ວັນທີ 5 ພຶດສະພາ 2021, ດຣ. ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກ, ຕາງໜ້າກອງເລຂາ ຄະນະສະ ເພາະ ກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ໄດ້ຖະແຫຼງຂ່າວກ່ຽວກັບການແຜ່ລະບາດຂອງພະຍາດໂຄວິດ-19ຢູ່ສປປລາວວ່າ:
I. ຢູ່ ສປປ ລາວ ມາຮອດປະຈຸບັນ ມີ ລາຍງານຜູ້ຕິດເຊື້ອທັງໝົດ 1,072 ຄົນ (ໃໝ່ 46)
ບໍ່ມີຜູ້ເສຍຊີວີດ, ໃນຈຳນວນຜູ້ຕິດເຊື້ອທັງໝົດ ແມ່ນໄດ້ຮັບການ ປິ່ນປົວຫາຍດີ 99 ຄົນ, ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ ໃນຕ່ລະແຂວງ ຈຳນວນ 973 ຄົນ ເຊັ່ນ:
– ນະຄອນຫຼວງວຽງຈັນ 586 ຄົນ (ໃໝ່ 19), ມື້ວານອອກໂຮງໝໍ 39 ຄົນ (ມິດຕະພາບ 19 ຄົນ ແລະ ໂຮງໝໍ 103 ອອກ 20 ຄົນ ເພື່ອສືບຕໍ່ຈຳກັດບໍລິເວນຢູ່ບ້ານ 14 ວັນ)
– ແຂວງຈຳປາສັກ 157 ຄົນ (ໃໝ່ 6), ສຳລັບຄົນເຈັບແຂວງເຊກອງ ແມ່ນນອນ
ປິ່ນປົວຢູ່ແຂວງຈຳປາສັກ
– ແຂວງບໍ່ແກ້ວ 133 ຄົນ (ໃໝ່ 15)
– ແຂວງສະຫວັນນະເຂດ 38 ຄົນ (ໃໝ່ 6)
– ແຂວງຫຼວງພະບາງ 13 ຄົນ
– ແຂວງວຽງຈັນ 14 ຄົນ
– ແຂວງສາລະວັນ 7 ຄົນ
– ແຂວງຫຼວງນ້ຳທາ 6 ຄົນ
– ແຂວງອຸດົມໄຊ 8 ຄົນ
– ແຂວງຜົ້ງສາລີ 3 ຄົນ
– ແຂວງໄຊຍະບູລີ 3 ຄົນ
– ແຂວງບໍລິຄຳໄຊ 3 ຄົນ
– ແຂວງຄຳມ່ວນ 1 ຄົນ
– ແຂວງຊຽງຂວາງ 1 ຄົນ
ຄົນເຈັບທຸກຄົນ ແມ່ນມີສຸຂະພາບຮ່າງກາຍ ແລະ ສຸຂະພາບຈິດ ສົມບຸນ ປົກກະຕິ ແລະ ທຸກຄົນແຂງແຮງດີ.
1. ວຽກງານວີເຄາະ ກວດຊອກຫາເຊື້ອພະຍາດ ໂຄວີດ 19
• ໃນວັນທີ 04 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງ ໝົດ 1,072 ຕົວຢ່າງ ຜົນກວດວິເຄາະ ແມ່ນພົບຜູ້ຕິດເຊື້ອໃໝ່ 46 ຄົນ, ໃນນັ້ນມີ ນະຄອນຫຼວງ 19 ຄົນ, ຈໍາປາສັກ 06 ຄົນ, ບໍ່ແກ້ວ 15 ຄົນ ແລະ ສະຫວັນນະເຂດ 06 ຄົນ.
2. ການຕິດຕາມ ຜູ້ເດີນທາງເຂົ້າມາ ສປປ ລາວ
ວັນທີ 4 ພຶດສະພາ 2021 ທົ່ວປະເທດມີຜູ້ເດີນທາງເຂົ້າມາ ທັງໝົດ 1,823 ຄົນ:
– ຈຸດຜ່ານດ່ານ ລາວ – ໄທ ທັງໝົດ 1,103 ຄົນ;
– ຈຸດຜ່ານດ່ານ ລາວ-ຈີນ ທັງໝົດ 16 ຄົນ;
– ຈຸດຜ່ານດ່ານ ລາວ-ຫວຽດນາມ ທັງໝົດ 702 ຄົນ;
– ຈຸດຜ່ານດ່ານ ລາວ-ກຳປູເຈຍ ທັງໝົດ 2 ຄົນ;
• ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນ
o ໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້
o ໄດ້ເກັບຕົວຢ່າງທຸກໆຄົນມາກວດຫາເຊື້ອ COVID-19;
o ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້
3. ວຽກງານການຈຳກັດບໍລິເວນ ຢູ່ສູນຈຳກັດບໍລິເວນ
ປະຈຸບັນ ທົ່ວປະເທດ ມີສູນຈໍາກັດບໍລິເວນທີ່ເປີດນຳໃຊ້ຢູ່ ທັງໝົດ 56 ສູນ, ມີຜູ້ຈຳກັດບໍລິເວນທັງໝົດ 3,685 ຄົນ, ທຸກຄົນແມ່ນໄດ້ເກັບຕົວຢ່າງມາກວດວິເຄາະຫາເຊື້ອພະຍາດ COVID-19.
 ລາຍລະອຽດ ຂອງຜູ້ຕິດເຊື້ອໃໝ່ 46 ຄົນ (ກໍລະນີຢັ້ງຢືນທີ 1,027-1,072)
– ສຳລັບຄົນເຈັບກໍລະນີໃໝ່ 19 ຄົນ ທີ່ພົບຢູ່ນະຄອນຫຼວງວຽງຈັນ ກໍ່ລ້ວນແລ້ວແຕ່ ເປັນຜູ້ສຳຜັດໃກ້ຊິດ ກັບຜູ້ຕິດເຊື້ອ ທີ່ກ່ຽວພັນກັບກໍລະນີທີ 59 ເຊັ່ນກັນ.
– ສ່ວນກໍໍລະນີຕິດເຊື້ອໃໝ່ ຢູ່ແຂວງຈຳປາສັກ, ບໍ່ແກ້ວ ແລະ ສະຫວັນນະເຂດ ນັ້ນ ລ້ວນແລ້ວແຕ່ມີປະຫວັດສຳຜັດກັບກໍລະນີຕິດເຊື້ອເກົ່າ ຢູ່ໃນແຂວງຂອງເຂົ້າເຈົ້າ ຄືກັນ.
– ພາຍຫຼັງ ພວກເຮົາກວດພົບຜູ້ຕິດເຊື້ອໃໝ່, ພວກເຮົາໄດ້ລົງສອບສວນ, ສອບຖາມປະຫວັດ, ຕິດຕາມຜູ້ສຳຜັດໃກ້ຊິດ ແລະ ປະຫວັດການເຄື່ອນໄຫວຂອງພວກກ່ຽວ, ພາຍຫຼັງໄດ້ຂໍ້ມູນລະອຽດ ຈະແຈ້ງທາມລາຍໃຫ້ບັນດາທ່ານຮັບຊາບຕື່ມ.
ຂໍ້ແນະນຳ
• ຕໍ່ກັບສະພາບການລະບາດຂອງພະຍາດພາຍໃນປະເທດ ຄະນະສະເພາະກິດຂັ້ນສູນກາງ ແລະ ທ້ອງຖິ່ນໄດ້ມີການວາງມາດຕະການ ສະກັດກັ້ນ ແລະ ຄວບຄຸມການລະບາດຂອງພະຍາດອອກມາເປັນແຕ່ລະໄລຍະ, ພ້ອມດຽວກັນ ອຳນາດການປົກຄອງທຸກຂັ້ນ ກໍໄດ້ເອົາໃຈໃສ່ໃນການຕິດຕາມການ ຈັດຕັ້ງປະຕິບັດ ມາດຕະການຂອງຄະນະສະເພາະກີດຢ່າງເຂັ້ມງວດ ໂດຍສະເພາະແມ່ນເອົາໃຈໃສ່ ແລະ ຕິດຕາມ ກວດກາຜູ້ທີ່ເດີີນທາງເຂົ້າມາ ສປປ ລາວ ແລະ ການເດີນທາງລະຫວ່າງແຂວງຕໍ່ແຂວງ;
• ຂໍຮຽກຮ້ອງມາຍັງ ພໍ່ແມ່, ປະຊາຊົນ ແລະ ທຸກພາກສ່ວນໃນສັງຄົມ ຈົ່ງໄດ້ເອົາໃຈໃສ່ ໃນການປະຕິບັດມາດຕະການປ້ອງກັນການຕິດເຊື້ອ ໂດຍສະເພາະ ເມື່ອທ່ານອອກໄປເຄື່ອນໄຫວກິດຈະກຳນອກບ້ານ ຂໍຮ້ອງໃຫ້ໃສ່ຜ້າປິດ-ດັງ (ເມື່ອທ່ານໃຊ້ແລ້ວ ຄວນຖິ້ມໃສ່ຖັງຂີ້ເຫຍື້ອທີ່ມີຝາປິດ), ຮັກສາໄລຍະຫ່າງ ແລະ ມາລະຍາດໃນການໄອ-ຈາມ…….ເພື່ອປ້ອງກັນຕົນເອງ ແລະ ຄອບຄົວຂອງທ່ານ ໃຫ້ປອດໄພຈາກພະຍາດໂຄວິດ-19;
• ສຳລັບ ສະຖານທີ່ກວດຊອກຫາເຊື້ອ ຢູ່ນະຄອນຫຼວງວຽງຈັນ ແມ່ນມີ:
o ນອກຈາກໂຮງໝໍທີ່ບໍລິການເກັບຕົວຢ່າງແລ້ວ ຍັງມີອີກ 03 ຈຸດ:
– ມສ ສີໂຄດ
– ມສ ລາວຫວຽດ
– ສະໜາມ ກິລາເຈົ້າອານຸວົງ
– ແລະ ນອກນັ້ນ ຍັງມີທີມເກັບຕົວຢ່າງເຄື່ອນທີ່
• ສຳລັບ ສະຖານທີ່ຈຸດບໍລິການໃຫ້ວັກຊິນ ນອກຈາກໂຮງໝໍເມືອງແລ້ວ ຍັງມີຢູ່:
– ມວສ ດົງໂພສີ
– ວຽງຈັນເຊັນເຕີ
– ສູນກາງຄ້າຊັງຈຽງ
– ສູນການຄ້າລາວ-ໄອເຕັກ
• ອີກສິ່ງໜຶ່ງທີ່ສຳຄັນ ແລະ ທຸກຄົນໃນສັງຄົມ ຕ້ອງເອົາໃຈໃສ່ ແລະ ເປັນເຈົ້າການນຳກັນ ກໍ່ຄື ຜູ້ທີ່ໄດ້ສຳຜັດກັບກໍລະນີຕິດເຊື້ອ ຫຼື ເດີນທາງໄປສະຖານທີ່ສ່ຽງ ແມ່ນຕ້ອງແຍກໂຕເອງອອກຈາກຄົນໃກ້ຊິດໃນຄອບຄົວ ພ້ອມທັງໃຫ້ໄປກວດຫາເຊື້ອໂດຍໄວ ຕາມຈຸດກວດທີ່ໄດ້ກ່າວມາຂ້າງເທິງນັ້ນ. ພາຍຫຼັງກວດແລ້ວໃຫ້ຮີບຮ້ອນກັບທີ່ພັກຂອງຕົນເອງທັນທີ ແລະ ສືບຕໍ່ປະຕິບັດຮັກສາໄລຍະຫ່າງກັບບຸກຄົນອື່ນໆ ເປັນເວລາ 14 ວັນ. ຖ້າຜົນກວດໃຫ້ຜົນບວກ ແພດຈະແຈ້ງ ແລະ ຕິດຕໍ່ຫາທ່ານທັນທີ, ຖ້າຜົນລົບ ແພດບໍ່ແຈ້ງ ແຕ່ຕ້ອງສືບຕໍ່ກັກຕົວເອງໃຫ້ຄົບ 14 ວັນ
• ທ້າຍສຸດນີ້ ຂໍແຈ້ງໃຫ້ທ່ານຊາບວ່າ ທ່ານສາມາດຮັບຂໍ້ມູນຂ່າວສານທີ່ຖືກຕ້ອງ ແລະ ເປັນທາງການຂໍໃຫ້ທ່ານຕິດຕາມຂໍ້ມູນຂ່າວສານ ທີ່ເປັນທາງການໄດ້:
– ຈາກເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ພະຍາດໂຄວິດ-19 covid19.gov.la
– ເຟດບຸກຂອງສູນຂ່າວສານການແພດ ແລະ ສຸຂະສຶກສາ, ກະຊວງສາທາລະນະສຸກ
– ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກ cdc.gov.la
– ແລະ ສາມາດໂທສອບຖາມ ສາຍດ່ວນ 165 ຫຼື 166 ສຳລັບສູນກາງ ແລະ ສາຍດ່ວນຂອງບັນດາແຂວງ ແມ່ນຕາມດ້ວຍລະຫັດຂອງແຕ່ລະແຂວງ 165 ຫຼື 166.
• ອີກເທື່ອໜຶ່ງ ຂ້າພະເຈົ້າຂໍຕາງໜ້າໃຫ້ແກ່ ກອງເລຂາຄະນະສະເພາະກິດ ຂໍສະແດງຄວາມຂອບໃຈເປັນຢ່າງສູງ ມາຍັງພໍ່ແມ່, ພີ່ນ້ອງ, ປະຊາຊົນ ແລະ ທຸກພາກສ່ວນໃນສັງຄົມ ທີ່ໄດ້ໃຫ້ການສະໜັບສະໜູນ, ອຸປະຖຳ ເຄື່ອງບໍລິໂພກ ແລະ ອຸປະໂພກ ລວມທັງ ປັດໄຈ ເຂົ້າໃນການປ້ອງກັນ, ຄວບຄຸມພະຍາດັ່ງກ່າວ.
Loading...