ຄື ພໍ່ແມ່,​ ພໍ່ເຖົ້າ, ແມ່ເຖົ້າ, ພໍ່ປູ່, ແມ່ຍ່າ ເຊິ່ງເຂົາເຈົ້າເຫຼົ່ານັ້ນ ສ່ວນຫຼາຍ ກໍ່ແມ່ນມີພະຍາດປະຈຳໂຕ. ດ່ັງນັ້້ນ, ຈຶ່ງມີຄວາມສ່ຽງສູງຕໍ່ການຕິດເຊື້ອ, ເກີດອາການໜັກ ແລະ ເສຍຊີວິດໄດ້
  3. ຫລຸດຜ່ອນຄວາມແອອັດ ຢູ່ສະຖານທີ່ຈຳກັດບໍລິເວນ ແລະ ສະຖານທີ່ປິ່ນປົວ.
  • ດັ່ງນັ້ນ, ຂ້າພະເຈົ້າຮຽກຮ້ອງໃຫ້ທຸກຄົນ ໃຫ້ຢູ່ກັບບ້ານ, ໃຫ້ຢູ່ກັບເຮືອນ, ຖ້າອອກໄປ ກໍ່ແມ່ນເພື່ອໄປຊື້ເຄື່ອງອຸປະໂພກ-ບໍລິໂພກທີ່ຈຳເປັນ, ອາດຈະ 1-2 ຄັ້ງ/ອາທິດ ເທົ່ານັ້ນ ຫຼື ເຈັບເປັນ ຈະຕ້ອງໄດ້ໄປຫາແພດ;
  • ຖ້າທຸກພາກສ່ວນໃນສັງຄົມ ຫາກຍັງບໍ່ກັນປະຕິບັດ ມາດຕະການທີ່ຄະນະສະເພາະກິດວາງອອກ ຢ່າງເຄັ່ງຄັດ ກໍ່ຈະເຮັດໃຫ້ການລະບາດຂະຫຍາຍສູ່ວົງກວ້າງ, ແກ່ຍາວ, ຈະກັບມາຫາທ່ານເອງ ແລະ ຄົນໃນຄອບຄົວ ແລະ ໂອກາດທີ່ຈະກັບຄືນມາໃຊ້ມາດຕະການຜ່ອນຜັນ ກໍ່ຈະແກ່ຍາວໄປອີກ ເຊິ່ງເປັນສິ່ງທີ່ທຸກຄົນບໍ່ເພິ່ງປາດຖະໜາ;
  • ເພື່ອຊອກຄົ້ນຫາພະຍາດໃຫ້ໄດ້ໄວທີ່ສຸດ, ກະຊວງສາທາລະນະສຸກ ຈຶ່ງໄດ້ອະນຸມັດ ໃຫ້ນໍາໃຊ້ ຊຸດກວດແບບໄວ, ໂດຍໄດ້ນຳໃຊ້ຕາມທີ່ອົງການອະນາໄມໂລກຮອງຮັບໃນເຫດການພາວະສຸກເສີນເທົ່ານັ້ນ ແລະ ໃຊ້ສະເພາະໃນສະຖານທີ່ບໍລິການສາທາລະນະສຸກ ທີ່ແພດໄດ້ຮັບການຝຶກອົບຮົມ. ປັດຈຸບັນ ມີຫຼາຍພາກສ່ວນ ໄດ້ສວຍໂອກາດ ອອກມາໂຄສະນາຂາຍ ໂດຍສະເພາະໃນສື່ສັງຄົມອອນລາຍຕ່າງໆ, ເຊິ່ງການນຳໃຊ້ນັ້ນ ຕ້ອງໄດ້ຄຳນຶງເຖິງຄຸນນະພາບ ແລະ ປະສິດຕິພາບ ອີກດ້ວຍ ເພາະອາດຈະໃຫ້ຜົນລົບປອມໄດ້. ພ້ອມດຽວກັນນັ້ນ ການນຳໃຊ້ຊຸດເຄື່ອງກວດ ທີ່ບໍ່ໄດ້ຮັບການອະນຸມັດຈາກກະຊວງສາທາລະນະສຸກ ຖືວ່າ ເປັນການກະທໍາທີ່ຜິດຕໍ່ລະບຽບກົດໝາຍ ເພາະ ຊຸດກວດທີ່ນໍາມາຂາຍອາດເປັນຂອງປອມ, ບໍ່ໄດ້ມາດຕາຖານ ແລະ ທີ່ສໍາຄັນທີ່ສຸດ ການເກັບມ້ຽນສິ່ງເສດເຫຼືອ-ຂີ້ເຫຍື້ອ ຈາກການນໍາໃຊ້ຊຸດກວດແບບໄວ້ນີ້ ແມ່ນຕ້ອງໄດ້ປະຕິບັດຢ່າງເຄັ່ງຄັດ ຖ້າເຮັດບໍ່ຖືກຕ້ອງມັນຈະແຜ່ເຊື້ອໄປສູ່ຄົນອ້ອມຂ້າງຕື່ມອີກ;
  • ອີກວິທີນື່ງດີທີ່ສຸດ ຄຽງຄູ່ກັບການປະຕິບັດມາດຕະການປ້ອງກັນການຕິດເຊື້ອນັ້ນ ກໍ່ຄື ການໄດ້ຮັບວັກຊີນ ເພື່ອສ້າງພູມຄຸມໃຫ້ແກ່ຕົວທ່ານເອງ ກໍ່ຄື ພູມຄຸ້ມກັນໝູ່, ສາມາດຊ່ວຍຫຼຸດຜ່ອນຄວາມຮຸນແຮງຂອງການເຈັບເປັນ ແລະ ການເສຍຊີວິດ.
  • ການສັກວັກຊິນ ແມ່ນໄດ້ສຶບຕໍ່ໃຫ້ບໍລິການ ຈຸດທີ 1) ຢູ່ ສູນການຄ້າລາວໄອເຕັກ, 2) ໂຮງໝໍເມືອງ 9 ຕົວເມືອງ, 3) ຢູ່ວັດຈີນ ບ້ານດົງປາແລບ (ຈັນ ເຖິງ ສຸກ) ແລະ ຍັງມີທີມເຄື່ອນທີ່ໃຫ້ບໍລິການໃນເຂດທີ່ມີການລະບາດ. ມາຮອດປະຈຸບັນທົ່ວປະເທດແມ່ນສາມາດວັກວັກຊີນໄດ້:
    • ເຂັມທີ 1 ໄດ້: 2,929,620 ເຂັມ ອັດຕາປົກຄຸມ 92 %
    • ທຸກເຂັມທີ່ແນະນໍາ ໄດ້: 2,012,302 ອັດຕາປົກຄຸມ 42 %
  • ຂໍຮຽກຮ້ອງມາຍັງ ພໍ່ແມ່, ພີ່ນ້ອງ, ປະຊາຊົນ ແລະ ທຸກພາກສ່ວນໃນສັງຄົມ ຈົ່ງພ້ອມໃຈກັນ ປະຕິບັດການດໍາລົງຊິວິດປົກກະຕິແບບໃໝ່ (new normal) ແລະ ພວກເຮົາທຸກຄົນ ຕ້ອງຮ່ວມແຮງຮ່ວມໃຈ ສາມັກຄີກັນ ຢູ່ບ້ານເພື່ອຊາດ ພ້ອມກັນຜ່ານຜ່າວິກິດນີ້ໄປດ້ວຍກັນ ແລະ ສາມາດກັບມາດຳລົງຊີວິດປົກກະຕິໂດຍໄວພ້ອມກັນຜ່ານຜ່າວິກິດການລະບາດຂອງພະຍາດ COVID-19 ໄປດ້ວຍດີ.

 

 

Loading...