ໃນຕອນເຊົ້າວັນທີ 28/05/2021, ດຣ ລັດສະໝີ ວົງຄໍາຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຖະແຫຼງຂ່າວກ່ຽວການລະບາດໃນທົ່ວໂລກ ແລະ ສປປ ລາວ
ຮອດ ວັນທີ 27 ພຶດສະພາ 2021 ສປປ ລາວ ມີຜູ້ຕິດເຊື້ອສະສົມ ທັງໝົດ 1,905 ຄົນ ແລະ ເສຍຊິວິດສະສົມທັງໝົດ 3 ຄົນ ເສຍຊີວິດ (ໃໝ່ 1), ລາຍລະອຽດ ຜູ້ເສຍຊີວິດ 1 ກໍລະນີໃໝ່ ມີດັ່ງນີ້:
– ເພດຊາຍ, ອາຍຸ 74 ປີ, ບ້ານຝາຍ, ເມືອງໄຊເສດຖາ, ວັນທີ 11 ພຶດສະພາ 2021 ເຂົ້າມາກວດຢູ່ໂຮງໝໍມະໂຫສົດ ດ້ວຍອາການລະບົບຫາຍໃຈຮຸນແຮງ ໂດຍທີ່ບໍ່ຮູ້ແຫຼ່ງທີ່ມາຂອງການຕິດເຊື້ອ ພາຍຫຼັງກວດພົບເຊື້ອໂຄວິດ-19 ຈຶ່ງຖືກນຳສົ່ງໄປປິ່ນປົວຢູ່ໂຮງໝໍມິດຕະພາບ
– ຜູ້ກ່ຽວມີພະຍາດປະຈຳໂຕ ຄື ຄວາມດັນເລືອດສູງ ແລະ ພະຍາດເບົາຫວານ (ບໍ່ໄດ້ກວດສຸຂະພາບຢ່າງເປັນປະຈຳ)
– ເນື່ອງຈາກ ຜູ້ກ່ຽວ ອາການຊຸດໂຊມລົງເລື້ອຍໆ, ມາຮອດ ເວລາ 6 ໂມງເຊົ້າ ຂອງວັນທີ 28 ພຶດສະພາ 2021 ຜູ້ກ່ຽວໄດ້ເສຍຊີວິດລົງ.
 ໃນນັ້ນ ປິ່ນປົວຫາຍດີທັງໝົດ 1,355 ຄົນ (ໃໝ່ 74 ຄົນ) ແລະ ຍັງສືບຕໍ່ປິ່ນປົວ ທັງໝົດ 547 ຄົນ.
• ມາຮອດວັນທີ 27 ພຶດສະພາ 2021 ມີຜູ້ເດີນທາງ ເຂົ້າ ສປປ ລາວ ທັງໝົດ 2,288 ຄົນ, ຜ່ານດ່ານລາວ-ຈີນ 154 ຄົນ, ຜ່ານດ່ານລາວ-ຫວຽດ 661 ຄົນ, ເຂົ້າສະໜາມບິນວັດໄຕ 104 ຄົນ ແລະ ຜ່ານດ່ານລາວ-ກຳປູເຈຍ 1 ຄົນ.
• ທົ່ວປະເທດມີສູນຈໍາກັດບໍລິເວນຮອງຮັບຜູ້ເດີນທາງເຂົ້າມາ ສປປ ລາວ ທີ່ເປີດນຳໃຊ້ຢູ່ທັງໝົດ 44 ສູນ, ມີຜູ້ຈໍາກັດບໍລິເວນທັງໝົດ 3,506 ຄົນ.
• ໃນວັນທີ 27 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງໝົດ 2,149 ຕົວຢ່າງ, ໃນນັ້ນ ກວດພົບຜູ້ຕິດເຊື້ອໃໝ່ 10 ກໍລະນີ
 ສໍາລັບກໍລະນີຕິດເຊື້ອໃໝ່ 10 ຄົນ (ກໍລະນີຢັ້ງຢືນທີ 1896 – 1905) ຄົນເຈັບຕິດເຊື້ອ
ໃໝ່ຈາກ ນະຄອນຫຼວງວຽງຈັນ 7 ຄົນ ແມ່ນເປັນຜູ້ສຳຜັດໃກ້ຊິດກັບຜູ້ຕິດເຊື້ອເກົ່າທີ່ຕິດເຊື້ອໃນຊຸມຊົນ.
• ສຳລັບ 1 ຄົນ ຢູ່ແຂວງຈຳປາສັກ, 1 ຄົນ ຢູ່ແຂວງສະຫວັນນະເຂດ ແລະ 1 ຄົນ ຢູ່ແຂວງຫຼວງນ້ຳທາ ນັ້ນ ແມ່ນກໍລະນີນຳເຂົ້າ ເຊິ່ງກວດພົບເຊື້ອໃນແຮງງານລາວທີ່ກັບຄືນປະເທດຖືກກົດໝາຍ.
ບັນດາທ່ານທີ່ນັບຖື ແລະ ຮັກແພງທັງຫຼາຍ,
• ສະພາບການລະບາດໃນປະເທດຂອງພວກເຮົາ ໄດ້ແຜ່ລາມເປັນວົງກ້ວາງ ເຫັນວ່າ ມີການຕິດເຊື້ອໃນຄອບຄົວ, ໝູ່ເພື່ອນ, ບັນດາຫ້ອງການ, ສຳນັກງານອົງການ, ບໍລິສັດ, ໂຮງຈັກໂຮງງານ ເນື່ອງຈາກ ຍັງມີປະຊາຊົນບາງກຸ່ມ ບໍ່ເອົາໃຈໃສ່ປະຕິບັດມາດຕະການທີ່ຄະນະສະເພາະກິດວາງອອກຢ່າງເຂັ້ມງວດ;
• ເພື່ອຫຼຸດຜ່ອນ ແລະ ສະກັດກັ້ານການລະບາດ ໃຫ້ເປັນວົງແຄບ ຈຶ່ງຂໍຮຽກຮ້ອງມາຍັງທຸກພາກສ່ວນໃນສັງຄົມ ຈົ່ງພ້ອມໃຈກັນ ປະຕິບັດມາດຕະການຕາມແຈ້ງການຂອງຫ້ອງວ່າການສຳນັກງານນາຍົກ ເລກທີ 528/ຫສນຍ ແລະ ແຈ້ງການຂອງນະຄອນຫຼວງວຽງຈັນ ຢ່າງເຄັ່ງຄັດ;
• ພ້ອມດຽວກັນນັ້ນ ກໍ່ສືບຕໍ່ປະຕິບັດມາດຕະການປ້ອງກັນການຕິດເຊື້ອ ເປັນຕົ້ນ ໃສ່ຜ້າປິດປາກ-ດັງ ເມື່ອອອກຈາກບ້ານ, ຮັກສາໄລຍະຫ່າງໃນສັງຄົມ, ຫຼີກລ້ຽງໄປບ່ອນທີ່ມີຄົນຫຼາຍ ຫຼື ຊຸມຊົນແອອັດ, ໝັ່ນລ້າງມື ດ້ວຍເຈວ ແລະ ເຫຼົ້າ 70 ເລື້ອຍໆ,;
• ຖ້າຫາກທ່ານ ຮູ້ວ່າຕົນເອງເປັນຜູ້ສຳພັດໃກ້ຊິດ ກັບ ຜູ້ທີ່ຕິດເຊື້ອພະຍາດໂຄວີດ 19 ຫຼື ໄດ້ເດີນທາງໄປຍັງສະຖານທີ່ ທີ່ມີຄວາມສ່ຽງ ຈົ່ງຮີບຮ້ອນໄປພົບແພດໝໍ ເພື່ອເກັບຕົວຢ່າງກວດຫາເຊື້ອພະຍາດ ແລະ ຈຳກັດໂຕເອງ ແຍກໂຕອອກຈາກຄອບຄົວ ແລະ ຄົນໃກ້ຊິດ ຈົນຄົບ 14ມື້້ ເຖິງແມ່ນວ່າຜົນກວດຕົວຢ່າງຈະອອກມາເປັນລົບ (-) ກໍ່ໃຫ້ສືບຕໍ່ຈຳກັດບໍລິເວນຕົນເອງ ຈົນຄົບກຳນນົດ ຈິ່ງອອກມາເຄື່ອນໄຫວປົກກະຕິ ເພື່ອຕັດຈົງຈອນການສົ່ງເຊື້ອພະຍາດໄປຫາຄົນອ້ອມຂ້າງ ແລະ ສູ່ສັງຄົມ;
• ການປະຕິບັດທັງໝົດນີ້ ກໍ່ເພື່ອປ້ອງກັນໂຕທ່ານເອງ, ຄົນໃນຄອບຄົວ, ສັງຄົມ ແລະ ປະເທດຊາດ ຈາກການລະບາດຮອບທີ ສອງ ໂດຍໄວ.
• ສຳລັບ ຂໍ້ມູນຂ່າວສານທີ່ຖືກຕ້ອງ ແລະ ເປັນທາງການທ່ານສາມາດຕິດຕາມໄດ້ທາງ:
o ວິທະຍຸກະຈາຍສຽງ, ໂທລະພາບ, ໜັງສືພິມ ແລະສື່ຕ່າງໆ ຂອງລັດຖະບານ
o ນອກຈາກນີ້ຍັງມີເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂ ການລະບາດ ພະຍາດໂຄວິດ-19 ກໍ່ຄືcovid19.gov.la ແລະ
o ເວັບໄຊ້ຂອງກົມຄວບຄຸມພະຍາດຕິດຕໍ່,ກະຊວງສາທາລະນະສຸກcdc.gov.la
o ເຟດບຸກຂອງສູນຂ່າວສານການແພດແລະສຸຂະສຶກສາ, ກະຊວງສາທາລະ
ນະສຸກ
o ແລະສາມາດໂທສອບຖາມ ສາຍດ່ວນ 165 ຫຼື 166 ສຳລັບສູນກາງ ແລະສາຍດ່ວນແຂວງ (ລະຫັດແຂວງ ຕາມດ້ວຍ 165 ຫຼື 166).
Loading...