ວັນທີ 1 ກໍລະກົດ 2022, ສະຫະຣາຊະ ອານາຈັກອັງກິດໄດ້ ມອບຊຸດປ້ອງກັນພະຍາດພະຍາດໂຄວິດ-19 (PPE) ຈຳນວນ 800,000 ຊຸດ ໃຫ້ແກ່ ກະຊວງສາທາລະນະສຸກ

ມອບ ໂດຍ ທ່ານ ຈອນ ເພຍຊັນ, ເອກອັກຄະລາຊະທູດ ສະຫະຣາຊະອານາຈັກອັງກິດ ປະຈຳ ສປປ ລາວ ແລະ ກ່າວຮັບໂດຍ ດຣ. ສະໜອງ ທອງຊະນະ, ຮອງລັດຖະມົນຕີ ກະຊວງສາທາລະນະສຸກ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ສະຫະລາຊະອານາຈັກອັງກິດ ໄດ້ເປັນຄູ່ຮ່ວມມືໃນວຽກງານການຮັບມືກັບການແຜ່ລະບາດຂອງພະຍາດໂຄວິດ-19 ຂອງ ສປປ ລາວ ຢ່າງສະໝໍ່າສະເໝີ. ຊື່ງໃນໄລຍະຜ່ານມາ ກໍ່ໄດ້ຊ່ວຍເຫຼືອ ວັກຊີນປ້ອງກັນພະຍາດໂຄວິດ-19 ແລະ ງົບປະມານເຂົ້າໃນວຽກງານການຮັບມືກັບພະຍາດໂຄວິດ-19 ຜ່ານທະນາຄານພັດທະນາອາຊີ.