ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ

ວັນທີ 23 ມັງກອນ 2022, ສປປ ລາວ ມີຜູ້ເສຍຊີວິດ 2 ຄົນ ແລະຕິເຊື້ອ ໂຄວິດ-19 ເພີ່ມໃໝ່ 420 ຄົນ.

 

ຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂ້ການລະບາດພະຍາດໂຄວິດ-19, ໄດ້ຖະແຫຼງຂ່າວ ກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ປະຈໍາວັນທີ 23 ມັງກອນ 2022.

  • ຕໍ່ໄປ ຂ້າພະເຈົ້າຂໍແຈ້ງຈຸດບໍລິການເກັບຕົວຢ່າງ ເພື່ອກວດຫາເຊືື້ອ ໂຄວິດ-19 ທົ່ວປະເທດ
  • ສໍາລັບຢູ່ຕ່າງແຂວງ ທ່ານສາມາດໄປເກັບຕົວຢ່າງກວດຊອກຫາເຊືື້ອໂຄວິດ-19 ໄດ້ຢູ່ໂຮງໝໍແຂວງ, ໂຮງໝໍເມືອງ ຫຼື ຈຸດກວດເພີ້ມເຕີມ ທີ່ທາງຄະນະສະເພາະກິດຂອງແຂວງໄດ້ກຳນົດໄວ້.
  • ສໍາລັບຈຸດກວດ ຢູ່ນະຄອນຫຼວງວຽງຈັນ
  • ຈຸດກວດຄົງທີ່

ສະໜາມກິລາໃນຮົ່ມ ບຶງຂະຫຍອງ (ວັນຈັນ ຫາ ອາທິດ) ເວລາ 9:00–11:30 ໂມງ

  • ສໍາລັບຈຸດບໍລິການສັກວັກຊີນ ຢູ່ນະຄອນຫຼວງວຽງຈັນມີຄື :
  1. ໂຮງໝໍສູນກາງ (ມິດຕະພາບ, ມະໂຫສົດ, ເສດຖາທິລາດ, ໂຮງໝໍສູນກາງ 103 ກອງທັບ, ໂຮງ

ໝໍ 5 ເມສາ, ໂຮງໝໍແມ່ ແລະ ເດັກເກີດໃໝ່ ແລະ ໂຮງໝໍເດັກ).

  1. ສໍາລັບ ຜູ້ທີ່ຕ້ອງການສັກວັກຊິນ ຊະນິດ Pfizer ເພື່ອເຂັ້ມກະຕຸ້ນ (ເຂັ້ມ 3): ຜູ້ສູງອາຍຸ, ກຸ່ມອາຍຸ 12-17 ປີ ແລະ ຜູ້ທີ່ມີພະຍາດປະຈໍາໂຕ ສາມາດໄປຮັບການບໍລິການ ໄດ້ທີ່:
  • ວັດຈີນ ດົງປາແຫຼບ (ວັນຈັນ -​ ສຸກ)
  • ສູນການຄ້າລາວ-ໄອເຕັກ (ວັນຈັນ – ສຸກ)
  • ໂຮງໝໍສູນກາງ
  • ໂຮງໝໍເມືອງ 9 ຕົວເມືອງ
  • ສຳລັບ ຈຸດບໍລິການວັກຊີນ ຢູ່ບັນດາແຂວງມີຄື: ໂຮງໝໍແຂວງ, ໂຮງໝໍເມືອງ ແລະ ຈຸດທີ່ຄະນະສະເພາະກິດກໍານົດໄວ້
  • ສະພາບການລະບາດຂອງພະຍາດ COVID-19 ຢູ່ ສປປ ລາວ

ວັນທີ 22 ມັງກອນ 2022, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 2.717 ຕົວຢ່າງ ໃນຂອບເຂດທົ່ວປະເທດ ແລະ ພົບເຊື້ອ ທັງໝົດ 420 (ຕິດເຊື້ອພາຍໃນ 420 ຄົນ ແລະ ນໍາເຂົ້າ 0 ຄົນ).

– ຂໍ້ມູນໂດຍຫຍໍ້ກ່ຽວກັບ ການຕິດເຊືື້ອພາຍໃນໃໝ່ ທັງໝົດ 420 ຄົນ ຈາກ 17 ແຂວງ ແລະ ນະຄອນຫຼວງວຽງຈັນໂດຍລຽງລຳດັບແຕ່ແຂວງຫຼາຍຫາໜ້ອຍ ມີລາຍລະອຽດ ດັ່ງນີ້:

1ນະຄອນຫຼວງ90ຄົນ
2ໄຊຍະບູລີ50ຄົນ
3ຊຽງຂວາງ44ຄົນ
4ບໍລິຄໍາໄຊ31ຄົນ
5ສາລະວັນ25ຄົນ
6ຄໍາມ່ວນ22ຄົນ
7ຜົ້ງສາລີ20ຄົນ
8ໄຊສົມບູນ16ຄົນ
9ຫົວພັນ16ຄົນ
10ວຽງຈັນ15ຄົນ
11ຫຼວງພະບາງ14ຄົນ
12ສະຫັວນນະເຂດ13ຄົນ
13ບໍ່ແກ້ວ13ຄົນ
14ອຸດົມໄຊ12ຄົນ
15ອັດຕະປື12ຄົນ
16ຈໍາປາສັກ11ຄົນ
17ເຊກອງ9ຄົນ
18ຫຼວງນໍ້າທາ7ຄົນ

 

  • ສໍາລັບການຕິດເຊື້ອນໍາເຂົ້າແມ່ນບໍ່ມີ ຈາກ ນະຄອນຫຼວງ 1 ຄົນ, ແລະ ຈຳປາສັກ 2​ ຄົນ ເຊິ່ງໄດ້ເຂົ້າຈຳກັດບໍລິເວນຕາມສະຖານທີ່ກຳນົດໄວ້ກ່ອນຈະກວດພົບເຊື້ອ.

 

  • ຮອດປັດຈຸບັນ ມີຜູ້ຕິດເຊື້ອສະສົມ ຢຸ່ໃນ ສປປ ລາວ ທັງໝົດ 956 ກໍລະນີ, ອອກໂຮງໝໍວານນີ້ 381 ຄົນ, ກຳລັງປິ່ນປົວ 7.911 ຄົນ ແລະ ເສຍຊີວິດສະສົມທັງໝົດ 526 ຄົນ (ເສຍຊີວິດໃໝ່ 2 ຄົນ)

ສຳລັບຜູ້ເສຍຊີວິດໃໝ່ 2 ຄົນ ຈາກວຽງຈັນ 1 ຄົນ ແລະ ບໍລິຄໍາໄຊ 1​ ຄົນ.

 

  • ຂ້າພະເຈົ້າ ຂໍສະແດງຄວາມເສຍໃຈ ມານຳຄອບຄົວ ແລະ ຍາດຕິພີ່ນ້ອງ ທີ່ໄດ້ສູນເສຍຄົນທີ່ຮັກ ແລະ ເຄົາລົບ ມານະທີ່ນີ້ດ້ວຍ

 

  • ບັນດາທ່ານທີ່ນັບຖື ແລະ ຮັກແພງທັງຫຼາຍ

ສະພາບການລະບາດພະຍາດໂຄວິດ-19 ໃນທົ່ວໂລກມີທ່າອ່ຽງຫຼຸດລົງ ສົມທຽບໃສ່ໃນໄລຍະຜ່ານມາ, ຫຼາຍປະເທດໃນ ຢູໂລບ ແມ່ນ ກະກຽມຫຼຸດຜ່ອນມາດຕະການທາງສັງຄົມ ເພື່ອກັບມາຟື້ນຟູເສດຖະກິດອີກຮອບໃໝ່  ສະເພາະ ສປປ ລາວ ມື້ນີ້ກໍ່ເປັນອີກມື້ໜຶ່ງ ການລະບາດຢູ່ໃນປະເທດຂອງພວກເຮົາຢູ່ໃນທ່າອ່ຽງຫຼຸດລົງ ໂດຍສະເພາະໃນນະຄອນຫຼວງວຽງຈັນ ແລະ ຫຼາຍແຂວງອື່ນໆ ແຕ່ກໍ່ຍັງມີບາງແຂວງ ຍັງໂຕເລກຜູ້ຕິດເຊື້ອສູງ ການຫຼຸດລົງດັ່ງກ່າວນີ້ ກໍ່ແມ່ນຜົນມາຈາກປະຊາຊົນບັນດາເຜົ່າ ພະນັກງານ, ກໍາລັງປະກອບອາວຸດ ກໍ່ຄືທຸກພາກສ່ວນໃນສັງຄົມ ສ່ວນຫຼວງຫຼາຍ ແມ່ນໄດ້ປະຕິບັດຕາມມາດຕະການທີ່ທາງຄະນະສະເພາະກິດໄດ້ວາງອອກ, ເປັນຕົ້ນ ປະຊາຊົນໄດ້ຕື່ນຕົວໄປສັກວັກຊິນປ້ອງກັນໂຄວິດ-19 ຕາມຈຸດບໍລິການຕ່າງໆ ຈໍານວນຫຼວງຫຼາຍ ການໃຊ້ຜ້າປິດປາກ-ດັງ ແລະ ການຮັກສາໄລຍະຫ່າງ ແມ່ນໄດ້ກາຍເປັນຄວາມສີ້ນເຄີຍຂອງສັງຄົມໃນຍຸກປະຈຸບັນ. ແຕ່ເຖິງຢ່າງໃດກໍ່ຕາມພວກເຮົາກໍ່ຍັງໄດ້ສືບຕໍ່ເຝົ້າລະວັງ ແລະ ສະຖານທີບໍລິການປິ່ນປົວໃຫ້ມີຄວາມກຽມພ້ອມໃນການຮອງຮັບຄົນເຈັບພ້ອມທັງອຸປະກອນການແພດ ແລະ ຢາປິ່ນປົວໃຫ້ສາມາດຕອບສະໜອງຕໍ່ຄວາມຕ້ອງການແຕ່ລະໄລຍະຂອງການລະບາດຂອງພະຍາດໂຄວິດ-19 ແລະ ເລັ່ງການສັກວັກຊີນໃຫ້ບັນລຸເປົ້າໝາຍ ສູງກວ່າ 80 ເປີເຊັນ ໂດຍໄວເພື່ອໃຫ້ ປະເທດຂອງພວກເຮົາ ສາມາດເປີດປະເທດ ຕ້ອນຮັບການທ່ອງທ່ຽວສີຂຽວ ແລະ ຟື້ນຟູເສດຖະກິດ.

ໃນປະຈຸບັນ, ປະຊາຊົນຈຳນວນໜື່ງກໍ່ຍັງກວດເຊື້ອຕົນເອງດ້ວຍເຄື່ອງກວດແບບໄວ ດັ່ງນັ້ນ, ຖ້າພົບເຊື້ອກໍ່ໃຫ້ ລາຍງານ ແລະ ໂທຂໍຄຳປືກສາຈາກ ທີມງານແພດສາຍດ່ວນ 164 ໃນການຂຶ້ນທະບຽນລະຫັດຄົນເຈັບໄວ້ ເພື່ອສະດວກໃນການນຳສົ່ງຄົນເຈັບເຂົ້າປິ່ນປົວຢູ່ໂຮງໝໍກໍລະນີທີ່ມີອາການໜັກ.

ກ່ອນຈະຈົບຖະແຫຼງຂ່າວໃນມື້ນີ້ , ຂ້າພະເຈົ້າຂໍຮຽກຮ້ອງໃຫ້ບັນດາທ່ານເປັນເຈົ້າການນຳກັນໃນການປະຕິບັດມາດຕະການປ້ອງກັນຕົນເອງ ແລະ ປ້ອງກັນຄົນອ້ອມຂ້າງຢ່າງເຄັ່ງຄັດ ແລະ ຮີບຮ້ອນໄປສັກວັກຊິນປ້ອງກັນພະຍາດໂຄວິດ-19 ລວມທັງ ເຂັ້ມກະຕຸ້ນ. ມາຮອດປະຈຸບັນນີ້ ສປປ ລາວ

ສັກເຂັມທີ 1 ໄດ້ 4,675,433 (ອັດຕາປົກຄຸມ 63.72%)

ແລະ ທຸກເຂັມທີ່ແນະນໍາ 3,918,229 (ອັດຕາປົກຄຸມ 53.40%)

ກຸ່ມອາຍຸ 12-17 ປີ ໄດ້ຮັບການສັກວັກຊີນ ເຂັມທີ 1 = 59,3%

ຖ້າພວກເຮົາຫາກສາມາດບັນລຸອັດຕາການສັກຢາໃນແຕ່ລະເມືອງ ແຂວງ ສູງກວ່າ 80 ເປີເຊັນ, ປະຊາຊົນລາວບັນດາເຜົ່າກໍ່ຈະມີພູມປ້ອງກັນໝູ່ (Herd Immnunity) ແລະ ອັດຕາການຕິດເຊື້ອໃໝ່ ກໍ່ຈະຫຼຸດລົງໃນລະດັບທີ່ສາມາດຄວບຄຸມໄດ້ ແລະ ພວກເຮົາກໍ່ສາມາດກັບຄືນມາໃຊ້ຊິວິດປົກກະຕິແບບໃໝ່ໂດຍໄວ.