ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ວັນທີ 08 ກໍລະກົດ 2020 ຢູ່ປະເທດເຮົາ ມີຜູ້ຕິດເຊື້ອພະຍາດໄຂ້ຍຸງລາຍ 47 ກໍລະນີ

ໃນໂອກາດ ຖະແຫຼງຂ່າວຕໍ່ສື່ມວນຊົນ ໃນຕອນເຊົ້າວັນທີ 9 ກໍລະກົດ 2020 ດຣ. ນາງ ລັດສະໝີ ວົງຄຳຊາວ, ຮອງຫົວໜ້າ ກົມຄວບຄຸມພະຍາດຕິດຕໍ່, ກະຊວງສາທາລະນະສຸກ. ໄດ້ລາຍງານກ່ຽວກັບສະພາບການລະບາດຂອງພະຍາດໄຂ້ຍຸງລາຍຢູ່ໃນປະເທດເຮົາ, ຄືທຸກໆປີກ້າວເຂົ້າສູ່ລະດູຝົນ, ພະຍາດໄຂ້ຍຸງລາຍ ເກີດຂຶ້ນ ໃນຫຼາຍແຂວງ ແລະ ສົ່ງຜົນກະທົບຕໍ່ຊີວິດການເປັນຢູ່ ແລະ ສຸຂະພາບຂອງພໍ່ແມ່ປະຊາຊົນ; ໃນວັນທີ 08 ກໍລະກົດ 2020 ສປປ ລາວ ເຮົາ ແມ່ນ ມີຜູ້ຕິດເຊື້ອທັງໝົດ 47 ກໍລະນີ ແຕ່ບໍ່ມີຜູ້ເສຍຊີວິດ.
ນັບແຕ່ວັນທີ 01 ມັງກອນ 2020 ຫາ 08 ກໍລະກົດ 2020 ມີຜູ້ຕິດເຊື້ອກໍລະນີສະສົມທັງໝົດ 2,661 ຄົນ, ຈາກລາຍງານຜູ້ຕິດເຊືອໃນ 17 ແຂວງ, ແຂວງທີ່ມີການລາຍງານຫຼາຍກວ່າໝູ່ແມ່ນ ນະຄອນຫຼວງວຽງຈັນ ເຊິ່ງມີເຖິງ 608 ຄົນ, ຖັດລົງມາແມ່ນແຂວງ ວຽງຈັນ 329 ກໍລະນີ, ບໍລິຄຳໄຊ 333 ກໍລະນີ ແລະ ແຂວງອັດຕະປື 236 ກໍລະນີ. ຈຳນວນຜູ້ເສຍຊີວິດຍ້ອນພະຍາດໄຂ້ຍຸງລາຍມີ ທັງໝົດ 08 ຄົນ, ນະຄອນຫຼວງ 03 ຄົນ, ບໍລິຄຳໄຊ 02 ຄົນ, ຄຳມ່ວນ 01 ຄົນ, ໄຊຍະບູລີ 01 ຄົນ ແລະ ຊຽງຂວາງ 01 ຄົນ;
ຕໍ່ສະພາບການຂອງການລະບາດຂອງໄຂ້ຍຸງລາຍຢູ່ປະເທດເຮົາ ຈິ່ງຕ້ອງພ້ອມກັນປະຕິບັດຄຳຂັວນທີ່ວ່າ ບໍ່ມີໜອນນ້ຳຍຸງລາຍ ກໍ່ບໍ່ມີຍຸງລາຍ ແລະ ບໍ່ມີໄຂ້ເລືອດອອກ. ພ້ອມນັ້ນ ຕ້ອງປະຕິບັດ 5 ປ ຢ່າງເຄັ່ງຄັດ ໃຫ້ເປັນປະຈຳ ຈຶ່ງສາມາດທຳລາຍແຫຼ່ງເພາະພັນຂອງຍຸງລາຍໄດ້; ຖ້າເປັນໄຂ້ໃຫ້ຮີບຮ້ອນໄປພົບແພດໝໍດ່ວນ.