ວັນເນົາມື້ທີສອງມວນຊົນສືບຕໍ່ຫົດສົງພະພຸພທະຮູບຕາມວັດຕ່າງໆ
ວັນທີ 15 ເມສາ ແມ່ນມື້ເນົາ ມື້ທີສອງ ນອກຈາກມວນຊົນໄດ້ສືບຕໍ່ຫົດສົງພະພຸດທະຮູບຕາມວັດວາອາຮາມຕ່າງແລ້ວ ຢູ່ນະຄອນຫລວງວຽງຈັນຍັງມີຫລາຍກິດຈະກໍາ ເຊັ່ນ: ງານຕະຫລາດນັດ ຖະໜົນວັດທະນະທໍາ , ກິດຈະກໍາມ່ວນຊື່ນຢູ່ເຂດສະໜາມກິລາເຈົ້າອານຸວົງ ແລະເຂດບໍລິເວນນໍ້າພຸ ເຊິ່ງຈະດໍາເນີນຮອດເວລາ 22ໂມງ ພະອາຈານບຸນປະສິດ ສີສະຫວັດ ທີ່ວັດອິນແປງ ເມືອງຈັນທະບູລີ ນະຄອນຫລວງວຽງຈັນໃຫ້ຮູ້ວ່າ: ຕາມປະເພນີ ພໍເຖິງປີໃໝ່ກໍແຫ່ພະພຸດທະຮູບຄູ່ບ້ານຄູ່ເມືອງຂອງນະຄອນຫລວງວຽງຈັນ ສະເພາະປີນີ້ ພິເສດມີພະພຸດທະຮູບຈາກວັດສີສະເກດ , ພະເຈົ້າມິ່ງເມືອງຈາກວັດອົງຕື້ ຮ່ວມກັບພະພຸດທະຮູບເກົ່າແກ່ຈາກວັດອິນແປງ ເພື່ອໃຫ້ມວນຊົນໄດ້ຫົດສົງ, ສໍາລັບວັນທີ 15 ເມສາ ເຊິ່ງແມ່ມື້ເນົາມື້ທີສອງ ພາຍຫລັງຫົດສົງພະພຸດທະຮູບຕາມວັດຕ່າງໆແລ້ວ ຕອນແລງໄດ້ຕົບພະທາດຊາຍ ແລະສູດປະລິດຕະມຸງຄຸນ ສໍາລັບວັນທີ 16 ເມສາ ເຊິ່ງແມ່ນມື້ຂຶ້ນປີໃໝ່ ກໍມີພິທີໃສ່ບາດ ຖວາຍສັງຄະທານ, ສ່ວນຢູ່ວັດອິນແປງ ວັນທີ17 ເມສາ ຈະມີພິທີບາສີສູ່ຂວັນພະພຸດທະຮູບ ຕາມປະເພນີ.
