ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ວັນທີ 30 ພຶດສະພາ 2020 ມີຈໍານວນຜູ້ເດີນທາງເຂົ້າມາລາວ ທັງໝົດ 2,181 ຄົນ

ໂອກາດຖະແຫຼງຂ່າວຕໍ່ສື່ມ່ວນຊົນລາວ ໃນຕອນບ່າຍວັນທີ 31 ພຶດສະພາ 2020 ນີ້ ຮສ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ, ຜູ້ປະຈໍາການ ຄະນະສະເພາະກິດ ໃຫ້ຮູ້ວ່າ:

ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 30 ພຶດສະພາ 2020 ມີຈໍານວນຜູ້ເດີນທາງເຂົ້າມາລາວ ທັງໝົດ 2,181 ຄົນ, ໃນນັ້ນ ຈຸດຜ່ານດ່ານລາວໄທມີ 1,344 ຄົນ, ເປັນແຮງງານລາວກັບມາຈາກປະເທດໄທ 57 ຄົນ ເຊິ່ງຜ່ານດ່ານຂົວມິດຕະພາບລາວ-ໄທ ແຫ່ງທີ II ມີ 40 ຄົນ, ຜ່ານດ່ານສາກົນວັງເຕົົ່າ-ຊ່ອງເມັກ ແຂວງຈຳປາສັກ ຈໍານວນ 17 ຄົນ, ນັກສຶກສາລາວ ມີ 06 ຄົນ, ຄົນເຈັບກັບມາແຕ່ປິ່ນປົວ 03 ຄົນ ຜ່ານຂົວມິດຕະພາບລາວ-ໄທ ແຫ່ງທີ I, ເຫຼືອນັ້ນແມ່ນຄົນຂັບລົດຂົນສົົ່ງສິນຄ້າ 1,278 ຄົນ.  ຈຸດຜ່ານດ່ານລາວຈີນ 22 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ. ຈຸດຜ່ານດ່ານລາວຫວຽດນາມ 646 ຄົນ, ໃນນັ້ນ ມີນັກສຶກສາລາວກັບມາແຕ່ ສສ ຫວຽດນາມ 05 ຄົນ ເຊິ່ງຜ່ານດ່ານສາກົນນໍ້າພ້າວ, ແຂວງບໍລິຄໍາໄຊ,  ເຫຼືອນັ້ນແມ່ນຄົນຂັບລົດຂົນສົ່ງສິນຄ້າ 641 ຄົນ. ຈຸດຜ່ານດ່ານລາວກຳປູເຈຍ 01 ຄົນ ເຊິ່ງແມ່ນຄົນລາວ ຜ່ານດ່ານໜອງນົກຂຽນ. ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 168 ຄົນ, ທັງໝົດແມ່ນແຮງງານຈີນ ມາສ້າງທາງລົດໄຟ 94 ຄົນ ແລະ ສ້າງທາງດ່ວນ 74 ຄົນ.

ທຸກຄົນໄດ້ແທກອຸນຫະພູມຮ່າງກາຍ ແລະ ກວດຫາອາການຜິດປົກກະຕິ, ບໍ່ພົບຜູ້ມີອາການເປັນໄຂ້, ທັງໝົດໄດ້ເກັບຕົວຢ່າງມາກວດແລ້ວນຳສົ່ງໄປຈຳກັດບໍລິເວນຢູ່ສະຖານທີ່ ທີ່ກຳນົດໄວ້ຈົນກ່ວາຈະຄົບກຳນົດ 14 ວັນ.

ສໍາລັບ ໃນວັນທີ 30 ພຶດສະພາ 2020, ໄດ້ເກັບຕົວຢ່າງມາກວດວິເຄາະທັງໝົດ 496 ຄົນ, ໃນນັ້ນມີແຮງງານລາວທີ່ກັບມາແຕ່ໄທ 280 ຄົນ, ແຮງງານຈີນທີ່ເຂົ້າມາລາວ 168 ຄົນ, ກໍລະນີສົງໃສ 47 ຄົນ, ຄົນເຈັບຕິດເຊື້ອປີ່ນປົວຫາຍດີຈໍາກັດບໍລິເວນຢູ່ບ້ານຄົບ 14 ວັນແລ້ວມາກວດຄືນ 01 ຄົນ. ຜົນກວດ ແຮງງານລາວ, ແຮງງານຈີນ, ກໍລະນີສົງໃສທັງໝົດ ທີ່ກວດມື້ວານນີ້ ບໍ່ພົບເຊື້ອ. ໝາຍຄວາມວ່າໃນວັນທີ 30 ພຶດສະພາ 2020 ບໍ່ມີຜູ້ຕິດເຊື້ອ    ໃໝ່.  ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 30 ພຶດສະພາ 2020 ໄດ້ເກັບຕົວຢ່າງມາກວດທັງ ໝົດ ມີ 6,928 ຕົວຢ່າງ, ກວດພົບເຊື້ອສະສົມ 19 ຄົນ (49 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).