ຕອນບ່າຍ ຂອງວັນທີ 28 ເມສາ 2021. ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ພ້ອມດ້ວຍ ແລະ ດຣ. ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງສາທາລະນະສຸກ, ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ໄດ້ຖະແຫຼງຂ່າວຕໍ່ສື່ມວນຊົນວ່າ:
ໃນວັນທີ 27 ເມສາ 2021 ໄດ້ເກັບ ຕົວຢ່າງມາກວດວິເຄາະທັງໝົດ 3,055 ຄົນ ຜົນກວດວິເຄາະ ແມ່ນພົບຜູ້ຕິດເຊື້ອໃໝ່ 93 ຄົນ, ໃນນັ້ນມີ ນະຄອນຫຼວງ 75 ຄົນ, ຈຳປາສັກ 11 ຄົນ, ແຂວງຫຼວງພະບາງ 4 ຄົນ ແລະ ສະຫວັນນະເຂດ 3 ຄົນ.
• ມາຮອດປະຈຸບັນ ຕົວເລກຕິດເຊື້ອສະສົມ 604 ຄົນ, ບໍ່ມີຜູ້ເສຍຊີວີດ, ປິ່ນປົວຫາຍດີ 50 ຄົນ (ກໍລະນີທີ 52 ອອກໂຮງໝໍ) , ຍັງນອນຕິດຕາມປິ່ນປົວຢູ່ສະຖານທີ່ປິ່ນປົວທີ່ແຂວງກຳນົດໄວ້ ຈຳນວນ 554 ຄົນ, ລາຍລະອຽດດັ່ງນີ້:
– ຢູ່ນະຄອນຫຼວງວຽງຈັນ 405 ຄົນ (ໃໝ່ 75)
– ແຂວງຈຳປາສັກ 81 ຄົນ (ໃໝ່ 11), ສຳລັບຄົນເຈັບແຂວງເຊກອງ ແມ່ນ
ນອນປິ່ນປົວຢູ່ແຂວງຈຳປາສັກ
– ແຂວງສະຫວັນນະເຂດ 22 ຄົນ (ໃໝ່ 3)
– ແຂວງບໍ່ແກ້ວ 14 ຄົນ
– ແຂວງສາລະວັນ 6 ຄົນ
– ແຂວງອຸດົມໄຊ 2 ຄົນ
– ແຂວງຫຼວງນ້ຳທາ 4 ຄົນ
– ແຂວງວຽງຈັນ 7 ຄົນ (ຄົນເຈັບຂອງແຂວງວຽງຈັນ1 ຄົນມາປີ່ນປົວໃນ
ນະຄອນຫຼວງວຽງຈັນ
– ຜົ້ງສາລີ 2 ຄົນ
– ແຂວງຫຼວງພະບາງ 6 ຄົນ (ໃໝ່ 4)
– ແຂວງໄຊຍະບູລີ 1 ຄົນ
– ແຂວງບໍລິຄຳໄຊ 2 ຄົນ
– ແຂວງຄຳມ່ວນ 1 ຄົນ
– ຊຽງຂວາງ 1 (ໃໝ່ 1)
ຄົນເຈັບທຸກຄົນ ແມ່ນມີສຸຂະພາບຮ່າງກາຍ ແລະ ສຸຂະພາບຈິດ ສົມບຸນ ປົກກະຕິ ແລະ ທຸກຄົນແຂງແຮງດີ
ວັນທີ 27 ເມສາ ທົ່ວປະເທດມີຜູ້ເດີນທາງເຂົ້າມາ ທັງໝົດ 2,437 ຄົນ:
– ຈຸດຜ່ານດ່ານ ລາວ – ໄທ ທັງໝົດ 1,326 ຄົນ;
– ຈຸດຜ່ານດ່ານ ລາວ – ຈີນ ທັງໝົດ 23 ຄົນ;
– ຈຸດຜ່ານດ່ານ ລາວ – ຫວຽດນາມ ທັງໝົດ 1,088ຄົນ;
• ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນ
o ໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້
o ໄດ້ເກັບຕົວຢ່າງທຸກໆຄົນມາກວດຫາເຊື້ອ COVID-19;
o ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້.
ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 50 ສູນ, ມີຜູ້ຈຳກັດບໍລິເວນທັງໝົດ 3,838 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.
ສຳລັບລາຍລະອຽດ ຂອງຜູ້ຕິດເຊື້ອໃໝ່ 93 ຄົນ (ກໍລະນີຢັ້ງຢືນທີ 511-604)
ດຣ. ພອນປະດິດ ສັງໄຊຍະລາດ ຈະນຳສະເໜີລາຍລະອຽດຕື່ມ, ຂໍຮຽນເຊີນ:
 ກໍລະນີຢັ້ງຢືນທີ 518
– ເພດຊາຍ , ອາຍຸ 22 ປີ, ບ້ານ ວຽງສະຫວັນ, ເມືອງສີໂຄດຕະບອງ, ນະຄອນຫຼວງວຽງຈັນ
– ອາຊີບ: ສົ່ງເຄື່ອງອອນລາຍໃນນະຄອນຫຼວງວຽງຈັນ
– ພັກຢູ່ຄອບຄົວນຳກັນ 3 ຄົນ ແມ່, ນ້ອງຊາຍ ແລະ ຜູ້ກ່ຽວ, ສຳຜັດກັບໝູ່ທີ່ຕິດເຊື້ອຢູ່ຮ້ານ 8118 ຊື່ນ້ຳຝົນ
– ມີບໍ່ມີອາການຫຍັງ
– ກ່ອນປີໃໝ່ລາວໄດ້ເລາະສົ່ງເຄື່ອງໃນນະຄອນຫຼວງວຽງຈັນ
– ວັນທີ 14-16 ເມສາ 2021: ທ່ຽວປີໃໝ່ລາວຢູ່ບ້ານໝູ່ສີໄຄ ແລະ ໜອງດ້ວງ ມີໝູ່ຫຼາຍກ່ວາ 10 ປາຍຄົນ
– ວັນທີ 19 ເມສາ 2021: ໄປທ່ຽວຮ້ານຄາລາໂອເກະ 8118 ປະມານ 5-6 ຄົນກັບໝູ່ (ມີໝູ່ 1 ຄົນຕິດເຊື້ອ)
– ວັນທີ 23-26 ເມສາ 2021: ເລີ່ມກັກໂຕເພາະຮູ້ວ່າໝູ່ໄປນຳກັນຕິດເຊື້ອ
– ວັນທີ 24 ເມສາ 2021: ໄປເກັບຕົວຢ່າງຢູ່ ເດີ່ນກິລາ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຜູ້ສຳຜັດໃກ້ຊິດໃນເບື້ອງຕົ້ນ: ມີໝູ່ທີ່ໄປຄາລາໂອເກະ 5-6 ຄົນ ແລະ ແມ່ແລະ ນ້ອງ 2 ຄົນ
 ກໍລະນີຢັ້ງຢືນທີ 519
– ເພດຊາຍ, ອາຍຸ 33 ປີ ບ້ານ ຊຽງດາ, ເມືອງໄຊເສດຖາ, ນະຄອນຫຼວງວຽງຈັນ
– ອາຊີບ: ພະນັກງານບໍລິສັດໄຟ້າລາວ, ຊັ້ນ 6 ໜອງບືກ ນະຄອນຫຼວງ, ພົວພັນກັບກໍລະນີ 193 (ເຮັດວຽກຢູ່ເທັກມາລີນາ) ທີ່ມາລົມກັບເຈົ້າຂອງຮ້ານຂາຍເຄື່ອງຍ່ອຍ ຢູ່ໜ່ວຍ 87 ຜູ້ກ່ຽວມັກໄປຊື້ເຄື່ອງຢູ່ຮ້ານດັ່ງກ່າວ
– ມີໄຂ້ , ໄອມີຂີ້ກະເທີ ແລະ ມີນ້ຳມູກຍ້ອຍ ວັນທີ່ 27 ເມສາ 2021
– ຄອບຄົວຢູ່ 3 ຄົນມີ: ເມຍ ແລະ ລູກ 1,5 ປີ
– ວັນທີ 10ເມສາ 2021: ຍ້ອນຫຼັງໄປການປົກກະຕິ
– ວັນທີ 10-18 ເມສາ 2021: ໄປຫຼີ້ນປີໃໝ່ລາວຢູ່ບ້ານ ແກ່ງກຸ່ມ ເມືອງໂຂງ ຂີ່ລົດສ່ວນໂຕ ໄປກັບຄອບຄົວ
– ວັນທີ 20 ເມສາ 2021: ຕອນແລງໄປຮ້ານເຄື່ອງຍ່ອຍ ທີ່ພົວພັນກັບກໍລະນີທີ່ 193
– ວັນທີ 19-21 ເມສາ 2021: ໄປການປົກກະຕິ ຢູ່ໄຟ້າລາວ, ຊັ້ນ 6 ໜອງບືກ ນະຄອນຫຼວງ
– ວັນທີ 22-26 ເມສາ 2021: ບໍ່ໄດ້ໄປຫ້ອງການເພາະຮູ້ຂ່າວກໍລະນີທີ່ 193 ຕິດເຊື້ອ
– ວັນທີ 26 ເມສາ 2021: ໄປເກັບຕົວຢ່າງຢູ່ໂຮງໝໍເສດຖາ, ມື້ໄປກວດກົດບັດ ATM ທະນາຄານການຄ້າ ຢູ່ໜ້າໂຮງໝໍເສດຖາ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຢູ່ເຮືອນຄອບຄົວດຽວກັນມີ 3 ຄົນ ມີ ພໍ່ແມ່ ລູກ
 ກໍລະນີຢັ້ງຢືນທີ 520
– ເພດຍີງ, ອາຍຸ 22 ປີ ບ້ານ ດົງຄຳຊ້າງ, ເມືອງຫາດຊາຍຟອງ, ນະຄອນຫຼວງວຽງຈັນ
– ອາຊີບ: ຫວ່າງງານ
– ຕັນດັງ, ໄອມີຂີ້ກະເທີ ແຕ່ ວັນທີ່ 18 ເມສາ 2021
– ຢູ່ຫ້ອງແຖວ ກັບໝູ່2 ຄົນ, ໝູ່ໄປກວດຄືກັນ
– ວັນທີ 13 ເມສາ 2021: ໄປຫຼີ້ນບູດເບຍຢູ່ໄອເຕັກ, ປາຕີສະນ້ຳໄອເຕັກ
– ວັນທີ 17 ເມສາ 2021: ໄປກີນເຂົ້າຢູ່ຮ້ານອາຫານມັງກອນທອງ ບ້ານດົງຄຳຊ້າງ 4 ຄົນ ແລະ ໄປກີນນຳກັນໃນກຸ່ມມີຜູ້ຕິດເຊື້ອຄືກັນໄດ້ໄປນອນຫ້ອງດຽວກັນພາຍຫຼັງໄປທ່ຽວມາເພາະເປັນໄຂ້ ໝູ່ໄປກວດວັນທີ່ 24 ເມສາ 2021 ແລະ ຮູ້ວ່າຕິດເຊື້ອ
– ວັນທີ 21-22 ເມສາ 2021: ຜູ້ກ່ຽວກັບໄປບ້ານຢູ່ບ້ານທ່າກົກໄຮ, ເມືອງປາກງື່ມ (ມີຄອບຄົວຢູ່ບ້ານ 5 ຄົນ, ພໍ່ແມ່, ແມ່ຕູ້, ຫຼານ ແລະ ອ້າຍ )
– ວັນທີ 22-25 ເມສາ 2021: ບໍ່ໄດ້ໄປໃສນອນຢູ່ຫ້ອງ
– ວັນທີ 26 ເມສາ 2021: ຮູ້ວ່າໝູ່ທີ່ມານອນນຳກັນຢູ່ຫ້ອງໃນຄືນວັນທີ່ 17 ຕິດເຊື້ອຈີ່ງ ໄປເກັບຕົວຢ່າງຢູ່ໂຮງໝໍເສດຖາ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຢູ່ເຮືອນຄອບຄົວດຽວກັນມີ ຢູ່ບ້ານ 5 ຄົນ, ພໍ່ແມ່, ແມ່ຕູ້, ຫຼານ ແລະ ອ້າຍ ແລະ ໝູ່ນອນນຳກັນຜູ້ຍິງ 1 ຄົນ
 ກໍລະນີຢັ້ງຢືນທີ 521
– ເພດຊາຍ, ອາຍຸ 24 ປີ ບ້ານ ຄຳສະຫວາດ, ເມືອງໄຊເສດຖາ, ນະຄອນຫຼວງວຽງຈັນ
– ອາຊີບ: ພະນັກງານຮ້ານລ້າງອັດສີດ ຮ້ານ ຊ ໂຊກໄຊ ຂ້າງຕະຫຼາດໂນນຄໍ້
– ມີອາການເປັນໄຂ້, ໄອມີຂີ້ກະເທີ່ ເຈັບຫົວ ວັນທີ່ 25 ເມສາ
– ຢູ່ຮ້ານອັດສີດນຳກັນ 3 ຄົນ ແລະ ໝູ່ສາມຄົນເປັນໄຂ້ກ່ອນລາວຈະເປັນ
– ວັນທີ 15 ເມສາ 2021: ໄປທ່ຽວບ້ານໝູ່ຢູ່ບ້ານຮ່ອງສຸພາບ: ເມືອງໄຊເສດຖາ ກີນເຂົ້ານຳກັນຫຼາຍກ່ວາ 10 ຄົນ
– ວັນທີ 16 ເມສາ 2021: ໄປກີນເຂົ້າບ້ານໝູ່ ຢູ່ບ້ານໂພນເຄັ່ງ ປະມານ 6-7 ຄົນ
– ວັນທີ 17 -24 ເມສາ 2021: ເປີດຮ້ານອັດສີດປົກກະຕິ
– ວັນທີ 24 ເມສາ 2021: ໄດ້ປິດຮ້ານເພາະຢ້ານການລະບາດ ພະຍາດໂຄວິດ-19
– ວັນທີ 26 ເມສາ 2021: ໄປເກັບຕົວຢ່າງຢູ່ໂຮງໝໍເສດຖາ, ພະນັກງານຢູ່ຮ້ານໄປກວດນຳກັນ 2 ຄົນ ແລະ ຍັງ 1 ຄົນບໍ່ໄດ້ໄປກວດ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ໝູ່ນອນນຳກັນ 3 ຄົນໃນຮ້ານອັດສີດ ແລະ ໝູ່ທີ່ກີນເຂົ້ານຳກັນ ຢູ່ບ້ານໂພນເຄັ່ງ, ບ້ານຮ່ອງສຸພາບ
 ກໍລະນີຢັ້ງຢືນທີ 522
– ເພດຍີງ, ອາຍຸ 23 ປີ ບ້ານ ໂຊກຄຳ, ເມືອງໄຊເສດຖາ, ນະຄອນຫຼວງວຽງຈັນ
– ອາຊີບ: ພະນັກງານຢູ່ໂພນເຄັງ ກອງສີນລະປະກອນກອງທັບໂພນເຄັງ
– ປັດຈຸບັນບັນພັກຢູ່ຫ້ອງແຖວກັບໝູ່ 2 ຄົນ ຢູ່ບ້ານຮ່ອງໄກ່ແກ້ວ, ໝູ່ທີ່ຢູ່ນຳກັນຕິດເຊື້ອ
– ມີອາການເປັນໄຂ້, ເມື່ອຍຕົນໂຕ, ໄອມີຂີ້ກະເທີ່, ຈາມ ວັນທີ 25 ເມສາ
– ວັນທີ 14-17 ເມສາ 2021: ຫຼີ້ນຢູ່ບ້ານກັບໝູ່ ບ້ານໂຊກຄຳ , ເມືອງໄຊເສດຖາ, ນະຄອນຫຼວງວຽງຈັນ ໃນຄອບຄົວມີພໍ່ແມ່ ແລະ ອ້າຍນ້ອງ 4 ຄົນກັບຜູ້ກ່ຽວ
– ວັນທີ 19- 20 ເມສາ 2021: ໄປວຽກປົກກະຕິຢູ່ກອງສີນລະປະກອນກອງທັບໂພນເຄັງ ໃນຫ້ອງນອນຢູ່ກອງມີໝູ່ 4 ຄົນ
– ວັນທີ 27 ເມສາ 2021: ໄປຊື້ຂອງກີນຢູ່ຮ້ານ ບິກຊີແຖວທາດຫຼວງ
– ວັນທີ 21-26 ເມສາ 2021: ຜູ້ກ່ຽວບໍ່ໄດ້ໄປເຮັດວຽກ ຢູ່ໃນຫ້ອງບໍ່ໄດ້ອອກໄປໃສ, ໃຫ້ໝູ່ຊື້ໝີ່ກ່ອງມາໃຫ້ຢູ່ໜ້າຫ້ອງ
– ວັນທີ 26 ເມສາ 2021: ໄປເກັບຕົວຢ່າງ2 ຄັ້ງ , ຄັ້ງທີ່1 ແມ່ນວັນທີ່ 22 ເມສາ 2021 ຜົນກວດບໍ່ພົບເຊື້ອ ແຕ່ໄປກີນເຂົ້ານຳກັນໃນໝູ່ 9 ຄົນທີ່ໄປກວດຫາເຊື້ອນຳກັນ ແລະ ວັນທີ່ 25 ເມສາ 2021 ໄປເກັບຕົວຢ່າງອີກເພາະຜູ້ໄປເກັບນຳກັນຊຸດແລ້ວຕິດ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ໝູ່ນອນນຳກັນ 4 ຄົນໃນກອງລະຄອນ, ພໍ່ແມ່ອ້າຍນ້ອງ 3 ຄົນ ແລະ ໝູ່ທີ່ນອນນຳກັນຢູ່ຫ້ອງແຖວ
 ກໍລະນີຢັ້ງຢືນທີ 523
– ເພດຊາຍ , ອາຍຸ 32 ປີ ບ້ານ ດອນແດງ ເມືອງ ຈັນທະບູລີ, ນະຄອນຫຼວງວຽງຈັນ
– ອາຊີບ: ເຮັດບານປະຕູ ຮ້ານອາລູມີນຽມ ຢູ່ບ້ານດອນແດງ ເມືອງ ຈັນທະບູລີ, ນະຄອນຫຼວງວຽງຈັນ, ຮ້ານຂອງຜູ້ກ່ຽວມີພໍ່ແມ່ຄອບຄົວ ທັງໝົດ 11 ຄົນ ທີ່ຢູ່ໃນຮ້ານ
– ເປັນໝູ່ຢູ່ກັບກໍລະນີທີ່ 522
– ມີອາການ ໄອມີຂີ້ກະເທີ່ ວັນທີ່ 25 ເມສາ
– ວັນທີ 14-17 ເມສາ 2021: ຫຼີ້ນຢູ່ບ້ານກັບໝູ່ ບ້ານໂຊກຄຳ , ເມືອງໄຊເສດຖາ, ນະຄອນຫຼວງວຽງຈັນ ໃນ
– ວັນທີ 16 ເມສາ 2021: ໄປເຮັດວຽກປົກກະຕິຢູ່ຮ້ານ ບ້ານດອນແດງ
– ວັນທີ 21-26 ເມສາ 2021: ຜູ້ກ່ຽວບໍ່ໄດ້ໄປເຮັດວຽກ ຢູ່ໃນຫ້ອງບໍ່ໄດ້ອອກໄປໃສ, ໃຫ້ໝູ່ຊື້ໝີ່ກ່ອງມາໃຫ້ຢູ່ໜ້າຫ້ອງ
– ວັນທີ 26 ເມສາ 2021: ໄປເກັບຕົວຢ່າງ2 ຄັ້ງ , ຄັ້ງທີ່1 ແມ່ນວັນທີ່ 22 ເມສາ 2021 ຜົນກວດບໍ່ພົບເຊື້ອ ແຕ່ໄປກີນເຂົ້ານຳກັນໃນໝູ່ 9 ຄົນທີ່ໄປກວດຫາເຊື້ອນຳກັນ ແລະ ວັນທີ່ 25 ເມສາ 2021 ໄປເກັບຕົວຢ່າງອີກເພາະຜູ້ໄປເກັບນຳກັນຊຸດແລ້ວຕິດ
– ວັນທີ 27 ເມສາ 2021: ໄປຊື້ຂອງກີນຢູ່ຮ້ານ ບິກຊີແຖວທາດຫຼວງ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຜູ້ສຳຜັດໃກ້ຊິດໃນເບື້ອງຕົ້ນ: ມີຄອບຄົວພໍ່ແມ່ 11 ຄົນ ແລະ ແຟນເປັນກໍລະນີທີ່ 522
 ກໍລະນີຢັ້ງຢືນທີ 524
– ເພດຊາຍ , ອາຍຸ 19 ປີ ບ້ານ ໂພນຕ້ອງຈອມມະນີ, ເມືອງຈັນທະບູລີ, ນະຄອນຫຼວງວຽງຈັນ
– ອາຊີບ: ນັກຮຽນ ໂຮງຮຽນແສງສະຫວັດ, ປັດຈຸບັນນອນຢູ່ສູນຫ້ວຍຫົງ
– ພັກຢູ່ບ້ານອາພາດເມັນຂອງຕົນເອງ ຊື່ ອາພາດເມັນ 3 Y ປະມານ 10 ກ່ວາຫ້ອງ ແລະ ບໍ່ໄດ້ໃກ້ຊິດກັບຫ້ອງອື່ນ ບໍ່ມີແມ່ບ້ານອະນາໄມ ຜູ້ກ່ຽວຢູ່ກັບໝູ່ 3 ຄົນ
– ມີອາການ ເປັນຫວັດ, ຕັນດັງ, ໄອແຫ້ງ ອອກຮ້ອນ-ໜາວ ວັດແທກອຸນຫະພູມບໍ່ຂື້ນ ວັນທີ່ 25 ເມສາ
– ວັນທີ 10-17 ເມສາ 2021: ປີໃໝ່ລາວໄປທ່ຽວຢູ່ບ້ານຢູ່ເມືອງແກ່ນທ້າວ, ແຂວງໄຊຍະບູລີ
– ວັນທີ 18 ເມສາ 2021: ກັບມານະຄອນຫຼວງວຽງຈັນ
– ວັນທີ 19 ຫຼື ວັນທີ່ 20 ເມສາ 2021: ໄປທ່ຽວຮ້ານຄາລາໂອເກະ 8118 ປະມານ 4-5 ຄົນກັບໝູ່
– ວັນທີ 20-26 ເມສາ 2021: ເລີ່ມກັກໂຕເພາະຮູ້ວ່າສ່ຽງ ແລະ ໄປຕະຫຼາດໂພນຕ້ອງຈອມມະນີໄປຊີ້ຂອງກີນ ໃສ່ຜ້າປິດປາກ-ດັງ
– ວັນທີ 26 ເມສາ 2021: ໄປເກັບຕົວຢ່າງຢູ່ ມສ ລາວ-ຫວຽດ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຜູ້ສຳຜັດໃກ້ຊິດໃນເບື້ອງຕົ້ນ: ມີໝູ່ທີ່ໄປຄາລາໂອເກະ 4-5 ຄົນ ແລະ ນອນນຳກັນ
 ກໍລະນີຢັ້ງຢືນທີ 525
– ເພດຊາຍ, ອາຍຸ 22ປີ ບ້ານ ສະພັງໝໍ້, ເມືອງ ໄຊເສດຖາ, ນະຄອນຫຼວງວຽງຈັນ
– ອາຊີບ ພະນັກງານ ບໍລິສັດ ລາວອາຊຽນ
– ມີອາການ ຄັນຄໍ ບໍ່ຮູ້ກິ່ນ
– ພົວພັນຜູ້ຕິດເຊື້ອ ກໍລະນີ 258
– 10 ເມສາ 2021: ກິນລ້ຽງຢູ່ຫ້ອງການ
– 11-13 ເມສາ 2021: ຢູ່ບ້ານບໍ່ໄດ້ໄປໃສ
– 14 ເມສາ 2021: ໄປກິນເບຍກັບຫມູ່ຢູ່ບ້ານອາກາດ ຈຳນວນຄົນນັບບໍ່ໄດ້ ຕັ້ງແຕ່ປາກຮ່ອມເຂົ້າໄປຫາບ້ານ
– ວັນທີ 15 ເມສາ 2021: ໄປກັບຫມູ່ຢູ່ຫ້ອງການ ບໍລິສັດລາວອາຊຽນ ຢູ່ບ້ານອາມອນ ມີປະມານ6ຄົນ
– ວັນທີ 16 ເມສາ 2021: ໄປກິນເບຍນຳອ້າຍຮັກຢູ່ທາດຫລວງ ຮ່ອມຫລັງວັດ
– ວັນທີ 19-24 ເມສາ 2021:ໄປການປົກະຕິ ໃສ່ຜ້າອັດປາກ24
– ວັນທີ 26 ເມສາ 2021: ໄປກວດເຊື້ອໂຄວິດ ຢູ່ເດີ່ນກິລາໃນຮົ່ມບຶງຂະຫຍອງ
– ວັນທີ 27-28 ເມສາ 2021: ກັກໂຕຢູ່ບ້ານ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຢູ່ເຮືອນຄອບຄົວດຽວກັນມີ 5 ຄົນ ມີ ພໍ່ແມ່, ອ້າຍ ນ້ອງສາວ (ແຍກອອກມາຢູ່ບ້ານອີກຫລັງຫນຶ່ງຄົນດຽວນັບແຕ່ວັນທີ 15 ເມສາ 2021 ເປັນຕົ້ນມາ)
 ກໍລະນີຢັ້ງຢືນທີ 526
– ເພດຍີງ, ອາຍຸ 7ປີ ບ້ານ ສ້າງເຫວີຍ, ເມືອງ ສີສັດຕະນາກ, ນະຄອນຫຼວງວຽງຈັນ
– ອາຊີບ ນັກຮຽນ ຢູ່ໂຮງຮຽນອະນຸບານ-ປະຖົມຂຸນນະວົງ ຢູ່ໂພນປາເປົ້າ
– ຜູ້ກ່ຽວບໍ່ມີອາການ
– ຕິດເຊື້ອຈາກແມ່ຜູ້ກ່ຽວ ບໍ່ຈື່ເລກທີກໍລະນີ (ເປັນຫມູ່ຂອງຫມູ່ເບີ 59)
– ວັນທີ 10-14 ເມສາ 2021: ຢູ່ເຮືອນບໍ່ໄດ້ໄປໃສ
– ວັນທີ 15 ເມສາ 2021: ກິນລ້ຽງນຳແມ່ຢູ່ເຮືອນຫມູ່ຢູ່ບ້ານສົບປາຫລວງ
– ວັນທີ 16 ເມສາ 2021: ຢູ່ເຮືອນບໍ່ໄດ້ໄປໃສ
– ວັນທີ 18 ເມສາ 2021: ຕອນແລງໄປຊື້ເຄັກຢູ່ຮ້ານແສງຕາວັນ ບ້ານສະພານທອງ
– ວັນທີ 19 ເມສາ 2021: ໄປໂຮງຮຽນປົກກະຕິ
– ວັນທີ 19-28 ເມສາ 2021: ໄປຫລີ້ນແລະນອນນຳລຸງຢູ່ດົງສະຫວາດ ເມືອງ ສີສັດຕະນາກ
– ວັນທີ 26 ເມສາ 2021: ໄປກວດເຊື້ອໂຄວິດ ຢູ່ເດີ່ນກິລາໃນຮົ່ມບຶງຂະຫຍອງ
– ວັນທີ 27-28 ເມສາ 2021: ຢູ່ເຮືອນນຳປ້າແລະລຸງຢູ່ດົງສະຫວາດ ເມືອງ ສີສັດຕະນາກ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຢູ່ເຮືອນຄອບຄົວດຽວກັນຢູ່ບ້ານສ້າງເຫວີຍມີ 4 ຄົນ ມີ ພໍ່ຕູ້ ແມ່ຕູ້, ແມ່ ແລະຜູ້ກ່ຽວ
– ຄອບຄົວປ້າລຸງຢູ່ດົງສະຫວາດ ມີ6ຄົນ
 ກໍລະນີຢັ້ງຢືນທີ 527
– ເພດຍີງ, ອາຍຸ 21ປີ ບ້ານ ດອນນົກຄຸ້ມ, ເມືອງ ໄຊເສດຖາ, ນະຄອນຫຼວງວຽງຈັນ
– ອາຊີບ ຄ້າຂາຍອອນລາຍ
– ມີອາການ ໄຂ້ ໄອແຫ້ງ ຄັນດັງ ເຈັບຄໍ
– ພົວພັນຜູ້ຕິດເຊື້ອ (ບໍ່ຈື່ເລກກໍລະນີ)
– 10 ເມສາ 2021: ໄປຫລີ້ນວອັດຄັບນຳໝູ່4ຄົນ
– 11-13 ເມສາ 2021: ພັກຜ່ອນຢູ່ບ້ານດອນນົກຄຸ້ມ
– 14 ເມສາ 2021: ໄປວັນເກີດຫມູ່ຂອງໝູ່ຢູ່ເມືອງໝື່ນ ແຂວງວຽງຈັນ ມີຢູ່ປະມານ8ຄົນ ແລະໄປຫລີ້ນນຳຫມູ່ ບ້ານ ໂນນໄຮ ເມືອງໝື່ນ ແຂວງວຽງຈັນ ມີປະມານ 10ຄົນ
– ວັນທີ 15 ເມສາ 2021: ໄປຫລີ້ນຢູ່ບ້ານຫມູ່ຜູ້ຕິດເຊື້ອ (ບໍ່ຈື່ກໍລະນີທີ່ເທົ່າໃດ) ຢູ່ບ້ານເມືອງໝື່ນ ແຂວວຽງຈັນ
– ວັນທີ 16 ເມສາ 2021: ສູ່ຂວັນຢູ່ບ້ານຕົນເອງ ເມືອງໝື່ນ ແຂວງວຽງຈັນ ຈຳນວນຫລາຍຄົນບໍ່ຈື່ຈຳນວນ
– ວັນທີ 17 ເມສາ 2021 ກັບບ້ານໂດຍຂີ່ລົດຕູ້ໂດຍສານສາຍເຫນືອ ບໍ່ຈື່ທະບຽນລົດ ບໍ່ຈື່ຈຳນວນຄົນ
– ວັນທີ 18 ເມສາ 2021 ໄປສະຜົມຢູ່ຮ້ານເສີມສວຍຢູ່ແຖວຕະຫລາດດົງຄຳຊ້າງ
– ວັນທີ 19 ເມສາ 2021: ໄປສີດປາກຄີນິກເສີມຄວາມງາມ ຢູ່ແຖວໂພນຕ້ອງ ບໍ່ຈື່ຊື່ຄີນິກ ໃຊ້ເວລາປະມານ30ນາທີ
– ວັນທີ 20 ເມສາ 2021 ນອນຜັກຜ່ອນຢູ່ເຮືອນຢູ່ບ້ານດອນນົກຄຸ້ມ
– ວັນທີ 21 ເມສາ 2021 ໄປສີດຜິວຢູ່ຄີນິກ ໂພນຕ້ອງ ປະມານ10ນາທີ
– ວັນທີ 23 ເມສາ 2021 ໄປລໍຖ້າກວດ ແຕ່ຄົນເຕັມເລີຍກັບມາ
– ວັນທີ 24-25 ເມສາ 2021 ພັກຜ່ອນຢູ່ບ້ານ
– ວັນທີ 26 ເມສາ 2021: ເອື້ອຍຮັກມາຮັບໄປກວດກວດເຊື້ອໂຄວິດ ຢູ່ເດີ່ນກິລາໃນຮົ່ມບຶງຂະຫຍອງ ແລະ ໄດ້ແວ່ຮ້ານຄ້າໂຊກໄຊດອນນົກຄຸ້ມ 10ນາທີ ແລ້ວກັບບ້ານເລີຍ
– ຜົນກວດຕົວຢ່າງຜູ້ກ່ຽວພົບເຊື້ອໂຄວິດ-19
– ຜູ້ສຳຜັດໃກ້ຊິດໃນເບື້ອງຕົ້ນ: ເຊົ່າຢູ່ຫ້ອງແຖວນຳຫມູ່ 3ຄົນ
– ຢູ່ເຮືອນຄອບຄົວດຽວກັນມີ 3 ຄົນ ມີ ພໍ່ແມ່ ແລະ ຜູ້ກ່ຽວ (ບ້ານເມືອງໝື່ນ ແຂວງວຽງຈັນ)
ຂໍ້ແນະນຳ
• ມື້ນີ້ ສປປ ລາວເຮົາ ກວດພົບຜູ້ຕິດເຊື້ອໃໝ່ 93 ກໍລະນີ ພາຍໃນມື້ດຽວ ເຊີ່ີງຖືວ່າເປັນໂຕເລກຕິດເຊື້ອສູງຢ່າງຕໍ່ເນື່ອງໃນປະເທດເຮົາ;
• ບາງປະເທດໃກ້ຄຽງທີ່ມີຊາຍແດນຕິດກັບປະເທດເຮົາ ກໍ່ຍັງມີການລະບາດໃນຊູມຊົນ ແລະ ມີລາຍງານຜູ້ຕິດເຊື້ອໃໝ່ເພີ່ມຂື້ນແຕ່ລະວັນ
• ບັນຫາສຳຄັນ ພວກເຮົາໝົດທຸກຄົນ ຕ້ອງໄດ້ຮ່ວມແຮງຮ່ວມໃຈກັນ ປະຕິບັດມາດຕະການທີ່ຄະນະສະເພາະກິດວາງອອກ ຢ່າງເຂັ້ມງວດ ກໍ່ຄື ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ, ສະບັບເລກທີ 15/ນຍ, ລົງວັນທີ 21 ເມສາ 2021 ດັ່ງນັ້ນ ຂ້າພະເຈົ້າຂໍຮຽກຮ້ອງມາຍັງ ອຳນາດການປົກຄອງທຸກຂັ້ນໃຫ້ຕິດຕາມເອົາໃຈໃສ່ ກວດກາການຈັດຕັ້ງປະຕິບັດຂອງແຈ້ງການດັ່ງກ່າວໂດຍສະເພາະການເຄື່ອນໄຫວໄປມາຂອງປະຊາຊົນທີ່ຫ້າມອອກຈາກເຮືອນ ແລະ ຫ້າມການເດີນທາງຖ້າບໍ່ມີຄວາມຈຳເປັນ, ໃຫ້ຕິດຕາມກວດກາຜູ້ທີ່ກັບມາຈາກປະເທດທີ່ມີການລະບາດຂອງພະຍາດ COVID-19, ຖ້າມີການພົບເຫັນການເຂົ້າມາ ແບບຜິດກົດໝາຍ ກໍໃຫ້ຮີບຮ້ອນແຈ້ງຄະນະສະເພາະກິດຂອງຕົນ ເພື່ອນຳເອົາຜູ້ກ່ຽວໄປກວດຫາເຊື້ອພະຍາດ ແລະ ຈຳກັດບໍລິເວນ ຕາມລະບຽບການ,
• ບັນຫາສຳຄັນອີກອັນໜື່ງກໍ່ຄື ຜູ້ທີ່ໄດ້ສຳຜັດກັບກໍລະນີຕິດເຊື້ອ ຫຼື ເດີນທາງໄປສະຖານທີ່ສ່ຽງແມ່ນ ຕ້ອງແຍກໂຕເອງອອກຈາກຄົນໃກ້ຊິດ ແລະ ຄົນ ໃນຄອບຄົວ ແລະ ຈຳກັດບໍລິເວນ ຢູ່ສະຖານທີ່ພັກເຊົາຂອງຕົນເອງເທົ່ານັ້ນ( ເຮືອນ, ໂຮງແຮມ, ຫໍພັກ, ສະຖານທີ່ທີ່ຈັດກຽມໄວ້ ) ເປັນເວລາ 14 ວັນ ໂດຍໃຫ້ຕິດຕາມວັດແທກອຸນຫະພູມຮ່າງກາຍທຸກມື້ (ເຊົ້າ-ແລງ) ແລະ ໃຫ້ໄປກວດຫາເຊື້ອພະຍາດ COVID-19 ຕາມຈຸດບໍລິການກວດທີ່ທີ່ທາງຄະນະສະເພາະກິດກຳນົດໄວ້ ໂດຍໃຫ້ໃສ່ຜ້າປິດປາກ-ດັງ, ຮັກສາມາລະ ຍາດ ໃນເວລາໄອ-ຈາມໃຫ້ອັດປາກ ແລະ ດັງດ້ວຍກົກແຂນ ຫຼື ໃຊ້ເຈ້ຍອະນາໄມ ແລະ ຖີ້ມເຈ້ຍອະນາໄມໃສ່ຖັງຂີ້ເຫຍື້ອທັນທີ ແລະ ພາຍຫຼັງກວດ ແລ້ວໃຫ້ກັບທີ່ພັກຂອງຕົນເອງທັນທີໂດຍປະຕິບັດຮັກສາໄລຍະຫ່າງກັບບຸກຄົນອື່ນ;
• ໃນລະຫ່ວາງລໍຖ້າຜົນກວດ ແມ່ນໃຫ້ມີສະຕິອຸ່ນອຽນທຸ່ນທ່ຽງ, ໃຫ້ຢູ່ແຕ່ສະຖານທີ່ພັກເຊົາຂອງຕົນເອງເທົ່ານັ້ນ ຫ້າມເດັດຂາດບໍ່ໃຫ້ເດີນທາງອອກໄປຂ້າງນອກ, ບໍ່ໃຫ້ໃກ້ຊິດກັບຄົນອື່ນ, ສຳລັບຜູ້ສົ່ງອາຫານ, ນ້ຳດື່ມແມ່ນໃຫ້ສົ່ງຢູ່ໜ້າຫ້ອງ ແລະ ອອກໄປທັນທີພາຍຫຼັງສົ່ງອາຫານ;
• ຖ້າຜົນກວດຂອງທ່ານພົບເຊື້ອ (+) ແມ່ນຈະມີພະນັກງານແພດໂທແຈ້ງຜົນກວດທ່ານພາຍໃນ 2-3 ວັນພາຍຫຼັງເກັບຕົວຢ່າງ ແລະ ຈະມີລົດແພດໄປຮັບທ່ານຢູ່ສະຖານທີ່ພັກເພື່ອໄປປີ່ນປົວຢູ່ຕາມໂຮງໝໍທີ່ໄດ້ກຳນົດໄວ້;
• ຖ້າບໍ່ມີພະນັກງານໂທແຈ້ງຜົນກວດກໍ່ໃຫ້ທ່ານສືບຕໍ່ຈຳກັດບໍລິເວນຕົນເອງຢູ່ສະຖານທີ່ພັກເຊົາ ແລະ ຮັກສາໄລຍະຫ່າງຈາກບຸກຄົນອື່ນຈົນກ່ວາຈະຄົບ 14 ວັນ ເພາະໄລຍະບົ່ມເຊື້ອພະຍາດອາດຈະສະແດງອາການ ຫຼື ບໍ່ສະແດງອາການໃນໄລຍະຈຳກັດບໍລິເວນ 14 ວັນ ຂໍໃຫ້ທ່ານ ຈົ່ງເອົາໃຈໃສ່ປະຕິບັດມາດຕະການປ້ອງກັນການຕິດເຊື້ອ ທີ່ຄະນະສະເພາະກິດວາງອອກ ຢ່າງຖືກຕ້ອງ ແລະ ເຂັ້ມງວດ ເພື່ອປ້ອງກັນຕົວທ່ານ, ຄອບຄົວ ແລະ ສັງຄົມຈາກພະຍາດໂຄວິດ-19, ພາຍຫຼັງຄົບກຳນົດການຈຳກັດບໍລິເວນ ຖ້າບໍ່ມີອາການຜິດປົກກະຕິຫຍັງ ຈຶ່ງ ສາມາດອອກໄປເຄື່ອນໄຫວດຳເນີນຊິວິດປະຈຳວັນຕາມປົກກະຕິ;
• ນອກຈາກນີ້ຄືດັ່ງທີ່ ດຣ. ພອນປະດີດ ສັງໄຊຍະລາດ ໄດ້ສະເໜີບັນດາລາຍຊື່ຜູ້ທີ່ບໍ່ສາມາດຕິດຕໍ່ໄດ້ໃນມື້ວານນັ້ນ, ຂ້າພະເຈົ້າຮຽກຮ້ອງມາຍັງບັນດາທ່ານທີ່ມີລາຍຊື່ຂ້າງເທີງທີ່ໄດ້ໄປເກັບຕົວຢ່າງກວດວິເຄາະຫາເຊື້ອພະຍາດ COVID-19 ໃນນະຄອນຫຼວງວຽງຈັນທີ່ໃຫ້ຂໍ້ມູນບໍ່ລະອຽດ ແມ່ນໃຫ້ຮີບຮ້ອນໂທປະສານຫາ ທ່ານ ດຣ. ນາງ ວຽງສາຄອນ ຫຼວງປະດິດ ເບີໂທ 020 94095533 ແລະ ເບີ 020 55663579 ແລະ ຖ້າທ່ານໃດຈົ່ງໃຈບໍ່ສະແດງຕົວຕົນ ຫຼື ຕັ້ງໃຈລົບຫຼີກຈະຖືກປະຕິບັດວີໄນຕາມກົດໝາຍບ້ານເມືອງ
• ແລະ ສຳລັບຜູ້ປະກອບການຄ້າຂາຍຕາມທ້ອງຕະຫຼາດ, ຮ້ານຄ້າ, ຊຸບເປີມາເກັດ ແລະ ຮ້ານອາຫານຕ່າງໆ ໃຫ້ເອົາໃຈໃສ່ປະຕິບັດມາດຕະການປ້ອງກັນການຕິດເຊື້ອຢ່າງເຄັ່ງຄັດ ກໍ່ດ້ວຍການປະຕິບັດຮັກສາໄລຍະຫ່າງ, ໃສ່ຜ້າປິດປາກ-ດັງ ຕະຫຼອດເວລາທີ່ຢູ່ໃນຕະຫຼາດ, ຮັກສາມາລະ ຍາດ ໃນເວລາໄອ-ຈາມ, ໝັ່ນລ້າງມືໃສ່ສະບູ ຫຼື ເຈວລ້າງມືທີ່ມີທາດເຫຼົ້າ 70 ອົງສາຂື້ນໄປ
• ໃຫ້ພໍ່ແມ່ປະຊາຊົນ ທຸກພາກສ່ວນໃນສັງຄົມຈົ່ງພ້ອມກັນໄປຮັບການສັກຢາວັກຊີນຕາມສະຖານທີ່ບໍລິການສາທາລະນະສຸກໃກ້ບ້ານທ່ານ
• ເພື່ອໃຫ້ທ່ານສາມາດຮັບຂໍ້ມູນຂ່າວສານທີ່ຖືກຕ້ອງ ແລະ ເປັນທາງການຂໍໃຫ້ທ່ານຕິດ
ຕາມຂໍ້ມູນຂ່າວສານ ທີ່ເປັນທາງການໄດ້:
o ຈາກເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 covid19.gov.la
o ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະ
ນະສຸກ
o ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກcdc.gov.la
o ແລະ ສາມາດໂທສອບຖາມ ສາຍດ່ວນ 166 ຫຼື 165 ແລະ ເບີສາຍດ່ວນແຂວງ (ກົດລະຫັດແຂວງ ຕາມດ້ວຍ 166 ຫຼື 165).
Loading...