ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ວັນພະຫັດ ວັນທີ 10 ມິຖຸນາ 2021 ສປປລາວ ກວດພົບຜູ້ຕິດເຊືອໂຄວິດເພີ່ມໃໝ່ 4 ກໍລະນີ

ວັນທີ 10 ມິຖຸນາ 2021, ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດ ຕິດຕໍ່, ກະຊວງສາທາລະນະສຸກ – ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19 ໄດ້ຖະແຫຼງຂ່າວ ສະພາບການລະບາດຂອງ ພະຍາດ COVID-19 ຢູ່ ສປປ ລາວ. ສຳລັບຢູ່ ສປປ ລາວ: ວັນທີ 9 ມິຖຸນາ 2021 ໄດ້ເກັບຕົວຢ່າງມາກວດວິເຄາະທັງໝົດ 1,410 ຕົວຢ່າງ, ກວດພົບຜູ້ຕິດເຊື້ອທັງໝົດ 04 ກໍລະນີ, ຈາກນະຄອນຫຼວງວຽງຈັນ 2 ກໍລະນີ ແລະ ແຂວງຈຳປາສັກ 2 ກໍລະນີ, ສຳລັບນະຄອນຫຼວງວຽງຈັນ ແມ່ນກໍລະນີຕິດເຊື້ອໃນຊຸມຊົນ ຕິດເຊື້ອຈາກການສຳຜັດໃກ້ຊິດກັບຜູ້ຕິດເຊືອເກົົ່າ ແລະ 2 ຄົນຈາກແຂວງຈຳປາສັກ ແມ່ນແຮງງານລາວທີ່ກັບມາຈາກປະເທດໄທໂດຍຖຶກຕ້ອງຕາມກົດໝາຍ.
• ຕິດຕິດເຊື້ອສະສົມທັງໝົດ 1,975 ກໍລະນີ (ໃໝ່ 4), ເສຍຊີວິດ 3 ກໍລະນີ (ໃໝ່ 0), ປິ່ນປົວດີ ສະສົມ 1,807 ກໍລະນີ, ກໍາລັງປິ່ນປົວ 165 ກໍລະນີ
• ສຳລັບຄົນເຈັບ ກໍລະນີມື້ວານ ທີ່ໄດ້ປະກາດຕາມຫາແມ່ນພົບຜູ້ກ່ຽວແລ້ວ ເນື່ອງຈາກຜູ້ກ່ຽວມີອາການບໍ່ສະບາຍຫຼາຍເລີຍຂາດການຕິດຕິດຕໍ່ໃນເບື້ອງຕົ້ນ, ຕອນນີ້ໄດ້ຮັບຄົນເຈັບເຂົ້າມາປີີ່ນປົວຢູ່ໂຮງໝໍເປັນທີ່ຮຽບຮ້ອຍ. ຄົນເຈັບ ແມ່ນເພດຊາຍ ອາຍຸ 57 ປີ ຢູ່ບ້ານໜອງສະໂນຄຳອາຊີບນັກແປພາສາຜູ້ສຳຜັດໃກ້ຊິດກັບຜູ້ກ່ຽວສອງຄົນກໍ່ໄດ້ກວດຫາເຊື້ອ (1 ຄົນແມ່ນໃຫ້ຜົນ ບວກ ແລະ ອີກ 1 ຄົນແມ່ນນຳໄປຈຳກັດບໍລິເວນເພື່ອຕິດຕາມອາການ).
• ສຳລັບກໍລະນີທີ 2 ຂອງຜູ້ຕິດເຊື້ອ ມື້ນີ້ແມ່ນຢູ່ຫ້ອງແຖວບ້ານຕານມີໄຊ ອາ ໃສຢູ່ນຳຜູ້ຕິດເຊື້ອເກົົ່າຜ່ານມາ.