ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ວັນທີ 2 ກໍລະກົດ ມີຜູ້ເດີນທາງເຂົ້າມາລາວທັງໝົດ 2,281 ຄົນ

ປະຈຸບັນທົ່ວໂລກມີຜູ້ຕິດເຊື້ອໂຄວິດທັງໝົດ 10.948.362 ຄົນ, ເສຍຊີວິດ 523.505 ຄົນ, ໃນນັ້ນ ອາເມຣິກາມີຜູ້ຕິດເຊື້ອ 2.800.753 ຄົນ ເສຍຊີວິດ 130.951 ຄົນ, ເບຼຊິນມີຜູ້ຕິດເຊື້ອ 1.501.353 ຄົນ ເສຍຊີວິດ 61.990 ຄົນ, ຣັດເຊຍມີຜູ້ຕິດເຊື້ອ 661.165 ຄົນ ເສຍຊີວິດ 9.683 ຄົນ.

ສໍາລັບປະເທດສະມາຊິກອາຊຽນ ອິນໂດເນເຊຍມີຜູ້ຕິດເຊື້ອ 59.394 ຄົນ, ເສຍຊີວິດ 2.987 ຄົນ, ສິງກະໂປ ຕິດເຊື້ອ 44.310 ຄົນ, ເສຍຊີວິດ 26 ຄົນ, ຟິລິປິນຕິດເຊື້ອ 38.805 ຄົນ, ເສຍຊີວິດ 1.274 ຄົນ.

ດຣ. ສີສະຫວາດ ສຸດທານີລະໄຊ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ. ຄະນະສະເພາະກິດຄວບຄຸມໂຄວິດ19 ຖະແຫຼງ ຕອນເຊົ້າວັນທີ 3 ກໍລະກົດນີ້ ເຖິງສະພາບການຄວບຄຸມໂຄວິດ19 ຢູ່ ສປປ ລາວວ່າ: ມື້ຜ່ານມາ ທົ່ວປະເທດມີຜູ້ເດີນທາງເຂົ້າມາທັງໝົດ 2,281 ຄົນ, ໃນນັ້ນຜ່ານດ່ານລາວໄທ 1,480 ຄົນ ມີແຮງງານລາວກັບມາແຕ່ໄທ 258 ຄົນ; ຈຸດຜ່ານດ່ານລາວ ຈີນ 17 ຄົນ ທັງໝົດ ແມ່ນຄົນຂັບລົດສົ່ງສິນຄ້າ, ຈຸດຜ່ານດ່ານລາວ ຫວຽດນາມ 784 ຄົນ, ມີແຮງງານຫວຽດນາມ 81 ຄົນ, ນັກສືກສາລາວ 20 ຄົນ ຜ່ານດ່ານນ້ຳກັ່ນ, ແຂວງຊຽງຂວາງ, ເຫຼືອນັ້ນແມ່ນຄົນຂັບລົດສົ່ງສິນຄ້າ ທຸກຄົນໄດ້ແທກອຸນຫະພູມຮ່າງກາຍ, ແລະ ເກັບຕົວຢ່າງມາກວດ ແລ້ວນຳສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ດຣ. ສີສະຫວາດ ສຸດທານີລະໄຊ ໃຫ້ຮູ້ການກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດວ່າ: ໃນວັນທີ 2 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 389 ຄົນ, ໃນນັ້ນ ມີ ແຮງງານລາວກັບມາແຕ່ໄທ 220 ຄົນ, ແຮງງານຫວຽດນາມ 119 ຄົນ, ແຮງງານຈີນ 5 ຄົນ ແລະ ບຸກຄົນທົ່ວໄປ 45 ຄົນ, ຜົນກວດທັງໝົດ.

ສະເພາະຢູ່ ສປປ ລາວ 82 ມື້ແລ້ວ ທີ່ບໍ່ມີຜູ້ຕິດເຊື້ອໃໝ່, ຜູ້ຕິດເຊື້ອສະສົມ 19 ຄົນ ແມ່ນປິ່ນປົວຫາຍດີ ແລະ ອອກໂຮງໝໍໝົດທຸກຄົນແລ້ວ. ບັນຫາສຳຄັນ ແມ່ນ ພວກເຮົາບໍ່ຄວນປະໝາດ ເພື່ອສະກັດກັ້ນ ການລະບາດຂອງພະຍາດ COVID-19 ບໍ່ໃຫ້ກັບຄືນມາຮອບໃໝ່, ຮຽກຮ້ອງມາຍັງບັນດາທ່ານທຸກຊັ້ນຄົນໃນສັງຄົມຈົ່ງປະຕິບັດຢ່າງເຄັ່ງຄັດ ຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 697/ຫສນຍ, ລົງວັນທີ 30 ມິຖຸນາ 2020, ພ້ອມກັນນັ້ນກໍ່ໃຫ້ປະຕິບັດ ວິທີປ້ອງກັນການຕິດເຊື້ອ ຢ່າງເຂັ້ມງວດ ເປັນຕົ້ນ ແມ່ນ ການປະຕິບັດຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດ ຢູ່ສະຖານທີ່ບໍລິການ, ການແທກອຸນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ບໍ່ໃຫ້ມີການແອອັດ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ ທັງໝົດນີ້ໃຫ້ກາຍເປັນຄວາມຊິນເຄີຍໃນວີຖີຊີວິດແບບໃໝ່ທີ່ປອດໄພ.