ວັນທີ 10 ທັນວາ 2021, ມີຜູ້ຕິດເຊື້ອໂຄວິດ-19 ເພີ່ມໃໝ່ 1,645 ຄົນ, ເສຍຊີວິດ ໃໝ່ 7 ຄົນ.

 

ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19, ໄດ້ຖະແຫຼງຂ່າວ ກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງ ຕົວເລກການຕິດເຊື້ອພະຍາດ ໂຄວິດ-19 ໃນທົ່ວໂລກ ປະຈໍາວັນທີ 10 ທັນວາ ປີ 2021

ສະພາບການລະບາດຂອງພະຍາດ COVID-19 ຢູ່ ສປປ ລາວ

ວັນທີ 09 ທັນວາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 6,734 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 1,645 ຄົນ (ຕິດເຊື້ອພາຍໃນ ມີ 1,644ຄົນ ແລະ ຕິດເຊື້ອນໍາເຂົ້າ 01 ຄົນ).

ຂໍ້ມູນໂດຍຫຍໍ້ກ່ຽວກັບ ການຕິດເຊືື້ອພາຍໃນໃໝ່ ທັງໝົດ 1,644 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ເຊິ່ງຈະລຽງລຳດັບແຕ່ແຂວງຫຼາຍຫາໜ້ອຍມີລາຍລະອຽດ ດັ່ງນີ້:

  1. ນະຄອນຫຼວງ 924 ຄົນ ໃນ 180 ບ້ານ ແລະ 9 ເມືອງ
  2. ຫຼວງນໍ້າທາ ມີ 141 ຄົນ
  3. ອຸດົມໄຊ ມີ 108 ຄົນ
  4. ບໍ່ແກ້ວ ມີ 84 ຄົນ
  5. ຊຽງຂວາງ ມີ 70 ຄົນ
  6. ຫຼວງພະບາງ ມີ 64 ຄົນ
  7. ແຂວງວຽງຈັນ ມີ 48 ຄົນ
  8. ຫົວພັນ ມີ 43 ຄົນ
  9. ໄຊສົມບູນ ມີ 40 ຄົນ
  10. ບໍລິຄຳໄຊ ມີ 39 ຄົນ
  11. ຈຳປາສັກ ມີ 31 ຄົນ
  12. ໄຊຍະບູລີ ມີ 21 ຄົນ
  13. ສະຫວັນນະເຂດ ມີ 19 ຄົນ
  14. ຄຳມ່ວນ ມີ 14 ຄົນ
  15. ຜົ້ງສາລີ ມີ 14 ຄົນ
  16. ເຊກອງ ມີ 11 ຄົນ
  17. ສາລະວັນ ມີ 5  ຄົນ
  18. ອັດຕະປື ມີ 1 ຄົນ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດແມ່ນມີ 1 ຄົນ, ຈາກແຂວງສະຫວັນນະເຂດໄດ້ເຂົ້າຈຳກັດສູນຈຳກັດບໍລິເວນກ່ອນກວດພົບເຊື້ອ ແລະ ສົ່ງໄປປີ່ນປົວຢູ່ຕາມສະຖານທີ່ປີ່ນປົວທີ່ກຳນົດໄວ້.

ມາຮອດວັນທີ 09 ທັນວາ 2021 ຕົວເລກຜູ້ຕິດເຊື້ອສະສົມ ພະຍາດໂຄວິດ-19 ຢູ່ ສປປ ລາວ 86,148 ຄົນ, ເສຍຊີວິດສະສົມ 231 ຄົນ (ໃໝ່ 07), ປິ່ນປົວຫາຍດີ ແລະ ກັບບ້ານໃນມື້ວານ ມີ 653 ຄົນ, ກໍາລັງປິ່ນປົວ 11,906 ຄົນ.

  • ລາຍລະອຽດຜູ້ເສຍຊີວິດໃໝ່ 07 ຄົນ ມີດັ່ງນີ້:

 1). ເພດຊາຍ, ອາຍຸ 56 ປີ, ບ້ານຢູ່ປະຈຸບັນບ້ານກິ່ວກະຈຳ, ເມືອງ ຊຽງເງິນ  ແຂວງ ຫຼວງພະບາງ

–    ພະຍາດປະຈຳໂຕ: ເບົາຫວານ, ຄວາມດັນເລືອດສູງ

–    ບໍ່ໄດ້ຮັບການສັກຢາວັກຊີນປ້ອງກັນໂຄວິດ-19

–    ເຂົ້າໂຮງໝໍ ວັນທີ່ 06 ທັນວາ 2021, ຄົນເຈັບອິດເມື່ອຍ ແລະ ຜົນກວດພົບເຊື້ອພະຍາດໂຄວິດ-19 ແລະ ສະພາບຄົນເຈັບອິດເມື່ອຍອ່ອນເພຍຫຼາຍພາຍຫຼັງຟອກໄຂ່ຫຼັງ ແລະ ໄດ້ເຂົ້ານອນຕິດຕາມຢູ່ຫ້ອງມໍລະສຸມ

–    ມາຮອດເວລາ 23:20 ນາທີຂອງວັນທີ 07 ທັນວາ 2021: ຄົນເຈັບ ໄດ້ເສຍຊີວິດ

2). ເພດຍິງ, ອາຍຸ 35 ປີ ອາຊີບ: ປະຊາຊົນ, ບ້ານຢູ່: ສັງຄະໂລກ ເມືອງ ຫຼວງພະບາງ  ແຂວງຫຼວງພະບາງ

–    ພະຍາດປະຈຳໂຕ: ບໍ່ເຄີຍກວດສຸຂະພາບ

–    ໄດ້ສັກຢາວັກຊິນປ້ອງກັນພະຍາດໂຄວິດ-19 ຄົບ

–    ຄົນເຈັບມີອາການອິດເມື່ອຍຮາກຫຼາຍກ່ວາ 3 ວັນ ຈົນຮອດເວລາ 11:20 ນາທີ ຂອງວັນທີ່ 07 ທັນວາ 2021 ຄົນເຈັບງ່ວງຊຶມ ໄດ້ສົ່ງເຂົ້າມາໂຮງໝໍກວດພົບເຊື້ອພະຍາດໂຄວິດ-19 ແລ້ວສົ່ງເຂົ້ານອນໂຮງໝໍ ແລະ ສະພາບຄົນເຈັບບໍ່ໄດ້ສະຕິ ອາການ ບໍ່ດີ

–    ມາຮອດເວລາ  5:15ໂມງ ຂອງວັນດຽວກັນ ຄົນເຈັບ ໄດ້ເສຍຊີວິດ

3). ເພດຊາຍ, ອາຍຸ 85 ປີ, ບ້ານ ຫ້ວຍຊາຍໃຕ້, ເມືອງ ຫ້ວຍຊາຍ, ແຂວງ ບໍ່ແກ້ວ.

–    ພະຍາດປະຈຳຕົວ:  ເປັນອຳມະພາດ ນອນຕິດຕຽງ 4 ປີ + ເບົາຫວານ

–    ບໍ່ໄດ້ສັກຢາກັນພະຍາດ ໂຄວິດ 19.

–    ວັນທີ 06 ທັນວາ 2021: ຄົນເຈັບເຂົ້າມານອນໂຮງໝໍຍ້ອນວ່າ ໄຂ້ ໄອ ຫັນໃຈຝືດ ເປັນຢູ່ບ້ານໄດ້ 3 ມື້ ແລະ ຜົນກວດພົບເຊື້ອ covid-19.

–    ໄລຍະເວລາໃນການປິ່ນປົວຢູ່ໂຮງໝໍ ວັນທີ່ 06-09 ທັນວາ 2021: ໄດ້ເຂົ້ານອນປິ່ນປົວຢູ່ຫ້ອງມໍລະສຸມ ເປັນເວລາ 04 ວັນ

–    ຮອດເວລາ 10:50 ນາທີ ຂອງວັນທີ 09 ທັນວາ 2021: ຄົນເຈັບ ໄດ້ເສຍຊີວິດ

4). ເພດຍິງ, ອາຍຸ 74 ປີ, ອາຊີບ:  ແມ່ເຮືອນ, ບ້ານ ນໍ້າຫໍ້ໃຕ້.  ເມືອງ ຫ້ວຍຊາຍ.  ແຂວງ ບໍ່ແກ້ວ.

–    ພະຍາດປະຈຳຕົວ:  ພະຍາດປອດ.

–    ບໍ່ໄດ້ສັກຢາກັນພະຍາດໂຄວິດ-19.

–    ວັນທີ 29 ພະຈິກ 2021: ຄົນເຈັບເຂົ້າມາກວດຢູ່ໂຮງໝໍຍ້ອນອາການອິດເມື່ອຍ, ໄຂ້, ໄອ, ຫັນໃຈຝືດ ແລະ ຜົນກວດພົບເຊື້ອ covid-19.

–    ໄລຍະເວລາໃນການປິ່ນປົວຢູ່ໂຮງໝໍ ວັນທີ່ 29 ພະຈິກ 2021 – 07 ທັນວາ 2021: ໄດ້ເຂົ້ານອນປິ່ນປົວຢູ່ຫ້ອງມໍລະສຸມເປັນເວລາ 09 ວັນ

– ມາຮອດເວລາ 24:30 ນາທີ ຂອງວັນທີ່ 07 ທັນວາ 2021: ຄົນເຈັບ ໄດ້ເສຍຊີວິດ

5). ເພດຊາຍ, ອາຍຸ 22 ປີນັກໂທດຢູ່ຄຸມຂັງເມືອງ, ເມືອງ ຫ້ວຍຊາຍ, ແຂວງ ບໍ່ແກ້ວ.

–    ພະຍາດປະຈຳຕົວ:  ແຂງແຮງດີ + ມີປະຫວັດເສບຢາເສບຕິດ

–    ບໍ່ໄດ້ສັກຢາກັນພະຍາດ ໂຄວິດ 19.

–    ວັນທີ 08 ທັນວາ 2021: ຄົນເຈັບໄດ້ເຂົ້າມາໂຮງໝໍຍ້ອນອາການເມື່ອຍ, ໄອ, ຫັນໃຈຍາກ, ກະວົນກະວາຍ ແລະ ຜົນກວດພົບເຊື້ອ

–    ໄລຍະເວລາເຂົ້າມານອນປິ່ນປົວຢູ່ໂຮງໝໍ ວັນທີ່  08-09 ທັນວາ 2021 ໄດ້ເຂົ້ານອນປິ່ນປົວຢູ່ຫ້ອງມໍລະສຸມ ເປັນເວລາ 02 ມື້

–    ມາຮອດເວລາ 20:20 ນາທີ ຂອງວັນທີ່ 09 ທັນວາ 2021: ຄົນເຈັບ ໄດ້ເສຍຊີວິດ

6). ເພດຊາຍ, ອາຍຸ 65 ປີ, ບ້ານຮອ່ງສຸ ພາບ, ເມືອງໄຊເສດຖາ, ນະຄອນຫລວງ

–    ພະຍາດປະຈຳຕົວ:  ຄວາມດັນເລືອດສູງ ແລະ ໄຂ່ຫລັງຊຸດໂຊມຂັ້ນສຸດທ້າຍ

–    ໄດ້ຮັບການສັກຢາກັນພະຍາດ ໂຄວິດ -19 ຄົບ

–    ຄົນໃນຄອບຄົວຕິດເຊື້ອ

–    ເວລາ 13:30 ນາທີຂອງວັນທີ 02 ທັນວາ 2021: ຄົນເຈັບ ໄດ້ມາກວດຢູ່ໂຮງໝໍ 103 ດ້ວຍອາການໄຂ້, ໄອ ແລະ ຫາຍໃຈຫອບ, ອ່ອນເພ່ຍ ພ້ອມທັງເກັບຕົວຢ່າງກວດຊອກຫາເຊື້ອພະຍາດໂຄວິດ-19, ຜົນກວດພົບເຊື້ອ ແລະ ຮັບຄົນເຈັບເຂົ້ານອນປີ່ນປົວ

–    ມາຮອດເວລາ 18:30 ນາທີ ຂອງວັນທີ່ 09 ທັນວາ 2021: ຄົນເຈັບ ໄດ້ເສຍຊີວິດ

7). ເພດຍິງ, ອາຍຸ 87 ປີ, ບ້ານສີບຸນເຮືອງ, ເມືອງຈັນທະບູລີ, ນະຄອນຫລວງ

–    ພະຍາດປະຈຳຕົວ:  ຄວາມດັນເລືອດສູງ

–    ບໍ່ໄດ້ຮັບການສັກຢາກັນພະຍາດ ໂຄວິດ -19

–    ຄົນໃນຄອບຄົວຕິດເຊື້ອ

–    ວັນທີ 08 ທັນວາ 2021: ຄົນເຈັບ ໄດ້ມາກວດຢູ່ໂຮງໝໍ 103 ພ້ອມທັງເກັບຕົວຢ່າງກວດຊອກຫາເຊື້ອພະຍາດໂຄວິດ-19, ຜົນກວດພົບເຊື້ອ ແລະ ຮັບຄົນເຈັບເຂົ້ານອນປີ່ນປົວ

–    ວັນທີ 09 ທັນວາ 2021: ຍ້າຍຄົນເຈັບມາປີ່ນປົວຢູ່ຕຶກໂຄວິດ-19: ຄົນເຈັບມີອາການບໍ່ຮູ້ສະຕິ, ຫາຍໃຈຫອບແລະມາຮອດເວລາ 19:50 ນາທີ ຂອງມື້ດຽວກັນ ຄົນເຈັບ ໄດ້ເສຍຊີວິດ

ຂ້າພະເຈົ້າ ຂໍສະແດງຄວາມເສຍໃຈ ມານຳຄອບຄົວ ແລະ ຍາດຕິພີ່ນ້ອງ ທີ່ໄດ້ສູນເສຍຄົນທີ່ຮັກ ແລະ ເຄົາລົບໃນຄອບຄົວ  ມານະທີ່ນີ້ດ້ວຍ

 

  • ສໍາລັບຢູ່ຕ່າງແຂວງ ທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ, ໂຮງໝໍເມືອງ ຫຼື ຈຸດກວດເພີ້ມເຕີມ ທີ່ທາງຄະນະສະເພາະກິດຂອງແຂວງໄດ້ກຳນົດໄວ້ ພ້ອມດຽວກັນ ກໍ່ຍັງມີບໍລິການກວດເຄື່ອນທີ່ ໃນຈຸດ ຫຼື ບ້ານ ທີ່ມີການລະບາດພາຍໃນ ເພື່ອຄົ້ນຫາຜູ້ຕິດເຊືື້ອໃໝ່.
  • ສໍາລັບຈຸດກວດ ຢູ່ນະຄອນຫຼວງວຽງຈັນ ມີ 2 ຈຸດກວດນອກສະຖານທີ່ ລາຍລະອຽດ ດັ່ງນີ້:
  • ຈຸດກວດຄົງທີ່

ສະໜາມກິລາໃນຮົ່ມ ບຶງຂະຫຍອງ (ວັນຈັນ ຫາ ອາທິດ) ເວລາ 9:00–11:30 ໂມງມີ:

ມສ ເຈົ້າອານຸວົງ  (ວັນຈັນ ຫາ ອາທິດ) ເວລາ 9:00–11:30 ໂມງມີ:

  • ໜ່ວຍກວດເຄື່ອນທີ່:
  • ສຳລັບເມືອງໄຊທານີ, ສີສັດຕະນາກ, ສີໂຄດຕະບອງ ເມືອງລະ 1 ທີມ
  • ສ່ວນເມືອງນາຊາຍທອງ ແລະ ພະແນກສາທາລະນະສຸກ ນະຄອນຫຼວງວຽງຈັນ ມີ 02 ທີມ
  • ສໍາລັບຈຸດບໍລິການສັກວັກຊີນ ຢູ່ນະຄອນຫຼວງວຽງຈັນມີຄື :
  1. ໂຮງໝໍສູນກາງ (ມິດຕະພາບ, ມະໂຫສົດ, ເສດຖາທິລາດ, ໂຮງໝໍສູນກາງ 103 ກອງທັບ, ໂຮງ

ໝໍ 5 ເມສາ, ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ).

  1. ໂຮງໝໍເມືອງ 9 ຕົວເມືອງ
  2. ວັດຈີນ ບ້ານດົງປ່າແລບ, ເມືອງຈັນທະບູລີ, ນະຄອນຫຼວງວຽງຈັນ ( ເປີດວັນຈັນ – ວັນສຸກ ໃນໂມງລັດຖະການ).

ສຳລັບ ຈຸດບໍລິການວັກຊີນ ຢູ່ບັນດາແຂວງມີຄື: ໂຮງໝໍແຂວງ, ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້

ມາຮອດປັດຈຸບັນ ທົ່ວປະເທດມີບ້ານແດງທັງໝົດ:

  • ບ້ານແດງໃນທົ່ວປະເທດ ມີ: 1,118 ບ້ານ ໃນ 115 ເມືອງ ຈາກ 18 ແຂວງ
  • ບ້ານທີ່ກໍານົດເປັນເຂດແດງໃໝ່ ມີ 7 ບ້ານ ໃນ 7 ເມືອງ ຈາກ 5 ແຂວງ

 

ອີກເທື່ອນື່ງ ສໍາລັບລາຍລະອຽດ ບັນດາຊື່ຂອງບ້ານແດງຕ່າງໆ ຂໍໃຫ້ບັນດາທ່ານຕິດຕາມ ໄດ້ໃນເຟສບຸກຂອງສູນຂ່າວສານການແພດ ແລະ ສຸຂະສຶກສາ,​ ກະຊວງສາທາລະນະສຸກ.

  • ການເດີນທາງເຂົ້າມາ ສປປ ລາວ ຕາມຈຸດຜ່ານແດນໃນຂອບເຂດທົ່ວປະເທດ

ວັນທີ 08 ທັນວາ 2021 ມີຜູ້ເດີນທາງຜ່ານດ່ານເຂົ້າມາ ສປປ ລາວ ຈໍານວນ ທັງໝົດ 2,508 ຄົນ. ຮອດປະຈຸບັນທົ່ວປະເທດ ມີຜູ້ຈຳກັດບໍລິເວນທັງໝົດ 4.555ຄົນ (ສູນ 3,079 ຄົນ ແລະ ໂຮງແຮມ 1.476 ຄົນ) ໃນ 85 ສູນ ແລະ 59 ໂຮງແຮມ.

 

  • ສະພາບຕິດເຊືື້ອພະຍາດ COVID-19 ຢູ່ໃນໂລກ ແລະ ປະເທດໃກ້ຄຽງ:

ປະຈຸບັນ ໃນທົ່ວໂລກ ຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ ທຸກວັນ:

  • ກໍລະນີຢັ້ງຢືນຕິດເຊື້ອທັງໝົດ 26676.719 (575.510 ໃໝ່),
  • ເສຍຊິວິດທັງໝົດ 5.301.584 (6.548 ໃໝ່),
  • ປີ່ນປົວຫາຍດີ 2688.158 (398.193 ໃໝ່).

3 ປະເທດ ທີ່ມີຄົນຜູ້ຕິດເຊືື້ອສູງກວ່າໝູ່ໃນໂລກ ຍັງແມ່ນ ສະຫະລັດອາເມລິກາ, ອິນເດຍ ແລະ ບຣາຊິວ

  • 5 ປະເທດທີ່ມີຊາຍແດນຕິດກັບ ສປປ ລາວ ເຫັນວ່າ ສສ ຫວຽດນາມ ຍັງມີລາຍງານຜູ້ຕິດເຊື້ອໃໝ່ ສູງກວ່າໝູ່ ເຖິງ 15,311 ຄົນ, ຖັດລົງມາ ແມ່ນ ໄທ 4,203 ຄົນ.
ລ/ດ

 

ປະເທດກໍລະນີຕິດເຊື້ອເສຍຊິວີດ
ສະສົມທັງໝົດໃໝ່ສະສົມທັງໝົດໃໝ່
1ໄທ2,156,5874,20321,08249
2ຫວຽດນາມ1,367,43315,31127,186256
3ມຽນມາ525,403ບໍ່ມີລາຍງານ19,157 
4ກໍາປູເຈຍ120,312122,9743
5ຈີນ99,454834,636 

 

 

  • ນັບແຕ່ເກີດລະບາດຂອງພະຍາດໂຄວິດ-19 ແຕ່ 2020 ມາຮອດປັດຈຸບັນ ມີຄົນຕິດເຊື້ອສະສົມເຖີງ 268 ລ້ານກ່ວາຄົນ ແລະ ເສຍຊີວິດສະສົມສູງເຖີງ 5 ລ້ານກ່ວາ, ສະພາບຂອງສະຖານທີ່ສະທາລະນະສຸກ ແມ່ນຈຳນວນຄົນເຈັບໜັກ ແລະ ວິກິດແມ່ນໄດ້ລ່ວງລ້ຳເສັ້ນແດງ! ຄຳຖາມທີ່ຕັ້ງຂື້ນຄື ໃນປີ 2022 ທີ່ຈະມາເຖີງນີ້ ສະພາບຈະເປັນແນວໃດ ຈະຮຸນແຮງ ຫຼື ຮ້າຍແຮງກ່ວາເກົ່າ? ຄຳຕອບກໍ່ຄື ສີ່ງທີ່ເຮົາຮູ້ແມ່ນມາຮອດປະຈຸບັນເຖີງວ່າຈຳນວນຄົນຕິດເຊື້ອຍັງເພີ້ມຂື້ນລາຍວັນກໍ່ຕາມ ແຕ່ສີ່ງທີ່ພວກເຮົາເຫັນຄືຈຳນວນຄົນເສັຍຊີວິດ ຈະຫຼຸດລົງເລື້ອຍໆ! ທັງໝົດແມ່ນສືບເນື່ອງມາຈາກ ມີຄວາມກ້າວໜ້າຂອງການພັດທະນາ ແລະ ນຳໃຊ້ວັກຊີນຢ່າງກ້ວາງຂວາງ, ປະຊາຊົນໃນແຕ່ລະປະເທດຈະສ້າງພູມຄຸ້ມກັນຕໍ່ໂຄວິດ19 ເພີ້ມສູງຂື້ນ ບໍ່ວ່າມາຈາກການຕິດເຊື້ອ ຫຼື ໄດ້ມາຈາກສັກວັກຊິນ ແລະ ສຸດທ້າຍກໍ່ຄືຄວາມກ້າວໜ້າທາງດ້ານວິທະຍາສາດການແພດ ເຊັ່ນ ມາຮອດປະຈຸບັນໂລກເຮົາໄດ້ສັກວັກຊີນເຂັມທີ 1 ເຖີງ 4.5 ຕື້ກ່ວາໂດສ ແລະ ເຂັມ 2 ສູງເຖີງ 3.6 ຕື້ໂດສ໌, ປັດຈຸບັນ ສາມາດຜະລິດວັກຊິນໄດ້ເຖີງ1.5 ຕື້ໂດສ໌ໃນແຕ່ລະວັນ, ຊຶ່ງມາຮອດປະຈຸບັນເຮົາຮູ້ວ່າວັກຊິນສາມາດຫຼຸດຜ່ອນອັດຕາການເສຍຊີວິດ ແລະ ຄວາມຮຸນແຮງຂອງພະຍາດໄດ້! ແລະ ສີ່ງທີ່ນັກວິຊາການຮຽນຮູ້ວ່າເຖີງໂຄວິດສາຍພັນໃໝ່ຈະເຮັດໃຫ້ປະສິດຕິພາບຂອງວັກຊິນຫຼຸດລົງ ແຕ່ກໍ່ຍັງໄດ້ຜົນຢູ່! ແລະ ຂ້າພະເຈົ້າເຊື່ອໝັ້ນວ່າໃນປີ 2022 ຈະມີການຄົ້ນພົບວັກຊີນໃໝ່ຫຼາຍຊະນິດຖືກພັດທະນາຂື້ນ ແລະ ຖືກອະນຸມັດນຳໃຊ້ໄດ້ຢ່າງທົ່ວເຖີງ ໃນໄວໄວນີ້. ໃນ ປີຕໍ່ໜ້າພວກເຮົາອາດຈະຂະຫຍາຍການສັກວັກຊີນລົງສູ່ກຸ່ມອາຍຸຕ່ຳກ່ວາ 18 ປີໃນເດັກໃນໄວຮຽນໃຫ້ຫຼາຍຂື້ນເພຶ້ອສາມາດເປີດການຮຽນ-ການສອນເປັນປົກກະຕິ. ໃນໄລຍະປະຈຸບັນ ໄດ້ມີການປະກົດຕົວຂອງໂຄວິດສາຍພັນໃໝ່ ໂອມິກຮອນ, ຊຶ່ງມີລາຍງານພົບໃນຫຼາຍ 57 ປະເທດ, ແຕ່ດ້ວຍຄຸນສົມບັດທີ່ເຊື້ອມັກກາຍພັນດັ່ງນັ້ນເຮົາອາດຈະພົບຫຼາຍສາຍພັນໃໝ່ເກີດຂື້ນໃນຕໍ່ໜ້າ ແຕ່ເຖີງຢ່າງໃດກໍ່ຕາມມາຮອດປະຈຸບັນວັກຊິນທີ່ມີຢູ່ຍັງສາມາດໃຊ້ໄດ້ໃນການປ້ອງກັນ ເຖີງວ່າປະສິດທິພາບຈະຫຼຸດລົງພຽງສ່ວນໃດສ່ວນໜື່ງກໍ່ຕາມ ແລະ ໃນປີ 2022 ບໍລິສັດຜະລິດຢາກໍ່ຈະມີການເລັ່ງການຄົ້ນຄ້ວາອອກວັກຊີນໃໝ່ເພື່ອປ້ອງກັນໂຄວິດສາຍພັນໃໝ່ຢ່າງແນ່ນອນ. ໄດ້ມີການຄົ້ນພົບຢາປິ່ນປົວສຳຫຼັບຜູ້ຕິດເຊື້ອ ທີ່ມີອາການ ເຊັ່ນຢາ ໂມນນູປີຣາເວັຍ  ຊຶ່ງໄດ້ຖືກອະນຸມັດຈາກອົງການທີ່ກຽວຂ້ອງ ແລະ ໃນອະນາຄົດໂຄວິດຈະຫຼຸດຄວາມຮຸນແຮງຂອງເຊື້ອພະຍາດລົງ ເຖີງວ່າຈະບໍ່ສາມາດຄວບຄຸມໃຫ້ລົງເປັນສູນກໍ່ຕາມ ແຕ່ ພວກເຮົາອາດຈະໄດ້ປັບຕົວຢູ່ນຳໂຄວິດ19 ພາຍໃຕ້ການປະຕິບັດວິຖີຊີວິດແບບໃໝ່!ຊຶ່ງໃນອະນາຄົດພວກເຮົາອາດຈະຕ້ອງໄດ້ສັກວັກຊິນຄືກັບສັກວັກຊິນປ້ອງກັນໄຂ້ຫວັດຕາມລະດູການໃນແຕ່ລະປີ! ການເດີນທາງບໍ່ວ່າພາຍໃນ ຫຼື ຂ້າມປະເທດພວກເຮົາຈະໄດ້ແຈ້ງບັດສັກວັກຊີນຄົບເພື່ອໃຫ້ເຈົ້າໜ້າທີ່ກວດບໍ່ວ່າຈະຂື້ນເຄື່ອງບີນ ຫຼື ໃຊ້ລົດສາທາລະນະສະ, ເຂົ້າໃນສະຖານທີ່ທາງການ, ສະຖານທີ່ທ່ອງທ່ຽວລວມທັງຫ້າງຮ້ານຊັບພະສິນຄ້າ, ຮ້ານອາຫານ, ທະນາຄານ ແລະ ອື່ນໆ ແລະ ແນ່ນອນພວກເຮົາຍັງຈະໄດ້ສືບຕໍ່ໃສ່ຜ້າປິດປາກ-ດັງ, ການຮັກສາໄລຍະຫ່າງ ແລະ ລ້າງມືຕື່ມອີກໄລຍະໜຶ່ງ ຈົນກ່ວາສະພາບການເຈັບເປັນພະຍາດນີ້ໃນທົ່ວໂລກຈະຢູ່ລະຫວ່າງ 300,000-600,000 ຄົນ/ປີ ຄືກັນກັບໄຂ້ຫວັດ ແລະ ພະຍາດຕິດຕໍອື່ນໆ.
  • ໃນອະນາຄົນ ບາງປະເທດອາດຈະມີການປະກາດປະຕິບັດມາດຕະການຢູ່ບາງພື້ນທີ່ຖ້າຫາກເຫັນວ່າມີການລະບາດເກີດຂື້ນໃນບາງພື້ນທີ່ໃດໜື່ງ! ມາຮອດປັດຈຸບັນ ຫຼາຍປະເທດກໍ່ແມ່ນເລີ່ມຜ່ອນຜັນມາດຕະການ ແລະ ເປີດປະເທດ ເພື່ອຈະຄ່ອຍໆຮຽນຮູ້ຢູ່ນຳພະຍາດໂຄວິດເລີ້ມໃນປີ 2022 ແຕ່ພາຍໃຕ້ເງື່ອນໄຂວິຖີຊີວິດແບບໃໝ່ທີ່ໄດ້ກ່າວມາຂ້າງເທີງນັ້ນ.
  • ສະພາບການຂອງພະຍາດໃນ ສປປລາວ ເຫັນວ່າໂຕເລກການລາຍງານຕິດເຊື້ອຍັງສູງໃນແຕ່ລະວັນ ສັງເກດເຫັນໃນ 1 ອາທິດຜ່ານມາໂຕເລກລາຍງານຜູ້ຕິດເຊື້ອທັງໝົດ ທົ່ວປະເທດມີ 8,648 ກໍລະນີ ໂດຍສະເລ່ຍຕິດເຊື້ອສູງກ່ວາ 1,000ກໍລະນີ/ມື້, ອັດຕາການພົບເຊື້ອທົ່ວປະເທດສູງເຖີງ 24,37% , ສຳລັບນະຄອນຫຼວງວຽງຈັນ 35,80%, ໃນນີ້ແຂວງທີ່ພົບການຕິດເຊື້ອຫຼາຍກ່ວາໝູ່ຍັງແມ່ນນະຄອນຫຼວງວຽງຈັນຖັດລົງມາແມ່ນແຂວງ ຫຼວງນ້ຳທາ, ອຸດົມໄຊ, ບໍ່ແກ້ວ, ຫົວພັນ, ຫຼວງພະບາງ ແລະ ແຂວງວຽງຈັນ ແມ່ນຍັງມີໃຫ້ເຫັນຢ່າງຕໍ່ເນຶ່ອງ ອັດຕາການກວດພົບເຊື້ອກໍ່ຍັງມີສູງໃນທຸກໆວັນ ແລະ ການຕິດເຊື້ອແມ່ນເກີດຂື້ນໃນບ່ອນທີ່ມີຄົນຫຼາຍ ແລະ ຂາດມາດຕະການປ້ອງກັນທີ່ເຂັ້ມງວດ ສະນັ້ນການຕິດເຊື້ອຈິງເກີດຂື້ນໃນສະຖານທີ່ດັ່ງກ່າວ ແລະ ຂະຫຍາຍສູ່ວົງກ້ວາງລົງສູ່ບ້ານ ແລະ ຄອບຄົວ ຫຼື ຈາກຄອບຄົວສູ່ສຳນັກງານອົງການ, ບໍລິສັດ, ໂຮງງານ, ສະຖາບັນການສືກສາ ແລະ ອື່ນໆ.
  • ຂ້າພະເຈົ້າ ຂໍການຮ່ວມມື ມາຍັງພໍ່ແມ່ປະຊາຊົນ ແລະ ທຸກພາກສ່ວນໃນສັງຄົມ ມີຄວາມຕື່ນໂຕບໍ່ໃຫ້ຖືເບົາ ຕໍ່ການປະຕິບັດມາດຕະການປ້ອງກັນຕົນເອງຕາມຄຳແນະນຳ ຂອງຄະນະສະເພາະກິດວາງອອກ ຢ່າງຖືກຕ້ອງ ແລະ ເຂັ້ມງວດ ເພື່ອຮັບປະກັນບໍ່ໃຫ້ຄວາມສ່ຽງ ທີ່ສູງຢູ່ແລ້ວ ເພີ້ມສູງຂື້ນອີກກວ່າເກົ່າ ຈົນອາດບໍ່ສາມາດຄວບຄຸມໄດ້. ເມື່ອທ່ານຫາກຕິດເຊື້ອ ແລະ ເກີດມີອາການໜັກທ່ານຄົງຈະຄິດເຖີງຜົນປະໂຫຍດຂອງມາດຕະການທີ່ໄດ້ແນະນຳແຕ່ມັນອາດສວຍເກີນໄປສຳລັບທ່ານ ແລະ ເຮົາຈະຊື້ເວລາຄືນບໍ່ໄດ້.
  • ຄະນະສະເພາະກິດ ຂໍໃຫ້ທ່ານຕິດຕາມຂ່າວສານລະອຽດດ້ານອື່ນໆ ກ່ຽວກັບພະຍາດໂຄວິດ 19 ແລະ ສະຖານນະການຂອງປະເທດ ພ້ອມຄໍາແນະນໍາຕ່າງໆທີ່ເປັນປະໂຫຍດ ແລະ ຖືກຕ້ອງ ໄດ້ທີ່:
  • ເວັບໄຊຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 ກໍຄື covid19.gov.la ແລະ ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກ www.cdc.gov.la
  • ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະນະສຸກ
  • ວິທະຍຸກະຈາຍສຽງ, ໂທລະພາບ, ໜັງສືພິມ ແລະ ສື່ຕ່າງໆ ຂອງລັດຖະບານ
  • ນອກຈາກນັ້ນ ຍັງສາມາດໂທສອບຖາມ ສາຍດ່ວນ 165 ຫຼື 166 ສໍາລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 165 ຫຼື 166) ເພື່ອຂໍຄໍາແນະນຳ ແລະ ລາຍງານເຫດການ. ສໍາລັບຜູ້ທີ່ຕິດເຊື້ອສະໝັກໃຈປິ່ນປົວຢູ່ເຮືອນ ສາມາດສອບຖາມຂໍ້ແນະນໍາເພີ່ມເຕີມ ສາຍດ່ວນ 164.

 

Loading...