ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ວັນທີ 12 ເມສາ ສປປ ລາວ ກວດພົບຜູ້ຕິດເຊື້ອພະຍາດ ໂກວິດ 1 ເພີ່ມອີກຄົນ

ສູນປະຕິບັດງານຄະນະສະເພາະກິດ ຄວບຄຸມ ພະຍາດໂກວິດ 19 ກະຊວງສາທາລະນະສຸກ ຖະແຫລງວ່າ ວັນທີ 12 ເມສາ ມີຜູ້ຕິດເຊື້ອພະຍາດ ໂກວິດເພີ່ມອີກ 1ຄົນ

ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ທັງເປັນຜູ້ປະຈຳການຄະນະສະເພາະກິດເພື່ອປ້ອງກັນຄວບຄຸມ ແລະ ແກ້ໄຂພະຍາດໂຄວິດ 19 ຖະແຫລງຂ່າວຕໍ່ສື່ມວນຊົນ ເຖິງສະພາບການລະບາດຂອງພະຍາດ ໂກວິດ 19 ໃນຕອນບ່າຍວັນທີ 12 ເມສານີ້ ທີ່ສູນປະຕິບັດງານ ຄະນະສະເພາະກິດ ຄວບຄຸມພະຍາດ ໂກວິດ 19 ວ່າ: ໃນວັນທີ 11 ເມສາ 2020, ໄດ້ ເກັບຕົວຢ່າງມາກວດທັງໝົດ 46 ຄົນ, ໃນນັ້ນ ມີຜູ້ສຳຜັດໃກ້ຊິດ ກັບຜູ້ຕິດເຊື້ອ 18 ຄົນ, ກໍລະນີມີອາການສົງໄສ 28 ຄົນ.

  • ໃນຈຳນວນ 46 ຄົນທີ່ມາກວດນັ້ນ ມີ ນະຄອນຫຼວງວຽງຈັນ 32 ຄົນ ແລະ ຕ່າງແຂວງ 14 ຄົນ (ໄຊສົມບູນ 1 ຄົນ, ຄໍາມ່ວນ 2 ຄົນ, ໄຊຍະບູລີ 2 ຄົນ, ບໍລິຄໍາໄຊ 4 ຄົນ, ຊຽງຂວາງ 3 ຄົນ, ສະຫວັນນະເຂດ 2 ຄົນ) ເຊິ່ງຜົນກວດທັງໝົດ ແມ່ນພົບເຊື້ອ 1 ກໍລະນີ ເຊິ່ງແມ່ນຜູ້ສຳຜັດໃກ້ຊິດກັບ ກໍລະນີທີ 16. ເປັນເພດຊາຍ ອາຍຸ 21 ປີ ອາຊີບນັກສຶກສາ ຢູ່ບ້ານໂພນປ່າເປົ້າ ເມືອງສີສັດຕະນາກ ນະຄອນຫລວງວຽງຈັນ.

ປະຫວັດການເຄື່ອນໄຫວ:

  • ຜູ້ກ່ຽວ ໄດ້ພັກຢູ່ຫ້ອງດຽວກັນກັບ ຜູ້ຕິດເຊື້ອກໍລະນີທີ 16 ຕັ້ງແຕ່ວັນທີ 27 ມີນາ 2020 ຫາ 8 ເມສາ 2020
  • ໃນໄລຍະ ວັນທີ 29 ມີນາ ແລະ ວັນທີ 4 ເມສາ ໄດ້ມີການຊຸມແຊວກັນ ເປັນໄລຍະ ກັບໝູ່ ຜູ້ຕິດເຊຶື້ອກໍລະນີທີ 16, 17, 18 ທີ່ຢູ່ຫ້ອງແຖວດຽວກັນ
  • ວັນທີ 8 ເມສາ 2020 ຜູ້ກ່ຽວໄດ້ກັບຄືນຫ້ອງແຖວຂອງຕົນ ທີ່ບ້ານ ໂພນປ່າເປົ້າ, ເມືອງສີສັດຕະນາກ, ນະຄອນຫຼວງວຽງຈັນ
  • ທີມງານໄດ້ຕິດຕໍ່ຫາຜູ້ກ່ຽວ ແລະ ແນະນຳໃຫ້ໄປກວດຢູ່ໂຮງໝໍ ມາຮອດວັນທີ 11 ເມສາ ຜູ້ກ່ຽວຈຶ່ງໄດ້ມາກວດ ແລະ ພົບວ່າຕິດເຊື້ອ COVID-19 ແລະ ໄດ້ຮັບການເຂົ້ານອນ ປິ່ນປົວຢູ່ໂຮງໝໍມິດຕະພາບ.
  • ສັງລວມຜູ້ສໍາຜັດໃກ້ຊິດ ກັບກໍລະນີີທີ 19 ແມ່ນກຸ່ມຄົນດຽວກັນກັບ ກໍລະນີ16, 17, 18 ລວມມີ 13 ຄົນ. ປະຈຸບັນ ໄດ້ເຂົ້ານອນຕິດຕາມຢູ່ ໂຮງໝໍ 103 
  • ນັບແຕ່ເດືອນມັງກອນ ຮອດ ວັນທີ 11 ເມສາ 2020 ໄດ້ເກັບຕົວຢ່າງມາກວດ ທັງໝົດ ມີ 1,140 ຄົນ, ກວດພົບເຊື້ອທັງໝົດ 19 ຄົນ (ມື້ນີ້ມີລາຍງານເພີ່ມອີກ 1 ຄົນ) ແລະ ທັງໝົດ 19 ຄົນ ແມ່ນນອນປິ່ນປົວ – ຕິດຕາມ ຢູ່ໂຮງໝໍ.
  • ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 23 ມີນາ – 11 ເມສາ 2020 ມີ ທັງໝົດ 429 ຄົນ, ໝົດກໍານົດຕິດຕາມ ທັງໝົດ 346 ຄົນ, ຍັງສືບຕໍ່ຕິດຕາມທັງໝົດ 83 ຄົນ ເຊິ່ງມີລາຍລະອຽດ ດັ່ງລຸມນີ້:
    • ນະຄອນຫຼວງວຽງຈັນ 41 ຄົນ
    • ແຂວງ ໄຊສົມບູນ 37 ຄົນ
    • ແຂວງ ຫຼວງພະບາງ 02 ຄົນ
    • ແຂວງ ຄຳມ່ວນ 02 ຄົນ
    • ແຂວງ ວຽງຈັນ 01 ຄົນ
  • ພະນັກງານພູເບ້ຍ ທີ່ຢູ່ໃນແຄ້ມ ມີທັງໝົດ 1,700 ຄົນ, ໃນນັ້ນ ຈຳນວນຜູ້ທີ່ສຳຜັດໃກ້ຊິດກັບ ຜູ້ຕິດເຊື້ອ 2 ກໍລະນີ ຢູ່ພູເບ້ຍ ມີທັງໝົດ 61 ຄົນ
  • ຜູ້ສຳຜັດໃກ້ຊິດ ກັບ ກໍລະນີທີ 11 ມີ 34 ຄົນ
  • ຜູ້ສຳຜັດໃກ້ຊິດ ກັບ ກໍລະນີທີ 13 ມີ 27 ຄົນ (ຢູ່ພູເບ້ຍ 18 ຄົນ, ນະຄອນຫຼວງ 8 ຄົນ, ແຂວງວຽງຈັນ 1 ຄົນ)
  • ສຳລັບ ການຕິດຕາມ ສະຖານທີ່ຈຳກັດບໍລິເວນ ແລະ ຜູ້ຈຳກັດບໍລິເວນ ຢູ່ເຮືອນ ໃນທົ່ວປະເທດ
  • ສະຖານທີ່ຈຳກັດບໍລິເວນ ໃນຂອບເຂດທົ່ວປະເທດ ມີ 2,142 ແຫ່ງ
  • ຈຳນວນຄົນທີ່ຕິດຕາມ ຢູ່ສູນຈຳກັດບໍລິເວນ ມີ 68,534 ຄົນ
  • ຈຳນວນທີ່ຈຳກັດບໍລິເວນ ຢູ່ເຮືອນຂອງຕົນເອງ ມີ 44,870 ຄົນ

ຕົວເລກຫຼ້າສຸດຈາກອົງການອະນາໄມໂລກໃຫ້ຮູ້ວ່າ: ນັບມາຮອດວັນທີ 11 ເມສາ 2020

ທົ່ວໂລກມີຜູ້ຕິດເຊື້ອໂຄວິດ19 ເຖິງ 1.610.909ຄົນ, ເສຍຊີວິດ 99.690ຄົນ, ໃນນັ້ນເຂດເອີຣົບໜັກໜ່ວງທີ່ສຸດ ມີຜູ້ຕິດເຊື້ອ 839.257ຄົນ ແລະ ເສຍຊີວິດ 70.565ຄົນ. ມີລາຍງານຈາກ 52 ປະເທດວ່າ ແພດໝໍຕິດເຊື້ອພະຍາດໂຄວິດເຖິງ 22.073ຄົນ.