ໃນວັນທີ 15 ມິຖຸນາ 2021, ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຕາງໜ້າກອງເລຂາ ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້ຖະແຫຼງຂ່າວກ່ຽວກັບ ສະພາບການລະບາດຂອງພະຍາດ COVID-19 ຢູ່ໃນ ສປປ ລາວ
ມາຮອດປັດຈຸບັນ ຢູ່ ສປປ ລາວ: ໄດ້ເກັບຕົວຢ່າງມາກວດວິເຄາະທັງໝົດ 2,025 ຕົວຢ່າງ ກວດພົບຜູ້ຕິດເຊື້ອທັງໝົດ 15 ກໍລະນີ, ໃນນັ້ນ ຈາກນະຄອນຫຼວງ 6 ກໍລະນີ, ສະຫວັນນະເຂດ 3 ກໍລະນີ ແລະ ຈຳປາສັກ 6 ກໍລະນີ
• ສຳລັບນະຄອນຫຼວງວຽງຈັນ 6 ກໍລະນີ ແມ່ນກໍລະນີຕິດເຊື້ອໃນຊຸມຊົນ ຕິດເຊື້ອຈາກການສຳຜັດໃກ້ຊິດກັບຜູ້ຕິດເຊື້ອເກົ່າ.
• ສ່ວນ ສະຫວັນນະເຂດ 3 ກໍລະນີ ແລະ ຈຳປາສັກ 6 ກໍລະນີ ແມ່ນກໍລະນີນຳເຂົ້າ ເຊິ່ງກວດພົບຈາກແຮງງານລາວ ທີ່ກັບມາຈາກປະເທດໄທ ໂດຍຖືກຕ້ອງຕາມກົດໝາຍ
 ຕິດເຊື້ອສະສົມທັງໝົດ 2,025 ກໍລະນີ (ໃໝ່ 15)
– ເສຍຊີວິດ 3 ກໍລະນີ (ໃໝ່ 0)
– ປິ່ນປົວຫາຍດີສະສົມ 1,905 ກໍລະນີ
– ກຳລັງປິ່ນປົວ 117 ກໍລະນີ
• ຕໍ່ໄປຂ້າພະເຈົ້າຂໍລາຍງານກ່ຽວກັບ 6 ກໍລະນີ ທີ່ພົບ ຢູ່ນະຄອນຫຼວງວຽງຈັນ ດັ່ງຕໍ່ໄປນີ້:
– ກໍລະນີ 1:
ເພດຊາຍ, ອາຍຸ 29 ປີ, ສັນຊາດລາວ, ອາຊີບ: ພະນັກງານແພດໂຮງໝໍ 5 ເມສາ, ບ້ານພະໂພ, ເມືອງສີສັດຕະນາກ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫຍັງ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ, ໄປເກັບຕົວຢ່າງ ໃນວັນທີ 14 ມີຖຸນາ 2021 ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ
– ກໍລະນີ 2
ເພດຊາຍ, ອາຍຸ 10 ເດືອນ, ບ້ານພະຂາວ, ເມືອງໄຊທານີ, ນະຄອນຫຼວງວຽງຈັນ, ຜູ້ກ່ຽວມີອາການໄຂ້ ແລະ ເຈັບຄໍ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ ເຊິ່ງເປັນພະນັກງານ (ເປັນແມ່), ໄປເກັບຕົວຢ່າງ ໃນວັນທີ 14 ມີຖຸນາ 2021 ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ
– ກໍລະນີ 3 :
ເພດຍິງ, ອາຍຸ 44 ປີ, ອາຊີບ: ຄ້າຂາຍອາໄຫຼ່, ບ້ານພະຂາວ, ເມືອງໄຊທານີ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫຍັງ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ (ແມ່ຂອງຜູ້ຕິດເຊື້ອ), ໄປເກັບຕົວຢ່າງ ໃນວັນທີ 14 ມີຖຸນາ 2021 ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ
– ກໍລະນີ 4:
ເພດຍິງ, ອາຍຸ 20 ປີ, ບ້ານພະຂາວ, ເມືອງໄຊທານີ, ນະຄອນຫຼວງວຽງຈັນ, ຜູ້ກ່ຽວມີໄຂ້, ເຈັບຄໍ, ໄອ, ຂີ້ກະເທີ່, ປວກຮາກ ແລະ ເມື່ອຍ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ (ເປັນນ້ອງສາວຜູ້ຕິດເຊື້ອ), ໄປເກັບຕົວຢ່າງ ໃນວັນທີ 14 ມີຖຸນາ ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ
– ກໍລະນີ 5 :
ເພດຍີງ, ອາຍຸ 21 ປີ, ອາຊີບ: ຄ້າຂາຍອາໄຫຼ່, ບ້ານພະຂາວ, ເມືອງໄຊທານີ, ນະຄອນຫຼວງວຽງຈັນ, ຜູ້ກ່ຽວບໍ່ມີອາການຫັຍງ, ມີປະຫວັດສໍາຜັດໃກ້ສິດກັບຜູ້ຕິດເຊື້ອ (ເປັນນ້ອງສາວຂອງຜູ້ຕິດເຊື້ອ), ໄປເກັບຕົວຢ່າງ ໃນວັນທີ 14 ມີຖຸນາ ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ
– ກໍລະນີ 6 :
ເພດຍິງ, ອາຍຸ: 27 ປີ, ບ້ານໜອງທາເໜືອ, ເມືອງຈັນທະບູລີ, ນະຄອນຫຼວງວຽງຈັນ, ໄປເກັບຕົວຢ່າງ ໃນວັນທີ 14 ມີຖຸນາ ຢູ່ໂຮງໝໍເສດຖາທິຣາດ ແລະ ຜົນກວດພົບເຊື້ອ, ປະຈຸບັນ ທີມງານກຳລັງຕິດຕໍ່ເອົາຂໍ້ມູນລະອຽດຂອງຜູ້ກ່ຽວ.
 ເຂດສ່ຽງ/ສະຖານທີ ທີ່ຜູ້ຕິດເຊື້ອໄດ້ເດີນທາງໄປ
– ວັນທີ 07/06/2021 ຫຼື ວັນທີ 8/06/2021 ໄປຖ່າຍຮູບຢູ່ Parkson ແຖວຖະໜົນຄູ
ວຽງ ໃກ້ Vientiane Centre
– ວັນທີ 8-9/06/2021 ໄປຊື້ເຄື່ອງຢູ່ Viewmall
– ວັນທີ 10/06/2021 ໄປບ້ານໝູ່ຢູ່ສະພັງໝໍ້
– ວັນທີ 11/06/2021 ໄປອ້ອມຮົ້ວຊ່ວຍພີ່ນ້ອງ ຢູ່ບ້ານວຽງຄຳ, ເມືອງສີໂຄດຕະບອງ ແລະ ໄປຕະຫຼາດຈັນສະຫວ່າງ
– ວັນທີ 11/06/2021 ໄປກິນເຂົ້າປຸ້ນແຈ່ວຂິງ ຢູ່ທ່າເດື່ອ, ຮ້ານຢູ່ແຄມຂອງ
– ວັນທີ 12/06/2021 ໄປບ້ານໜອງບົວທອງ, ເມືອງສີໂຄດຕະບອງ
– ວັນທີ 14/06/2021 ໄປຊື້ຢາຢູ່ຮ້ານຂາຍຢາໃສສະອາດ ສາຂາໜ້າໂຮງໝໍມິດຕະພາບ
– ວັນທີ 14/06/2021 ເວລາ 20:15 – 20:30 ໂມງ ໄປກວດພະຍາດຢູ່ຫຼັກໄຊຄລີນິກ
ການເຝົ້າລະວັງຢູ່ຕາມຈຸດຜ່ານແດນໃນຂອບເຂດທົ່ວປະເທດ
• ວັນທີ 14 ມິຖຸນາ 2021 ມີຜູ້ເດີນທາງເຂົ້າມາ ສປປ ລາວ ມີທັງໝົດ 1,935 ຄົນ ທຸກຄົນໄດ້ຜ່ານການວັດແທກອຸນຫະພູມ ແລະ ບໍ່ພົບຜູ້ມີອາການໄຂ້ ຫຼື ອາການຜິດປົກກະຕິ ແລະ ໄດ້ເຂົ້າຈຳກັດບໍລິເວນຕາມສະຖານທີ່ທີ່ກຳນົດໄວ້.
• ປັດຈຸບັນ ທົ່ວປະເທດ ມີສູນຈຳກັດບໍລິເວນ ທີ່ຍັງເປີດຢູ່ 51 ສູນ ແລະ ມີຜູ້ຈຳກັດບໍລິເວນ 4,224 ຄົນ.
 ສຳລັບສະຖານທີ່ ເກັບຕົວຢ່າງ ເພື່ອກວດຫາເຊື້ອ ພະຍາດໂຄວີດ-19 ມີດັ່ງນີ້:
• ສຳລັບນະຄອນຫຼວງວຽງຈັນ ມີ 5 ໂຮງໝໍສູນກາງ ແລະ ໂຮງໝໍ 103 ສູນກາງກອງທັບ
• ຈຸດກວດນອກສະຖານທີ່ ຢູ່ ໂຮງຮຽນ ສີໂຄດ ໃຫ້ບໍລິການ ເກັບຕົວຢ່າງ 9-12 ໂມງ ທຸກມື້ (ວັນຈັນ ເຖີງ ວັນອາທິດ)
• ແລະ ຖ້າມີກໍລະນີບວກ (+) ໃໝ່ ຢູ່ບ້ານໃດ ຈະມີທີມງານເຄື່ອນທີ່ໄປເກັບຕົວຢ່າງຜູ້ສຳພັດໃກ້ຊິດ ໃນຈຸດ ທີ່ມີກໍລະນີຜູ້ຕິດເຊື້ອໃໝ່
ຄຽງຄູ່ກັບການຊອກຄົ້ນຫາ ກໍລະນີຜູ້ຕິດເຊື້ອ ແລະ ຜູ້ສຳຜັດໃກ້ຊິດ ທາງກະຊວງສາທາລະນະສຸກ ກົມຄວບຄຸມພະຍາດຕິດຕໍ່/ສູນວິເຄາະ ແລະ ລະບາດວິທະຍາ, ພະແນກສາທາລະນະສຸກນະຄອນຫຼວງ ມື້ວານນີ້ ໄດ້ຂະຫຍາຍການເກັບຕົວຢ່າງແບບທ່າບຸກ ໃນຫຼາຍຈຸດທີ່ມີຄວາມສ່ຽງ ໃນການແຜ່ເຊື້ອ, ໃນຄັ້ງນີ້ ໄດ້ເກັບຕົວຢ່າງ ຢູ່ຕະຫຼາດທົ່ງຂັນຄຳ 1 ແລະ ຕະຫຼາດທົ່ງຂັນຄຳ 2 ເຊິ່ງໄດ້ເກັບຕົວຢ່າງມາກວດທັງໝົດ 500 ຕົວຢ່າງ, ຜົນກວດທັງໝົດແມ່ນບໍ່ພົບເຊື້ອ.
• ປະຈຸບັນ ຈຳນວນບ້ານແດງ ໃນນະຄອນຫຼວງວຽງຈັນ ແມ່ນມີ 17 ບ້ານ ໃນ 07 ເມືອງ ແລະ ບ້ານໃໝ່ທີ່ກຳນົດເປັນບ້ານເຂດແດງໃນວັນທີ 15 ມີຖຸນາ 2021 ມີ 1 ບ້ານຄື: ບ້ານໜອງແຕ່ງເໜືອ, ເມືອງສີໂຄດຕະບອງ, ນະຄອນຫຼວງວຽງຈັນ.
• ມາຮອດປະຈຸບັນນີ້ ຫຼາຍປະເທດໃນໂລກ ລວມທັງ ສປປ ລາວ ກໍ່ແມ່ນຂຸ້ນຂ້ຽວໃນການສັກວັກຊີນກັນພະຍາດໂຄວິດ-19 ໃຫ້ແກ່ປະຊາຊົນຂອງຕົນເອງ ໃຫ້ໄດ້ 50% ຂຶ້ນໄປ ເພື່ອໃຫ້ເກີດມີພູມຄຸ້ມກັນເປັນໝູ່ (Herd Immunity) ແຕ່ເຖິງຢ່າງໃດກໍ່ຕາມ ຂ້າພະເຈົ້າຢາກອະທິບາຍໃຫ້ບັນດາທ່ານໄດ້ຮັບຊາບ ກ່ຽວກັບຄຳຖາມທີ່ວ່າ ສັກວັກຊີນແລ້ວ ສາມາດເດີນທາງໄປຕ່າງປະເທດໄດ້ບໍ່ ຫຼື ຄົນທີ່ເດີນທາງຈາກຕ່າງປະເທດ ໃຫ້ໄດ້ຮັບວັກຊີນຄົບ ຈຳເປັນຈະຕ້ອງໄດ້ກວດຊອກຫາເຊື້ອໂຄວິດ-19 ແລະ ຈຳກັດບໍລິເວນ 14 ວັນ ບໍ່. ອີງຕາມຂໍ້ມູນ ຂອງນັກວິຊາການ ຍັງບໍ່ທັນສະຫຼຸບ ແລະ ມີຂໍ້ແນະນຳດ້ານວິຊາການ ຢ່າງຊັດເຈນວ່າ ວັກຊີນທີ່ຖືກອະນຸມັດ ແລະ ນຳໃຊ້ປະຈຸບັນໃນຫຼາຍປະເທດ ສາມາດປ້ອງກັນບໍ່ໃຫ້ຕິດເຊື້ອໄດ້ ເຖິງຢ່າງໃດກໍ່ຕາມ ການສຶກສາຄົ້ນຄວ້າດັ່ງກ່າວ ກໍ່ຍັງສືບຕໍ່ດຳເນີນໄປຈົນກວ່າມີຫຼັກຖານຢັ້ງຢືນ ທາງວິທະຍາສາດ. ມີຫຼາຍການສຶກສາ ໄດ້ພິສູດໃຫ້ເຫັນວ່າ ການສັກວັກ ຊີນຊ່ວຍຫຼຸດຜ່ອນຄວາມຮຸນແຮງຂອງການເປັນພະຍາດ ແລະ ການເສຍຊີວິດລົງໄດ້ ຖ້າສົມທຽບໃສ່ຜູ້ບໍ່ໄດ້ສັກ;
• ດັ່ງນັ້ນ, ການທີ່ນຳສະເໜີ ການນຳໃຊ້ບັດຢັ້ງຢືນສັກວັກຊີນໂຄວິດ-19 ເພື່ອເດີນທາງຂ້າມປະເທດ ຍັງເປັນຫົວຂໍ້ທີ່ຖືກສະເໜີຂຶ້ນຈາກຫຼາຍປະເທດ ໃນດ້ານຫຼັກການ ແລະ ຄວາມເອກກະພາບ ທັງນັ້ນທັງນີ້ ແມ່ນຕ້ອງຮັບປະກັນ ບໍ່ໃຫ້ມີການປອມແປງເອກະສານດັ່ງກ່າວ ເພາະເປັນໄພອັນຕະລາຍ ໃນການແຜ່ເຊື້ອ ຖ້າມາດຕະການຜ່ອນຜັນ ໃນການເດີນທາງຂ້າມຊາຍແດນ ຫາກຖືກພິຈາລະນາ;
• ອົງການອະນາໄມໂລກ ໄດ້ປະກາດປັບປ່ຽນຊື່ ຂອງເຊື້ອພະຍາດໂຄວິດ-19 ໃນສາຍພັນຕ່າງໆ ໂດຍໃຊ້ຕົວອັກສອນກຣິີກ ແທນການໃຊ້ຊື່ປະເທດ ຄື:
– ເບຕາ (ສາຍພັນອາຟຣິກາໃຕ້)
– ອານຟ້າ (ສາຍພັນອັງກິດ)
– ເດວຕ້າ (ສາຍພັນອິນເດຍ)
ເຊິ່ງການປ່ຽນເປັນສັນຍາລັກຕົວອັກສອນກຣີກ ແມ່ນເພື່ອຫຼີກລ້ຽງ ການຈຳແນກວ່າ ພະຍາດດັ່ງກ່າວ ແມ່ນມີຕົ້ນກຳເນີດຈາກປະເທດນັ້ນໆ ແລະ ເພື່ອໃຫ້ຖືກຕ້ອງທາງດ້ານຫຼັກວິທະຍາສາດການແພດ ຈຶ່ງໄດ້ມີການປ່ຽນຈາກຮຽກຊື່ປະເທດ ມາເປັນ ຕົວອັກສອນກຣີກ;
• ມື້ວານນີ້ ສປປ ລາວ ແມ່ນໄດ້ຮັບວັກຊີນຊີໂນຟາມ ຈາກ ສປ ຈີນ ຈຳນວນ 5 ແສນໂດສ ເຊິ່ງພັກແລະ ລັດຖະບານ ກໍ່ຈະເລັ່ງໃສ່ ສັກໃຫ້ປະຊາຊົນ ຕາມທີ່ທາງກະຊວງສາທາລະນະສຸກໄດ້ມີເປົ້າໝາຍຢູ່ແລ້ວ. ດັ່ງນັ້ນ, ຈຶ່ງຮຽກຮ້ອງເຊື້ອເຊີນ ປະຊາຊົນບັນດາເຜົ່າ, ພະນັກງານ, ທະຫານ, ຕຳຫຼວດ, ຈົ່ງພ້ອມໃຈກັນໄປສັກວັກຊີນ ຕາມຈຸດບໍລິການທີ່ຄະນະສະເພາະກິດກຳນົດໄວ້ ແຕ່ໃຫ້ຮັກສາຄວາມເປັນລະບຽບຮຽບຮ້ອຍ ໂດຍສະເພາະ ການຮັກສາໄລຍະຫ່າງ, ການໃສ່ຜ້າປີດປາກ-ດັງ ແລະ ຕິດຕາມຂ່າວສານທີ່ເປັນທາງການເທົ່ານັ້ນ;
• ອີກເທື່ອໜຶ່ງ ຮຽກຮ້ອງໃຫ້ບັນດາ ທ່ານຈົ່ງຕິດຕາມຂໍ້ມູນຂ່າວສານທີ່ຖືກຕ້ອງ ແລະ ເປັນທາງການ.,
o ວິທະຍຸກະຈາຍສຽງ, ໂທລະພາບ, ໜັງສືພິມ ແລະສື່ຕ່າງໆ ຂອງລັດຖະບານ
o ນອກຈາກນີ້ຍັງມີເວັບໄຊ້ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂ ການລະບາດ ພະຍາດໂຄວິດ-19 ກໍ່ຄື covid19.gov.la ແລະ
o ເວັບໄຊ້ຂອງກົມຄວບຄຸມພະຍາດຕິດຕໍ່, ກະຊວງສາທາລະນະສຸກcdc.gov.la
o ເຟດບຸກຂອງສູນຂ່າວສານການແພດແລະສຸຂະສຶກສາ, ກະຊວງສາທາລະນະສຸກ
o ແລະສາມາດໂທສອບຖາມ ສາຍດ່ວນ 165 ຫຼື 166 ສຳລັບສູນກາງ ແລະ ສາຍດ່ວນແຂວງ (ລະຫັດແຂວງ ຕາມດ້ວຍ 165 ຫຼື 166).
Loading...