ການຖະແຫຼງຂ່າວ ຂອງ ຄະນະສະເພາະກິດ, ໃນຕອນເຊົ້າມື້ນີ້ ວັນທີ 9 ສິງຫາ 2021 ກ່ຽວກັບ ສະພາບການລະບາດຂອງພະຍາດ COVID－19 ຢູ່ ສປປ ລາວ ປະຈຸບັນເຫັນວ່າ ປະເທດເຮົາມີລາຍງານ ການຕິດເຊື້ອສູງ ໃນແຮງງານ ແລະ ບຸກຄົນ ທີ່ເດີນທາງເຂົ້າປະເທດໃນແຕ່ລະວັນ, ມື້ວານນີ້ ວັນທີ 08 ສິງຫາ 2021 ມີລາຍງານຜູ້ຕິດເຊື້ອໃໝ່ ຈຳນວນ 170 ຄົນ ເຮັດໃຫ້ຕົວເລກຜູ້ຕິດເຊື້ອສະສົມໃນ ສປປລາວ ຮອດປະຈຸບັນ ແມ່ນ 8,562 ຄົນ, ມີຈຳນວນ ເສຍຊີວິດສະສົມ 8 ຍັງສືບຕໍ່ປິ່ນປົວ 4,092 ຄົນ.
ໃນມື້ວານນີ້ ທົ່ວປະເທດ ໄດ້ມີການເກັບຕົວຢ່າງມາກວດຊອກຫາເຊື້ອ COVID-19 ທັງໝົດ 2,731ຕົວຢ່າງ, ໃນນັ້ນ ກວດພົບຜູ້ຕິດເຊື້ອໃໝ່ 170 ຄົນ ເຊິ່ງ ກໍລະນີຕິດເຊື້ອໃໝ່ທັງໝົດ ແມ່ນມີລາຍລະອຽດດັ່ງນີ້
ການຕິດເຊື້ອພາຍໃນແຂວງ ຈຳນວນ 21 ຄົນ
– ນະຄອນຫຼວງ 2
– ແຂວງວຽງຈັນ 1 ຄົນ,
– ບໍ່ແກ້ວ 9 ຄົນ,
– ສະຫວັນນະເຂດ 6 ຄົນ
– ແລະ ຈຳປາສັກ 3 ຄົນ
• ການຕິດເຊື້ອໃນແຮງງານ ແລະ ຜູ້ທີ່ເດີນທາງເຂົ້າປະເທດ ຈຳນວນ 149 ຄົນຄື:
– ຈາກ ນະຄອນຫຼວງ 44 ຄົນ,
– ຄຳມ່ວນ 7 ຄົນ,
-ສາລະວັນ 25 ຄົນ,
-ສະຫວັນນະເຂດ 2 ຄົນ
-ແລະ ຈຳປາສັກ 71 ຄົນ.
ຂໍ້ມູນໂດຍຫຍໍ້ກ່ຽວກັບກໍລະນີຕິດເຊື້ອໃໝ່ 170 ຄົນ
• ສຳລັບ ນະຄອນຫຼວງ 02 ແຂວງວຽງຈັນ 1 ຄົນ, ບໍ່ແກ້ວ 9 ຄົນ, ສະຫວັນນະເຂດ 6 ຄົນ ແລະ ຈຳປາສັກ 3 ຄົນ ແມ່ນເປັນຜູ້ສຳຜັດໃກ້ຊິດກັບຜູ້ຕິດເຊື້ອໃນໄລຍະຜ່ານມາ
• ສ່ວນ ນະຄອນຫຼວງ 44 ຄົນ, ຄຳມ່ວນ 7 ຄົນ, ສາລະວັນ 25 ຄົນ, ສະຫວັນນະເຂດ
ຄົນ ແລະ ຈຳປາສັກ 71 ຄົນ ແມ່ນແຮງງານລາວ ທີ່ເດີນທາງກັບຄືນມາຈາກປະເທດໃກ້ຄຽງເຊິ່ງໄດ້ຮັບອະນຸຍາດຈາກຄະນະສະເພາະກິດ ເຂົ້າມາຖືກຕ້ອງຕາມລະບຽບຫຼັກການ, ໄດ້ເກັບຕົວຢ່າງ ແລະ ຈຳກັດບໍລິເວນຢູ່ສູນຈຳກັດບໍລິເວນຂອງແຂວງ, ເມື່ອຜົນກວດເປັນຜົນບວກພວກກ່ຽວໄດ້ຖືກນຳສົ່ງໄປປິ່ນປົວຢູ່ສະຖານທີ່ປິ່ນປົວ ທີ່ຖືກກຳນົດໄວ້.
• ສໍາລັບສະຖານທີ່ ການເກັບຕົວຢ່າງ ເພື່ອກວດຫາເຊື້ອ ໂຄວິດ-19
໐ ນະຄອນຫຼວງ ແມ່ນໂຮງໝໍສູນກາງ ແລະ ຈຸດກວດເພີ້ມ ຢູ່ ມສ ສີໂຄດ,
໐ ສ່ວນຂັ້ນແຂວງ ແມ່ນໂຮງໝໍແຂວງ ແລະ ຈຸດກວດເພີ້ມທີ່ຄະນະສະເພາະກິດກຳນົດພາຍໃນແຂວງ
º ນອກຈາກຈຸດກວດຄົງທີ່ ຖ້າຫາກມີການລະບາດໃນຊຸມຊົນ ທີມງານເຝົ້າລະວັງຈະມີການຄົ້ນຫາກໍລະນີຜູ້ຕິດເຊື້ອໂດຍການເຄື່ອນທີ່ໄປເກັບຕົວຢ່າງຢູ່ສະຖານທີ່ເຊິ່ງມີຜູ້ຕິດເຊື້ອໃໝ່
໐ ສ່ວນຂັ້ນແຂວງ ແມ່ນໂຮງໝໍແຂວງ ແລະ ຈຸດກວດເພີ້ມທີ່ຄະນະສະເພາະກິດກຳນົດພາຍໃນແຂວງ
– ນອກຈາກຈຸດກວດຄົງທີ່ ຖ້າຫາກມີການລະບາດໃນຊຸມຊົນ ທີມງານເຝົ້າລະວັງຈະມີການຄົ້ນຫາກໍລະນີຜູ້ຕິດເຊື້ອໂດຍການເຄື່ອນທີ່ໄປເກັບຕົວຢ່າງຢູ່ສະຖານທີ່ເຊິ່ງມີຜູ້ຕິດເຊື້ອໃໝ່ການເດີນທາງເຂົ້າມາ ສປປ ລາວ ຕາມຈຸດຜ່ານແດນ ວັນທີ 8 ສິງຫາ 2021 ມີຜູ້ເດີນທາງຜ່ານດ່ານເຂົ້າມາ ສປປລາວ ຈຳນວນ ທັງໝົດ 1,569 ຄົນ, ທຸກຄົນເດີນທາງເຂົ້າມາທັງໝົດແມ່ນໄດ້ຖືກເກັບຕົວຢ່າງກວດຊອກຫາເຊື້ອພະຍາດໂຄວິດ 19 ແລະ ນຳສົ່ງເຂົ້າໄປຈຳກັດບໍລິເວນຢູ່ສູນຈຳກັດບໍລິເວນ ຫຼືໂຮງແຮມຈຳກັດບໍລິເວນ ທີ່ຄະນະສະເພາະກິດກຳນົດໄວ້ ຈົນຄົບ 14 ວັນຈຶ່ງຈະໄປເຄື່ອນໄຫວໄດ້, ຮອດປະຈຸບັນທົ່ວປະເທດມີສູນຈຳກັດບໍລິເວນທີ່ ເປີດນຳໃຊ້ຢູ່ທັງໝົດ 101 ສູນ ແລະ 48 ໂຮງແຮມ, ມີຜູ້ຈຳກັດບໍລິເວນທັງໝົດ 15,025 ຄົນ.