ວັນທີ 13 ທັນວາ 2021, ກວດພົບຜູ້ຕິດເຊືອໂຄວິດ-19 ເພີ່ມໃໝ່ 1,132, ມີຜູ້ເສຍຊີວິດ ເພີ່ມ 3ຄົນ.

 

ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ-19, ໄດ້ຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງ ຕົວເລກການຕິດເຊື້ອພະຍາດ ໂຄວິດ-19 ໃນທົ່ວໂລກ ປະຈໍາວັນທີ 13 ທັນວາ ປີ 2021

ສະພາບການລະບາດຂອງພະຍາດ COVID-19 ຢູ່ ສປປ ລາວ

ວັນທີ 12 ທັນວາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 4,254 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 1,138 ຄົນ (ຕິດເຊື້ອພາຍໃນ ມີ 1,132 ຄົນ ແລະ ຕິດເຊື້ອນໍາເຂົ້າ 06 ຄົນ).

ຂໍ້ມູນໂດຍຫຍໍ້ກ່ຽວກັບ ການຕິດເຊືື້ອພາຍໃນໃໝ່ ທັງໝົດ 1,132 ຄົນ ຈາກ 17 ແຂວງ ແລະ ນະຄອນຫຼວງວຽງຈັນ ເຊິ່ງຈະລຽງລຳດັບແຕ່ແຂວງຫຼາຍຫາໜ້ອຍມີລາຍລະອຽດ ດັ່ງນີ້:

  1. ນະຄອນຫຼວງ 533 ຄົນ ໃນ 152 ບ້ານ ແລະ 9 ເມືອງ
  2. ຫຼວງພະບາງ ມີ 145 ຄົນ ໃນ 6​ ເມືອງ
  3. ອຸດົມໄຊ ມີ 110 ຄົນ ໃນ 5 ເມືອງ
  4. ຫຼວງນໍ້າທາ ມີ 91 ຄົນ ໃນ 4​ ເມືອງ
  5. ບໍ່ແກ້ວ ມີ 62 ຄົນ
  6. ຊຽງຂວາງ ມີ 51 ຄົນ ໃນ 1 ເມືອງ
  7. ບໍລິຄຳໄຊ ມີ 32 ຄົນ ໃນ ​2 ເມືອງ
  8. ສະຫວັນນະເຂດ ມີ 25 ຄົນ ໃນ 4 ເມືອງ
  9. ຄຳມ່ວນ ມີ 22 ຄົນ ໃນ 5 ເມືອງ
  10. ໄຊຍະບູລີ ມີ 19 ຄົນ ໃນ 3​ ເມືອງ
  11. ແຂວງວຽງຈັນ ມີ 14 ຄົນ ໃນ 4​ ເມືອງ
  12. ຈຳປາສັກ ມີ 9 ຄົນ ໃນ 4​ ເມືອງ
  13. ຜົ້ງສາລີ ມີ 5 ຄົນ ໃນ 2​ ເມືອງ
  14. ໄຊສົມບູນ ມີ 4 ຄົນ ໃນ 3 ເມືອງ
  15. ອັດຕະປື ມີ 4 ຄົນ ໃນ 2​ ເມືອງ
  16. ຫົວພັນ ມີ 3 ຄົນ ໃນ 2 ເມືອງ
  17. ສາລະວັນ ມີ 2 ຄົນ ໃນ 2​ ເມືອງ
  18. ເຊກອງ ມີ 1 ຄົນ ໃນ 1​ ເມືອງ

ສ່ວນການຕິດເຊືື້ອນໍາເຂົ້າ ຂອງຜູ້ທີ່ເດີນທາງເຂົ້າປະເທດແມ່ນມີ 6 ຄົນ, ທັງໝົດຈາກແຂວງສະຫວັນນະເຂດໄດ້ເຂົ້າຈຳກັດຢູ່ສູນຈຳກັດບໍລິເວນ ກ່ອນກວດພົບເຊື້ອ ແລະ ສົ່ງໄປປີ່ນປົວຢູ່ຕາມສະຖານທີ່ປີ່ນປົວທີ່ກຳນົດໄວ້.

  • ຮອດປັດຈຸບັນ ມີຜູ້ຕິດເຊື້ອສະສົມ ຢຸ່ໃນ ສປປ ລາວ ທັງໝົດ 458 ກໍລະນີ, ຄົນເຈັບຫາຍດີອອກໂຮງໝໍມື້ວານນີ້ 553 ຄົນ, ກໍາລັງປິ່ນປົວ 12.132 ຄົນ ແລະ ເສຍຊີວິດສະສົມທັງໝົດ 250 ຄົນ

(ໃໝ່ 3 ຄົນ).

  • ຂໍ້ມູນສຳລັບຄົນທີ່ເສຍຊີວິດໃໝ່ 03 ຄົນ (ນະຄອນຫຼວງ 2​ ຄົນ ແລະ ບໍລິຄຳໄຊ 1​ ຄົນ):
  1. ເພດຊາຍ ອາຍຸ 58 ປີ. ບ້ານ ໂພນສະຫວາດໃຕ້, ເມືອງສີໂຄດ,​ ນະຄອນຫຼວງວຽງຈັນ

–  ພະຍາດປະຈຳຕົວ: ເບົາຫວານ, ຄວາມດັນເລືອດສູງ ແລະ ໄຂ່ຫຼັງຊຸດໂຊມຊຳເຮື້ອ

–  ບໍ່ໄດ້ຮັບການສັກຢາວັກຊີນກັນໂຄວິດ-19

  1. ເພດຊາຍ, ອາຍຸ 70 ປີ, ບ້ານຫ້ວຍແກ້ວ2 , ເມືອງຄໍາເກີດ, ແຂວງບໍລິຄຳໄຊ

–    ພະຍາດປະຈໍາຕົວ: ເບົາຫວານ, ໄຂ່ຫຼັງຊຸດໂຊມ ແລະ ຄວາມດັນເລືອດສູງ

–    ບໍ່ໄດ້ຮັບການສັກຢາວັກຊີນກັນໂຄວິດ-19

  1. ເພດຍິງ, ອາຍຸ 68 ປີ, ບ້ານນໍ້າກຽງ, ເມືອງນາຊາຍທອງ, ນະຄອນຫລວງ

–    ພະຍາດປະຈໍາຕົວ: ຄວາມດັນລືອດສູງ

–    ບໍ່ໄດ້ຮັບການສັກຢາວັກຊີນກັນໂຄວີດ-19

ຂ້າພະເຈົ້າ ຂໍສະແດງຄວາມເສຍໃຈ ມານຳຄອບຄົວ ແລະ ຍາດຕິພີ່ນ້ອງ ທີ່ໄດ້ສູນເສຍຄົນທີ່ຮັກ ແລະ ເຄົາລົບໃນຄອບຄົວ  ມານະທີ່ນີ້ດ້ວຍ

  • ສໍາລັບຢູ່ຕ່າງແຂວງ ທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ, ໂຮງໝໍເມືອງ ຫຼື ຈຸດກວດເພີ້ມເຕີມ ທີ່ທາງຄະນະສະເພາະກິດຂອງແຂວງໄດ້ກຳນົດໄວ້ ພ້ອມດຽວກັນ ກໍ່ຍັງມີບໍລິການກວດເຄື່ອນທີ່ ໃນຈຸດ ຫຼື ບ້ານ ທີ່ມີການລະບາດພາຍໃນ ເພື່ອຄົ້ນຫາຜູ້ຕິດເຊືື້ອໃໝ່.
  • ສໍາລັບຈຸດກວດ ຢູ່ນະຄອນຫຼວງວຽງຈັນ ມີ 2 ຈຸດກວດນອກສະຖານທີ່ ລາຍລະອຽດ ດັ່ງນີ້:
  • ຈຸດກວດຄົງທີ່ (ວັນຈັນ ຫາ ອາທິດ) ເວລາ 9:00–11:30 ໂມງມີ:

ສະໜາມກິລາໃນຮົ່ມ ບຶງຂະຫຍອງ

ມສ ເຈົ້າອານຸວົງ  

  • ໜ່ວຍກວດເຄື່ອນທີ່:
  • ສຳລັບເມືອງໄຊທານີ, ສີສັດຕະນາກ, ສີໂຄດຕະບອງ ເມືອງລະ 1 ທີມ
  • ສ່ວນເມືອງນາຊາຍທອງ ແລະ ພະແນກສາທາລະນະສຸກ ນະຄອນຫຼວງວຽງຈັນ ມີ 02 ທີມ
  • ສໍາລັບຈຸດບໍລິການສັກວັກຊີນ ຢູ່ນະຄອນຫຼວງວຽງຈັນມີຄື :
  1. ໂຮງໝໍສູນກາງ (ມິດຕະພາບ, ມະໂຫສົດ, ເສດຖາທິລາດ, ໂຮງໝໍສູນກາງ 103 ກອງທັບ, ໂຮງ

ໝໍ 5 ເມສາ, ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ).

  1. ໂຮງໝໍເມືອງ 9 ຕົວເມືອງ
  2. ສູນການຄ້າລາວ-ໄອເຕັກ (ເລິ່ມວັນທີ 13 ທັນວາ ເປັນຕົ້ນໄປ ວັນຈັນ-ສຸກ)

ສຳລັບ ຈຸດບໍລິການວັກຊີນ ຢູ່ບັນດາແຂວງມີຄື: ໂຮງໝໍແຂວງ, ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້

ມາຮອດປັດຈຸບັນ ທົ່ວປະເທດມີບ້ານແດງທັງໝົດ:

  • ບ້ານແດງໃນທົ່ວປະເທດ ມີ: 1,094 ບ້ານ ໃນ 120 ເມືອງ ຈາກ 18 ແຂວງ
  • ບ້ານທີ່ກໍານົດເປັນເຂດແດງໃໝ່ ວັນທີ 12 ທັນວາ 2021 ມີ 14 ບ້ານ ໃນ 11 ເມືອງ ຈາກ 7 ແຂວງ
  • ບ້ານທີ່ສິ້ນສຸດການເປັນບ້ານເຂດແດງ ມາເປັນເຂດເຫຼືອງ ໃນນະຄອນຫຼວງວຽງຈັນ ມີ 3 ບ້ານ ໃນ 3 ເມືອງ

ອີກເທື່ອນື່ງ ສໍາລັບລາຍລະອຽດ ບັນດາຊື່ຂອງບ້ານແດງຕ່າງໆ ຂໍໃຫ້ບັນດາທ່ານຕິດຕາມ ໄດ້ໃນເຟສບຸກຂອງສູນຂ່າວສານການແພດ ແລະ ສຸຂະສຶກສາ,​ ກະຊວງສາທາລະນະສຸກ.

  • ການເດີນທາງເຂົ້າມາ ສປປ ລາວ ຕາມຈຸດຜ່ານແດນໃນຂອບເຂດທົ່ວປະເທດ

ວັນທີ 12 ທັນວາ 2021 ມີຜູ້ເດີນທາງຜ່ານດ່ານເຂົ້າມາ ສປປ ລາວ ຈໍານວນ ທັງໝົດ 1,891 ຄົນ. ປະຈຸບັນທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ທັງໝົດ 85 ສູນ ແລະ 59 ໂຮງແຮມ ມີຜູ້ຈຳກັດບໍລິເວນທັງໝົດ 4.562 ຄົນ (ຢູ່ສູນ 3.129 ຄົນ ແລະ ໂຮງແຮມ 1.433 ຄົນ) .

  • ສະພາບຕິດເຊືື້ອພະຍາດ COVID-19 ຢູ່ໃນໂລກ ແລະ ປະເທດໃກ້ຄຽງ:

ປະຈຸບັນ ໃນທົ່ວໂລກ ຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ ທຸກວັນ:

  • ກໍລະນີຢັ້ງຢືນຕິດເຊື້ອທັງໝົດ 2400.582 (422.785 ໃໝ່)
  • ເສຍຊິວິດທັງໝົດ 5.321.510 (3.824 ໃໝ່)
  • ປີ່ນປົວຫາຍດີ 2076.917 (345.227 ໃໝ່)

3 ປະເທດ ທີ່ມີຄົນຜູ້ຕິດເຊືື້ອສູງກວ່າໝູ່ໃນໂລກ ຍັງແມ່ນ ສະຫະລັດອາເມລິກາ, ອິນເດຍ ແລະ ບຣາຊິວ

  • 5 ປະເທດທີ່ມີຊາຍແດນຕິດກັບ ສປປ ລາວ ເຫັນວ່າ ສສ ຫວຽດນາມ ຍັງມີລາຍງານຜູ້ຕິດເຊື້ອໃໝ່ ສູງກວ່າໝູ່ ເຖິງ 14,638 ຄົນ, ຖັດລົງມາ ແມ່ນ ໄທ 3,787 ຄົນ.
ລ/ດ

 

ປະເທດກໍລະນີຕິດເຊື້ອເສຍຊິວີດ
ສະສົມທັງໝົດໃໝ່ສະສົມທັງໝົດໃໝ່
1ໄທ2,168,6463,78721,16920
2ຫວຽດນາມ1,413,05114,63827,839228
3ມຽນມາ526,66128019,1836
4ກໍາປູເຈຍ120,355122,9853
5ຈີນ99,679754,636 

 

  • ສະພາບການລະບາດ ໃນທົ່ວໂລກ ແລະ ສປປ ລາວ ຍັງຄົງໜ້າເປັນຫ່ວງ, ພວກເຮົາ ໄດ້ພ້ອມກັນ ຮັບມືສະກັດກັ້ນການລະບາດດັ່ງກ່າວ ແລະ ໃນຂະນະດຽວກັນ ກໍ່ຕ້ອງໄດ້ກະກຽມ ເພື່ອຈະກັບເຂົ້າສູ່ໄລຍະຟື້ນຟູເສດຖະກິດ ແລະ ການດໍາລົງຊີວິດປົກກະຕິ ແບບໃໝ່ທີ່ປອດໄພ.
  • ຂໍແຈ້ງໃຫ້ທ່ານຊາບຄືນກ່ຽວກັບ ຄໍາວ່າ “ການດໍາລົງຊີວິດປົກກະຕິແບບໃໝ່ ຫຼື new normal” ມີຄວາມໝາຍແນວໃດ ແລະ ຕ້ອງເຮັດແນວໃດ? ຂໍແຈ້ງໃຫ້ບັນດາທ່ານຊາບວ່າບັນດາ ມາດຕະການຕ່າງໆ ທີ່ທາງຄະນະສະເພາະກິດວາງອອກ ທັງໝົດນັ້ນ ແມ່ນການຈັດຕັ້ງປະຕິບັດ ການດໍາລົງຊິວິດປົກກະຕິແບບໃໝ່ ເຊັ່ນ: ບໍ່ອອກຈາກເຮືອນຖ້າບໍ່ຈໍາເປັນ, ເຮັດວຽກທາງໄກ, ບໍ່ເດີນທາງໄປບ່ອນທີ່ສ່ຽງ, ບໍ່ໄປສະຖານທີ່ແອອັດ, ເປີດປ່ອງຢ້ຽມ ຫຼື ປະຕູໃຫ້ມີອາກາດຖ່າຍເທ, ບໍ່ໃຫ້ຊຸມແຊວເປັນກຸ່ມ, ຮັກສາມາລະຍາດໃນການໄອ-ຈາມ, ຮັກສາໄລຍະຫ່າງ, ໃສ່ຜ້າອັດປາກ-ດັງ, ລ້າງມືເລື້ອຍໆດ້ວຍສະບູ ແລະ ນ້ຳສະອາດ ຫຼື ເຈວລ້າງມືທີ່ມີທາດເຫຼົ້າ 70 ຂື້ນໄປ, ບັນດາຮ້ານອາຫານ ຮ້ານຂາຍເຄື່ອງ ກໍ່ຕ້ອງໄດ້ຮັກສາໄລຍະຫ່າງ.
  • ຂໍຮຽກຮ້ອງມາຍັງ ພໍ່ແມ່, ພີ່ນ້ອງ, ປະຊາຊົນ ແລະ ທຸກພາກສ່ວນໃນສັງຄົມ ຈົ່ງພ້ອມໃຈກັນ ປະຕິບັດການດໍາລົງຊິວິດປົກກະຕິແບບໃໝ່ (new normal) ແລະ ຮ່ວມແຮງຮ່ວມໃຈ ສາມັກຄີເປັນປຶກແຜ່ນອັນດຽວກັນ ເພື່ອພ້ອມກັນຜ່ານຜ່າວິກິດນີ້ໄປດ້ວຍກັນ ແລະ ສາມາດກັບມາດຳລົງຊີວິດປົກກະຕິໂດຍໄວ.
  • ຄຽງຄູ່ກັບການປະຕິບັດມາດຕະການປ້ອງກັນການຕິດເຊື້ອນັ້ນ ກໍ່ຄື ການໄດ້ຮັບວັກຊີນ ເພື່ອສ້າງພູມຄຸມໃຫ້ແກ່ຕົວທ່ານເອງ ກໍ່ຄື ພູມຄຸ້ມກັນໝູ່, ສາມາດຊ່ວຍຫຼຸດຜ່ອນຄວາມຮຸນແຮງຂອງການເຈັບເປັນ ແລະ ການເສຍຊີວິດໄດ້.
  • ກ່ອນຈະຈົບການລາຍງານຂ່າວໃນມື້ນີ້ຂໍອວຍພອນທຸກທ່ານ ຈົ່ງມີສຸຂະພາບແຂງແຮງ ປອດໄພຈາກພະຍາດ ໂຄວີດ-19 ແລະ ຈົ່ງໄດ້ ຕິດຕາມຂ່າວສານກ່ຽວກັບພະຍາດໂຄວິດ-19 ພ້ອມຄໍາແນະນໍາຕ່າງໆທີ່ເປັນປະໂຫຍດ ແລະ ເປັນທາງການ ໄດ້ທີ່:
  • ເວັບໄຊຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 ກໍຄື covid19.gov.la ແລະ ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກ www.cdc.gov.la
  • ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະນະສຸກ
  • ວິທະຍຸກະຈາຍສຽງ, ໂທລະພາບ, ໜັງສືພິມ ແລະ ສື່ຕ່າງໆ ຂອງລັດຖະບານ
  • ນອກຈາກນັ້ນ ຍັງສາມາດໂທສອບຖາມ ສາຍດ່ວນ 165 ຫຼື 166 ສໍາລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 165 ຫຼື 166) ເພື່ອຂໍຄໍາແນະນຳ ແລະ ລາຍງານເຫດການ.
  • ສໍາລັບຜູ້ທີ່ຕິດເຊື້ອສະໝັກໃຈປິ່ນປົວຢູ່ເຮືອນ ສາມາດສອບຖາມຂໍ້ແນະນໍາເພີ່ມເຕີມ ສາຍດ່ວນ 164.

 

 

Loading...