ວັນທີ 22 ມັງກອນ 2022, ມີຜູ້ເສຍຊີວິດ 6 ຄົນ, ຕິດເຊື້ອໂຄວິດ-19 ເພີ່ມໃໝ່ 609 ຄົນ
ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂ້ການລະບາດພະຍາດໂຄວິດ-19, ໄດ້ຖະແຫຼງຂ່າວ ກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງ ຕົວເລກການຕິດເຊື້ອພະຍາດ ໂຄວິດ-19 ໃນທົ່ວໂລກ ແລະ ບັນດາປະເທດໃກ້ຄຽງ ປະຈໍາວັນທີ 22 ມັງກອນ ປີ 2022.
- ຕໍ່ໄປນີ້ ຂ້າພະເຈົ້າ ຈະຂໍລາຍງານ:
- ສະພາບການຕິດເຊືື້ອພະຍາດ COVID-19 ຢູ່ໃນໂລກ ແລະ ປະເທດໃກ້ຄຽງ
ປະຈຸບັນ ໃນທົ່ວໂລກ ຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ ທຸກວັນ:
- ກໍລະນີຢັ້ງຢືນຕິດເຊື້ອທັງໝົດ431.855 (3.982.672 ໃໝ່),
- ເສຍຊິວິດທັງໝົດ 601.865 (10.479 ໃໝ່),
- ປີ່ນປົວຫາຍດີ 492.392 (1.712.382 ໃໝ່)
- 5 ປະເທດທີ່ມີຊາຍແດນຕິດກັບ ສປປ ລາວ
| ລ/ດ
| ປະເທດ | ກໍລະນີຕິດເຊື້ອ | ເສຍຊິວີດ | ||
| ສະສົມທັງໝົດ | ໃໝ່ | ສະສົມທັງໝົດ | ໃໝ່ | ||
| 1 | ໄທ | 2,361,702 | 8,640 | 22,003 | 13 |
| 2 | ຫວຽດນາມ | 2,110,737 | 15,935 | 36,443 | 177 |
| 3 | ມຽນມາ | 533,815 | 83 | 19,308 | 1 |
| 4 | ກໍາປູເຈຍ | 120,956 | 42 | 3,015 | |
| 5 | ຈີນ | 105,484 | 73 | 4,636 | |
- ຕໍ່ໄປ ຂ້າພະເຈົ້າຂໍແຈ້ງຈຸດບໍລິການເກັບຕົວຢ່າງ ເພື່ອກວດຫາເຊືື້ອ ໂຄວິດ-19 ທົ່ວປະເທດ
- ສໍາລັບຢູ່ຕ່າງແຂວງ ທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ, ໂຮງໝໍເມືອງ ຫຼື ຈຸດກວດເພີ້ມເຕີມ ທີ່ທາງຄະນະສະເພາະກິດຂອງແຂວງໄດ້ກຳນົດໄວ້.
- ສໍາລັບຈຸດກວດ ຢູ່ນະຄອນຫຼວງວຽງຈັນ
- ຈຸດກວດຄົງທີ່
– ສະໜາມກິລາໃນຮົ່ມ ບຶງຂະຫຍອງ (ວັນຈັນ ຫາ ອາທິດ) ເວລາ 9:00–11:30 ໂມງ
- ສໍາລັບຈຸດບໍລິການສັກວັກຊີນ ຢູ່ນະຄອນຫຼວງວຽງຈັນມີຄື :
- ໂຮງໝໍສູນກາງ (ມິດຕະພາບ, ມະໂຫສົດ, ເສດຖາທິລາດ, ໂຮງໝໍສູນກາງ 103 ກອງທັບ, ໂຮງ
ໝໍ 5 ເມສາ, ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ).
- ສຳລັບ ຜູ້ທີ່ຕ້ອງການສັກວັກຊິນ ຊະນິດ Pfizer ເພື່ອເຂັ້ມກະຕຸ້ນ (ເຂັ້ມ 3): ຜູ້ສູງອາຍຸ, ກຸ່ມອາຍຸ 12-17 ປີ ແລະ ຜູ້ທີ່ມີພະຍາດປະຈໍາໂຕ ສາມາດໄປຮັບການບໍລິການ ໄດ້ທີ່:
- ວັດຈີນ ດົງປາແຫຼບ (ວັນຈັນ - ສຸກ)
- ສູນການຄ້າລາວ-ໄອເຕັກ (ວັນຈັນ – ສຸກ)
- ໂຮງໝໍສູນກາງ
- ໂຮງໝໍເມືອງ 9 ຕົວເມືອງ
- ສຳລັບ ຈຸດບໍລິການວັກຊີນ ຢູ່ບັນດາແຂວງມີຄື: ໂຮງໝໍແຂວງ, ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້
- ສະພາບການລະບາດຂອງພະຍາດ COVID-19 ຢູ່ ສປປ ລາວ
ວັນທີ 21 ມັງກອນ 2022, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 4.594 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 612 (ຕິດເຊື້ອພາຍໃນ 609 ຄົນ ແລະ ນໍາເຂົ້າ 03 ຄົນ).
– ຂໍ້ມູນໂດຍຫຍໍ້ກ່ຽວກັບ ການຕິດເຊືື້ອພາຍໃນໃໝ່ ທັງໝົດ 609 ຄົນ ຈາກ 17 ແຂວງ ແລະ ນະຄອນຫຼວງວຽງຈັນໂດຍລຽງລຳດັບແຕ່ແຂວງຫຼາຍຫາໜ້ອຍ ມີລາຍລະອຽດ ດັ່ງນີ້:
- ນະຄອນຫຼວງ 153 ຄົນ
- ຊຽງຂວາງ 84 ຄົນ
- ໄຊຍະບູລີ 83 ຄົນ
- ອັດຕະປື 45 ຄົນ
- ເຊກອງ 32 ຄົນ
- ຜົ້ງສາລີ 31 ຄົນ
- ໄຊສົມບູນ 31 ຄົນ
- ຄຳມ່ວນ 25 ຄົນ
- ສາລະວັນ 21 ຄົນ
- ບໍລິຄຳໄຊ 18 ຄົນ
- ຫຼວງພະບາງ 15 ຄົນ
- ຫົວພັນ 15 ຄົນ
- ອຸດົມໄຊ 12 ຄົນ
- ວຽງຈັນ 10 ຄົນ
- ຫຼວງນ້ຳທາ 10 ຄົນ
- ບໍ່ແກ້ວ 8 ຄົນ
- ສະຫວັນນະເຂດ 7 ຄົນ
- ຈຳປາສັກ 7 ຄົນ
- ສໍາລັບການຕິດເຊື້ອນໍາເຂົ້າ ມີ 03 ຄົນ ຈາກ ນະຄອນຫຼວງ 1 ຄົນ, ແລະ ຈຳປາສັກ 2 ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ.
- ຮອດປັດຈຸບັນ ມີຜູ້ຕິດເຊື້ອສະສົມ ຢຸ່ໃນ ສປປ ລາວ ທັງໝົດ 536 ກໍລະນີ, ອອກໂຮງໝໍວານນີ້ 505 ຄົນ, ກຳລັງປິ່ນປົວ 8.136 ຄົນ ແລະ ເສຍຊີວິດສະສົມທັງໝົດ 524 ຄົນ (ເສຍຊີວິດໃໝ່ 6 ຄົນ)
– ສຳລັບຜູ້ເສຍຊີວິດໃໝ່ 6 ຄົນ ຈາກວຽງຈັນ 2 ຄົນ, ອຸດົມໄຊ 1 ຄົນ, ຫຼວງນ້ຳທາ 1, ໄຊສົມບູນ 1 ຄົນ ແລະ ສາລະວັນ 1 ຄົນ.
- ຂ້າພະເຈົ້າ ຂໍສະແດງຄວາມເສຍໃຈ ມານຳຄອບຄົວ ແລະ ຍາດຕິພີ່ນ້ອງ ທີ່ໄດ້ສູນເສຍຄົນທີ່ຮັກ ແລະ ເຄົາລົບ ມານະທີ່ນີ້ດ້ວຍ
- ບັນດາທ່ານທີ່ນັບຖື ແລະ ຮັກແພງທັງຫຼາຍ
- ສະພາບການລະບາດພະຍາດໂຄວິດ-19 ໃນທົ່ວໂລກຍັງມີທ່າອ່ຽງເພີ່ມຂື້ນຫຼາຍໃນແຕ່ລະວັນ, ສະເພາະມື້ນີ້ໂຕເລກລາຍງານຜູ້ຕິດເຊື້ອໃໝ່ ສູງກ່ວາ 3,9 ລ້ານ ຄົນ ແລະ ເສຍຊີວິດໃໝ່ຫຼາຍກ່ວາ 10 ພັນຄົນ ສາເຫດທີ່ຄົນຕິດເຊື້ອສູງ ຂື້ນເນື່ອງຈາກການລະບາດຄື້ນໃໝ່ໂດຍສະເພາະແມ່ນສາຍພັນໂອມິຄຣອນໄດ້ມາແທນທີ່ການລະບາດສາຍພັນເດວຕາ ແລະ ສາຍພັນອື່ນໆ ເຊີ່ງສາຍພັນໂອມິຄຣອນ ມີການຕິດເຊື້ອ ແລະ ແຜ່ເຊື້ອໄດ້ຢ່າງໄວວາ,
ການຖະແຫຼງຂ່າວລ່າສຸດຂອງອົງການອະນາໄມໂລກໂດຍ ທ່ານ Dr Tedros Adhanom Ghebreyesus ຜູ້ອຳນວຍການໃຫຍ່ອົງການອະນາໄມໂລກ ໄດ້ອອກມາເຕືອນກ່ຽວກັບການລະບາດຂອງ covid19 ຍັງບໍ່ທັນຜ່ານພົ້ນເທື່ອເພາະຫຼາຍປະເທດໃນໂລກໃນທະວິບຢູໂຣບ, ອະເມຣິກາ ແລະ ໃນຂົງເຂດແມ່ນຍັງປະເຊີນໜ້າກັບການລະບາດຂອງສາຍພັນ omicron ຢູ່, ເຖີງມີການພົບວ່າສາຍພັນດັ່ງກ່າວບໍ່ຮ້າຍແຮງຄືສາຍພັນແດນຕາກໍ່ຕາມ ແຕ່ດ້ວຍລັກສະນະຂອງການຕິດເຊື້ອໄດ້ງ່າຍ ແລະ ແຜ່ໄດ້ໄວຈຶ່ງເຮັດໃຫ້ພົບການຕິດເຊື້ອໃຈຈຳນວນຫຼາຍ ແລະ ຍັງມີຫຼາຍຄົນທີ່ອາດຈະເກີດອາການຮຸນແຮງ ແລະ ຈະຕ້ອງເຂ້າປິ່ນປົວນຳແພດໝໍ ແລະ ສົ່ງຜົນສະທ້ອນໃຫ້ໂຮງໝໍໃນຫຼາຍປະເທດແມ່ນມີສະພາບຄົນເຈັບລົ້ນໂຮງໝໍ ແລະ ໃນນັ້ນກໍ່ຈະມີການເສັຍຊີວິດເກີດຂື້ນ. ດັ່ງນັ້ນ, ມາດຕະການທີ່ຍັງມີຜົນດີກໍ່ຍັງແມ່ນການສັກວັກຊີນປ້ອງກັນໂຄວິດ 19, ມາດຕະການທາງສັງຄົມທີ່ເຄີຍປະຕິບັດຜ່ານມາ. ດັ່ງນັ້ນຈຶ່ງຮຽກຮ້ອງໃຫ້ສັງຄົມບໍ່ຄວບລະເຫຼີງຕໍ່ທ່າອ່ຽງທີ່ຫຼຸດລົງໃນປະເທດຂອງທ່ານ ແຕ່ ໃຫ້ສືບຕໍ່ເຮັດແນວໃດໃຫ້ເກີດມີການຕິດເຊື້ອໜ້ອຍທີ່ສຸດເທົ່າທີ່ສາມາດເຮັດໄດ້! ປັດຈຸບັນນີ້ ເຖີງວ່າທ່າອ່ຽງຂອງການລະບາດຂອງພະຍາດໂຄວິດ-19 ໃນ ສປປ ລາວ ຫຼຸດລົງ ກໍ່ຕາມ ແຕ່ບາງແຂວງພົບການຕິດເຊື້ອເພີ່ມຂື້ນ ພວກເຮົາໄດ້ພົບສາຍພັນ omicron ໃນຜູ້ເດີນທາງເຂົ້າມາປະເທດຈຳນວນ 9 ຄົນ ແຕ່ຍັງບໍ່ທັນມີການລາຍງານຕິດເຊື້ອພາຍໃນປະເທດເທື່ອ ແລະ ສຳລັບຜູ້ຕິດເຊື້ອນຳເຂົ້າທັງ9ຄົນນັ້ນຖືກນຳສົ່ງໄປປິ່ນປົວເປັນທີ່ຮຽບຮ້ອຍແຕ່ພວກເຮົາຍັງຈະຕ້ອງສືບຕໍ່ເຝົ້າລະວັງຢ່າງຈົດຈໍ່ ແລະຮຽກຮ້ອງໃຫ້ພໍ່ແມ່ປະຊາຊົນສືບຕໍ່ປະຕິບັດມາດຕະການປ້ອງກັນຕົນເອງ ແລະ ເລັ່ງການສັກວັກຊີນໃຫ້ບັນລຸເປ້າໝາຍເທົ່າທີ່ໄວ້ໄດ້ເພື່ອໃຫ້ ສປປ ລາວສາມາດເປີດປະເທດຕ້ອນຮັບການທ່ອງທ່ຽວສີຂຽວ ແລະ ຟື້ນຟູເສດຖະກິດໂດຍໄວ.
ໃນປະຈຸບັນ, ປະຊາຊົນຈຳນວນໜື່ງກໍ່ຍັງກວດເຊື້ອຕົນເອງດ້ວຍເຄື່ອງກວດແບບໄວ ດັ່ງນັ້ນ, ຖ້າພົບເຊື້ອກໍ່ໃຫ້ ລາຍງານ ແລະ ໂທຂໍຄຳປືກສາຈາກ ທີມງານແພດສາຍດ່ວນ 164 ໃນການຂຶ້ນທະບຽນລະຫັດຄົນເຈັບໄວ້ ເພື່ອສະດວກໃນການນຳສົ່ງຄົນເຈັບເຂົ້າປິ່ນປົວຢູ່ໂຮງໝໍກໍລະນີທີ່ມີອາການໜັກ.
ກ່ອນຈະຈົບຖະແຫຼງຂ່າວໃນມື້ນີ້ , ຂ້າພະເຈົ້າຂໍຮຽກຮ້ອງໃຫ້ບັນດາທ່ານເປັນເຈົ້າການນຳກັນໃນການປະຕິບັດມາດຕະການປ້ອງກັນຕົນເອງ ແລະ ປ້ອງກັນຄົນອ້ອມຂ້າງຢ່າງເຄັ່ງຄັດ, ໂດຍສະເພາະຄອບຄົວໃດທີ່ມີຜູ້ສູງອາຍຸ ແລະ ມີພະຍາດປະຈຳໂຕກໍ່ຕ້ອງໄດ້ລະວັງບໍ່ຄວນເຂົ້າໃກ້ພວກເພີ່ນຖ້າບ່ຈຳເປັນເພາະເຮົາອາດຈະນຳເອົາເຊື້ອພະຍາດໄປສູ່ພວກເພີ່ນດັ່ງນັ້ນໃຫ້ສັງຄົມຍົກສູງຈິດສຳນຶກໃນການປົກປ້ອງຄົນທີ່ເຮົາຮັກ ແລະເຄົາລົບ