ໃນວັນທີ 3 ມິຖຸນາ 2021, ດຣ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະ ຍາດຕິດຕໍ່, ກະຊວງສາທາລະນະສຸກ, ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ,
ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້ຖະແຫຼງຂ່າວກ່ຽວກັບ ສະພາບການລະບາດຂອງພະຍາດ COVID-19 ຢູ່ໃນ ສປປ ລາວ.
ສໍາລັບ ສປປ ລາວ ຮອດປະຈຸບັນ ຈໍານວນຜູ້ຕິດເຊື້ອສະສົມ ທັງໝົດ 1,943 (ໃໝ່ 09 ກໍລະນີ ໃນນີ້ຈາກນະຄອນຫຼວງວຽງຈັນ 06 ກໍລະນີ, ຈໍາປາສັກ 01 ກໍລະນີ ແລະ ສະຫວັນ
ນະເຂດ 2 ກໍລະນີ ເຊິງແມ່ນກໍລະນີນໍາເຂົ້າ ເຫຼືອນັ້ນ 06ກໍລະນີ ແມ່ນ ກໍລະນີຕິດເຊື້ອໃນຊຸມຊົນນະຄອນຫຼວງວຽງຈັນ). ຄົນເຈັບເສຍຊີວິດ 03 ກໍລະນີ (ໃໝ່ 0) , ປີ່ນປົວຫາຍດີ
ທັງໝົດ 1,654 ກໍລະນີ (ໃໝ່ 17) ແລະ ກໍາລັງປິ່ນປົວ 275 ກໍລະນີ.

ການເຝົ້າລະວັງຢູ່ຕາມຈຸດຜ່ານແດນໃນຂອບເຂດທົ່ວປະເທດ
• ມາຮອດວັນທີ 02 ມີຖຸນາ 2021 ມີຜູ້ເດີນທາງ ເຂົ້າ ສປປ ລາວ ທັງໝົດ 2,356 ຄົນ, ມີແຮງງານລາວ ເຂົ້າມາ 270 ຄົນ, ແຮງງານຈີນ 32 ຄົນ, ແຮງງານຫວຽດນາມ 10ຄົນ
ເຫຼືອນັ້ນ ແມ່ນ ພະນັກງານຂັບລົດ ແລະ ຜູ້ຕິດຕາມ
• ທົ່ວປະເທດມີສູນຈໍາກັດບໍລິເວນຮອງຮັບຜູ້ເດີນທາງເຂົ້າມາສປປລາວ ທີ່ເປີດນຳໃຊ້ຢູ່ທັງໝົດ 56ສູນ, ມີຜູ້ຈໍາກັດບໍລິເວນທັງໝົດ 3,639 ຄົນແລະເຂົ້າໃໝ່ມື້ວານມີ 420ຄົນ.
ວຽກງານວິເຄາະກວດຫາເຊື້ອ
• ໃນວັນທີ 02 ມີຖຸນາ 2021 ໄດ້ເກັບຕົວຢ່າງມາກວດວິເຄາະທັງໝົດ 1,725 ຕົວຢ່າງ, ໃນນັ້ນ ກວດພົບຜູ້ຕິດເຊື້ອໃໝ່ 09 ກໍລະນີ

Ø ຕໍ່ໄປຂ້າພະເຈົ້າຂໍລາຍງາກ່ຽວກໍລະນີຕິດເຊື້ອໃໝ່ 09 ຄົນ ຈາກນະຄອນຫຼວງວຽງຈັນ 06 ກໍລະນີ ຕິດໃນຊຸມຊົນ, ສຳລັບ ແຂວງຈໍາປາສັກ 01 ກໍລະນີ ແລະ ສະຫວັນນະເຂດ 2
ກໍລະນີ ແມ່ນກວດພົບເຊື້ອໃນແຮງງານລາວທີ່ກັບຄືນມາຈາກປະເທດໄທຖືກຕ້ອງຕາມກົດໝາຍ.
Ø (ກໍລະນີຢັ້ງຢືນທີ 1935 -1943) ມີຄື:
Ø ເຂດສ່ຽງ/ສະຖານທີ ທີ່ຜູ້ຕິດເຊື້ອໄດ້ເດີນທາງໄປ:
• ເຂດສ່ຽງ/ສະຖານທີ ທີ່ຜູ້ຕິດເຊື້ອໄດ້ເດີນທາງໄປ
• ວັນທີ 22/5/2021-23/5/2021 ແລະ ວັນທີ 29/05/2021: ໄປສວນ ຢູ່ບ້ານສິມມະໂນ
• ເວລາ 16:00-17:00 ໂມງ ຂອງວັນທີ 30/5/2021: ໄປຕະຫລາດສີຂຽວ ບ້ານດອນກອຍ.
• ເວລາ 16:00-17:00 ໂມງ ຂອງວັນທີ 02/06/2021: ໄປຕະຫລາດສະພານທອງ ແລະ ຕະຫລາດໂຮງງານ ບ້ານໂພນປ່າເປົ້າ.
• ວັນທີ 27/05/2021 ແລະ ວັນທີ 30/05/2021: ໄປຫ້ອງແຖວຫຼັງຕະຫລາດໂພນສະຫວ່າງ
• ວັນທີ 27/05/2021: ໄປເອົາເຄື່ອງ ຢູ່ເຮືອນໝູ່ບ້ານຫ້ວຍຫົງ
• ວັນທີ 29/05/2021: ໄປກິນເຂົ້າເຮືອນພີ່ນ້ອງບ້ານອາມອນ

v ສຳລັບສະຖານທີ່ ເກັບຕົວຢ່າງ ເພື່ອກວດຫາເຊື້ອ ພະຍາດໂຄວີດ-19 ມີດັ່ງນີ້:
• ສຳລັບນະຄອນຫຼວງວຽງຈັນ ມີ 5 ໂຮງໝໍສູນກາງ ແລະ ໂຮງໝໍສູນກາງ 103 ກອງທັບ
• ນອກນັ້ນ, ຍັງມີຈຸດກວດ ຢູ່ ມສ ລາວ ຫວຽດ ທີ່ຍັງໃຫ້ບໍລິການ ເກັບຕົວຢ່າງ 9-12 ໂມງ ທຸກມື້
• ແລະ ຖ້າມີກໍລະນີ positive (+) ໃໝ່ ຢູຈຸດໃດໜຶ່ງ ຈະມີທີມງານເຄື່ອນທີ່ລົງໄປເກັບຕົວຢ່າງຜູ້ສຳພັດໃກ້ຊິດ ໃນຈຸດ ທີ່ມີຜູ້ຕິດເຊື້ອໃໝ່
• ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 25 ບ້ານ ໃນ 07 ເມືອງ.

• ເຖິງວ່າທ່າອ່ຽງຂອງການລະບາດຢູ່ໃນປະເທດຂອງພວກເຮົາ ແມ່ນມີທ່າອ່ຽງຫຼຸດລົງເລັກໜ້ອຍ ຕາມການລາຍງານໃນແຕ່ລະວັນກໍ່ຕາມ ແຕ່ ພວກເຮົາກໍ່ບໍ່ຄວນປະໝາດ ໃນ
ການປະຕິບັດມາດຕະການຕ່າງໆ ຕາມແຈ້ງການ ທີ່ທາງລັດຖະບານ ກໍ່ຄື ຄະນະສະເພາະກິດຂັ້ນສູງກາງ ແລະ ຂັ້ນແຂວງ ໄດ້ວາງອອກ ຈົນກວ່າພວກເຮົາບໍ່ມີລາຍງານກໍລະນີຕິດ
ເຊື້ອໃໝ່ ເປັນເວລາ 28 ວັນ. ດັ່ງນັ້ນ, ການທີ່ໃຫ້ຢູ່ເຮືອນ ແລະ ບໍ່ອອກເດີນທາງ ໄປສະຖານທີອື່ນໆຍັງຖືວ່າເປັນຍຸດທະສາດກໍ່ຄືມາດຕະການຫຼັກແລະສໍາຄັນໃນການຢຸດຢັ້ງການ
ແຜ່ລະບາດຂອງພະຍາດດັ່ງກ່າວ ໃນປະເທດຂອງພວກເຮົາ.
• ການປະຕິບັດ ຕາມແຈ້ງການສະບັບເລກທີ 528/ຫສນຍ ແລະ ແຈ້ງການ ສະບັບເລກທີ 02/ຈນວ, ຂອງ ນະຄອນຫຼວງວຽຈັນ, ລົງວັນທີ 21 ພຶດສະພາ 2021 ຜ່ານມາ ແມ່ນ
ເຮັດໄດ້ດີພໍສົມຄວນໂດຍສະເພາະແມ່ນ ການປະຕິບັດມາດຕະການປ້ອງກັນ ແລະ ຄວບຄຸມການຕິດເຊື້ອ ແຕ່ ສັງເກດເຫັນວ່າຍັງມີຜູ້ລະເມີດໂດຍການເດີນທາງໄປມາຫາສູ່ກັນ
ຢ່າງປົກກະຕິ ພາຍໃນຄອບຄົວ, ຍາດຕິພີ່ນ້ອງ ແລະ ຫມູ່ຄູ່ ຈຶ່ງເຮັດໃຫ້ມີການຕິດເຊື້ອໃນກຸ່ມຄົນດັ່ງກ່າວໃນແຕ່ລະວັນ ແລະ ຍັງເຮັດໃຫ້ການລະບາດເຂົ້າສູ່ບັນດາຫ້ອງການ, ສຳ
ນັກງານອົງການ, ບໍລິສັດຫ້າງຮ້ານຕ່າງໆ ລວມເຖິງ ໂຮງຈັກໂຮງງານ ແລະ ຊຸມຊົນ;
• ໃນໄລຍະປະຈຸບັນ ຍັງມີຄວາມຈໍາເປັນທີ່ຈະຕ້ອງປະຕິບັດວິຖີການດໍາລົງຊິວິດປົກກະຕິແບບໃໝ່ເຊັ່ນ: ການໃສ່ຜ້າປິດປາກດັງ, ການໝັ່ນລ້າງມືດ້ວຍນ້ຳສະອາດໃສ່ສະບູຫຼືເຈວ,
ເຫຼົ້າ 70%ເລື້ອຍໆ, ການຮັກສາໄລຍະຫ່າງໃນສັງຄົມ ແລະຫຼີກລ້ຽງໄປບ່ອນທີ່ມີຄົນຈຳນວນຫຼາຍ ຫຼື ຊຸມຊົນແອອັດ, ການເຮັດວຽກຢູ່ບ້ານ ຫຼື ແບ່ງກັນປະຈໍາການ, ການຊື້ອາຫານ
ກັບບ້ານ, ການສັ່ງຊື້ເຄື່ອງອອນລາຍ, ການງົດໄປຢ້ຽມຢາມຜູ້ສູງອາຍຸ ເປັນຕົ້ນ… ຈົນກວ່າພວກເຮົາຈະຜ່ານພົ້ນວິກິດການລະບາດໃນຄັ້ງນີ້.
• ບັນດາທ່ານທີ່ນັບຖື, ພະຍາດ COVID-19 ບໍ່ແມ່ນພະຍາດທີ່ເປັນທີ່ນ່າລັງກຽດຂອງສັງຄົມແຕ່ຢ່າງໃດເລີຍ, ສະນັ້ນຖ້າຫາກທ່ານໃດ ຮູ້ວ່າຕົນເອງເປັນຜູ້ສຳພັດໃກ້ຊິດກັບຜູ້ທີ່
ຕິດເຊື້ອພະຍາດໂຄວີດ 19 ຫຼື ໄດ້ເດີນທາງໄປຍັງສະຖານທີ່ ທີ່ມີຄວາມສ່ຽງ ຈົ່ງຮີບຮ້ອນໄປພົບແພດໝໍ ເພື່ອເກັບຕົວຢ່າງກວດຫາເຊື້ອພະຍາດ, ສຳລັບຜູ້ທີ່ບໍ່ສະບາຍມີອາການ
ຄ້າຍຄືໄຂ້ຫວັດກໍ່ໃຫ້ຮີບຮ້ອນໄປກວດໂດຍຫ້າມເດັດຂາດບໍ່ໃຫ້ໄປຊື້ຢາມາກີນເອງ ແລະ ໄລຍະລໍຖ້າຜົນກວດກໍ່ໃຫ້ຈຳກັດໂຕເອງ ແຍກໂຕອອກຈາກຄອບຄົວ ແລະຄົນໃກ້ຊິດ ຈົນ
ຄົບ 14 ມື້້ ເຖິງແມ່ນວ່າຜົນກວດຕົວຢ່າງຈະອອກມາເປັນລົບ(-) ກໍ່ໃຫ້ສືບຕໍ່ຈຳກັດບໍລິເວນຕົນເອງ ຈົນຄົບກຳນນົດ ຈິ່ງອອກມາເຄື່ອນໄຫວປົກກະຕິ ເພື່ອຕັດຈົງຈອນການສົ່ງ
ເຊື້ອພະຍາດໄປຫາຄົນອ້ອມຂ້າງ ແລະ ສູ່ສັງຄົມ;
• ໃນໄລຍະປະຈຸບັນ ໄດ້ມີການສັກຢາວັກຊິນປ້ອງກັນພະຍາດ ໂຄວິດ ຮອບທີ 2 ໃນສະຖານທີ່ບໍລິການສາທາລະນະສຸກໃນຂອບເຂດທົ່ວປະເທດ,ຂ້າພະເຈົ້າຮຽກຮ້ອງໃຫ້ບັນດາທ່ານ
ຈົ່ງໄປສັກວັກຊິນເຂັ້ມທີ 2 ຕາມກໍານົດເວລາ;
• ຮອດປະຈຸບັນນີ້ ພວກເຮົາສາມາດສັກໄດ້ ເຂັ້ມທີ 1 ແມ່ນ 667,657 ໂດສ ແລະເຂັ້ມທີ 2 ສັກໄດ້ 265,848 ໂດສ. ເຖິງແມ່ນວ່າຈະໄດ້ຮັບການສັກວັກຊີນຄົບ 2 ເຂັມແລ້ວກໍ່ຕາມ
ບໍ່ໄດ້ໝາຍຄວາມວ່າ ທ່ານຈະບໍ່ສາມາດຕິດເຊື້ອພະຍາດດ່ັງກ່າວໄດ້ ແຕ່ວັກຊີນ ຈະຊ່ວຍສ້າງພູມຄຸ້ມກັນ ໃນການຕໍ່ຕ້ານກັບພະຍາດດັ່ງກ່າວຫຼາຍຂຶ້ນແລະສາມາດຫຼຸດຜ່ອນຄວາມ
ຮຸນແຮງຂອງພະຍາດດັ່ງກ່າວ.
• ສັງເກດເຫັນວ່າ ຍັງມີບາງແຂວງມີອັດຕາການສັກວັກຊີນຕໍ່າກວ່າຄາດໝາຍຍັງລັງເລໃຈບໍ່ໄປສັກ ເພາະຄິດວ່າ ແຂວງຂອງຕົນຍັງບໍ່ມີກໍລະນີຕິດເຊື້ອສູງ.ຕໍ່ກັບສະພາບການດັ່ງ
ກ່າວ ຈຶ່ງຮຽກຮ້ອງມາຍັງ ອໍານາດການປົກຄອງທ້ອງຖິ່ນ, ພະແນກສາທາລະນະສຸກແຂວງ ກໍ່ຄື ພະແນກການອື່ນໆ ລົງກວດກາ, ຊີ້ນໍາຢ່າງໃກ້ຊິດໃນການສັກຢາປ້ອງກັນໃນແຂວງ
ຂອງທ່ານ;
• ຂໍສະແດງຄວາມຂອບໃຈ ມາຍັງ ກໍາລັງປ້ອງກັນຊາດ ປ້ອງກັນຄວາມສະຫງົບທີ່ໄດ້ເອົາໃຈໃສ່ ໃນການປ້ອງກັນຕາມຊາຍແດນ ເພື່ອສະກັດກັ້ນການລັກລອບເຂົ້າເມືອງຕາມຊ່ອງ
ທາງທໍາມະຊາດ ແລະ ອໍານາດການປົກຄອງ ຂັ້ນຕ່າງໆທີ່ໄດ້ໃຫ້ການຮ່ວມມືເປັນຢ່າງດີ.
• ໃນໄລຍະປະຈຸບັນ ສັງເກດເຫັນວ່າມີສື່ສັງຄົມອອນລາຍຈໍານວນໜຶ່ງສວຍໃຊ້ໂອກາດການລະບາດໃນຄັ້ງນີ້ເພື່ອສ້າງຄວາມວຸ້ນວາຍໃນສັງຄົມ. ດັ່ງນັ້ນໃຫ້ຕິດຕາມຂໍ້ມູນຂ່າວສານ
ທີ່ຖືກຕ້ອງ ແລະ ເປັນທາງການທ່ານສາມາດຕິດຕາມໄດ້ທາງ:
o ວິທະຍຸກະຈາຍສຽງ, ໂທລະພາບ, ໜັງສືພິມ ແລະສື່ຕ່າງໆ ຂອງລັດຖະບານ
o ນອກຈາກນີ້ຍັງມີເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂ ການລະບາດ ພະຍາດໂຄວິດ-19 ກໍ່ຄືcovid19.gov.la ແລະ
o ເວັບໄຊ້ຂອງກົມຄວບຄຸມພະຍາດຕິດຕໍ່,ກະຊວງສາທາລະນະສຸກcdc.gov.la
o ເຟດບຸກຂອງສູນຂ່າວສານການແພດແລະສຸຂະສຶກສາ, ກະຊວງສາທາລະນະສຸກ
o ແລະສາມາດໂທສອບຖາມ ສາຍດ່ວນ 165 ຫຼື 166 ສຳລັບສູນກາງ ແລະສາຍດ່ວນແຂວງ (ລະຫັດແຂວງ ຕາມດ້ວຍ 165 ຫຼື 166).

Loading...