ວັນທີ 21 ມິຖຸນາ 2024 ເຈົ້າໜ້າທີ່ຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ໄດ້ສະກັດເປົ້າໝາຍລັກລອບຄ້າຂາຍຢາເສບຕິດ ໂດຍການໃຊ້ເສັ້ນທາງບົກແຕ່ເມືອງເມິງ ຫາ ເມືອງຫ້ວຍຊາຍ, ພໍມາຮອດເຂດບ້ານໂພນໄພ ເມືອງຫ້ວຍຊາຍ ເຈົ້າໜ້າທີ່ສະແດງຕົວໃຫ້ສັນຍານຢຸດຈອດເພື່ອກວດຄົ້ນລົດລົດເປົ້າໝາຍ 2 ຄັນ ບໍ່ຕິດປ້າຍທະບຽນ, ຂະນະດຽວກັນເຈົ້າຂອງລົດໄດ້ໃຊ້ອາວຸດປືນຍິງຕໍ່ສູ້ກັບເຈົ້າໜ້າທີ່ເພື່ອເປີດທາງເອົາຕົວຫລົບໜີເຂົ້າປ່າ. ຈາກນັ້ນ ເຈົ້າໜ້າທີ່ໄດ້ກວດຄົ້ນລົດ 2 ຄັນ ພົບເຫັນຢາບ້າ 2,900 ມັດ ເທົ່າກັບ 5,800,000 ເມັດ, ມີນໍ້າໜັກເກືອບ 700 ກິໂລກຣາມ ແລະ ຢາເຮໂຣອິນ 600 ແທ່ງ ເທົ່າກັບ 300 ຄູ່, ມີນໍ້າໜັກ 225 ກິໂລກຣາມ ພ້ອມຢຶດລົດ ປຣາ 1 ຄັນ ແລະ ລົດກະບະຣີໂວ 1 ຄັນ, ສ່ວນຜູ້ຂັບຂີ່ໄດ້ເອົາຕົວຫລົບໜີໄປ.
ປັດຈຸບັນເຈົ້າໜ້າທີ່ພວມດຳເນີນການສືບຄົ້ນຫາພວກກ່ຽວມາດຳເນີນຄະດີຕາມລະບຽບກົດໝາຍ.
