ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ວິກ ຄວນມີຕິດບ້ານໄວ້ ເພາະມັນມີປະໂຫຍດຫຼາຍຢ່າງ

 “ ວິກ ວາໂປຣັບ ”(Vicks VapoRub) ເປັນສິ່ງທີ່ເຮົາຄຸ້ນເຄີຍກັນເປັນຢ່າງດີເມື່ອມີອາການເປັນຫວັດຕັນດັງຫຼາຍຄົນກໍ່ອາດຈະນໍາມາໃຊ້ແຕ່ຮູ້ ຫຼື ບໍ່ວ່ານອກຈາກວິກຈະມີປະໂຫຍດຕາມສະຫຼາກທີ່ບອກສັບພະຄຸນໄວ້ແລ້ວ ເຮົາຍັງສາມາດນໍາວິກມາໃຊ້ປະໂຫຍດອື່ນໆໄດ້ອີກດັ່ງນີ້

  1. ຫລຸດອາການໄອໂດຍສະເພາະຄົນທີ່ມີອາການໄອໃນຕອນກາງຄືນ ແລະ ເດັກນ້ອຍຊຶ່ງມີວິທີຄືທາວິກໃສ່ພື້ນຕີນ ແລະ ນວດຄ່ອຍໆຈາກນັ້ນໃຫ້ໃສ່ຖົງຕີນທັບ ບໍ່ດົນອາການໄອກໍ່ຈະຫລຸດລົງ
  2. ຫລຸດອາການເຈັບກ້າມເນື້ອ ແລະ ເຈັບຫົວໂດຍທາໃຫ້ທົ່ວບໍລິເວນທີ່ປວດລວມໄປເຖິງທາປະໄວ້ຫມົດຄືນ ຈະຊ່ວຍໃຫ້ການໄຫຼວຽນຂອງເລືອດດີຂຶ້ນເຮັດໃຫ້ຫລຸດອາການເຈັບ ແລະ ປວດກ້າມເນື້ອ ແລະ ຍັງສາມາດໃຊ້ວິກທາບໍລິເວນໜ້າຜາກບັນເທົາອາການເຈັບຫົວໄດ້ອີກດ້ວຍ
  3. ຊ່ວຍປ້ອງກັນສັດລ້ຽງຂັບຖ່າຍຜິດທີ່ຜິດທາງ ເມື່ອໄດ້ກິ່ນສັດລ້ຽງກໍ່ຈະບໍ່ກ້າຂັບຖ່າຍບ່ອນນັ້ນອີກຕໍ່ໄປພຽງແຕ່ທາວິກບໍລິເວນທີ່ສັດລ້ຽງມັກໄປຂັບຖ່າຍເທົ່ານັ້ນ
  4. ໃຊ້ຢຸດພຶດຕິກໍາຂີດຫຍຸມຂອງແມວໂດຍການທາວິກບາງໆບໍລິເວນທີ່ແມວມັກຂີດ ແມວບໍ່ມັກກິ່ນຂອງວິກ ແລະ ຈະບໍ່ເຂົ້າໃກ້ເລີຍກໍ່ສາມາດປ້ອງກັນຮອຍຂີດຂອງແມວໄດ້
  5. ກຳຈັດເຊື້ອຣາທີ່ເລັບຕີນໄດ້ ນວດວິກທີ່ນີ້ວທີ່ອາດຈະມີເຊື້ອຣາຂຶ້ນພາຍໃນ 1 ມື້ເລັບຈະສີເຂັ້ມຂຶ້ນເນື່ອງຈາກວິກໄປຈັດການກັບເຊື້ອຣາ ຫຼັງຈາກທີ່ເລັບຕີນຍາວຂຶ້ນສ່ວນເລັບດຳກໍ່ຈະຄ່ອຍໆຫາຍໄປ ເພາະເມື່ອເລັບຍາວກໍ່ຕ້ອງຕັດສ່ວນດຳຖິ້ມ
  6. ຊ່ວຍບໍ່ໃຫ້ບາດແຜຕິດເຊື້ອ ທາວິກບາງໆບໍລິເວນທີ່ເປັນບາດແຜກໍ່ສາມາດຊ່ວຍໃຫ້ບາດແຜບໍ່ຕິດເຊື້ອ ແລະ ຊ່ວຍໃຫ້ບາດແຜເຊົາໄວຂຶ້ນໄດ້ອີກດ້ວຍ
  7. ໄລ່ຍຸງ ແລະ ແມງໄມ້ ທາວິກບາງໆໃນຈຸດທີ່ຍຸງມັກກັດ ຫຼື ຫາກຖືກຍຸງກັດໄປແລ້ວໃຫ້ທາວິກບາງໆແລ້ວຕິດພາດເຕີໄວ້ເພື່ອບໍ່ໃຫ້ເກີດອາການຄັນ
  8. ໃຊ້ເພື່ອໃຫ້ມ້າແຂ່ງມີສະມາທິ ນອກຈາກໃຊ້ກັບຄົນໄດ້ແລ້ວຍັງໃຊ້ກັບມ້າໄດ້ອີກພຽງແຕ່ແຕ້ມວິກທີ່ດັງມ້າ ຈະຊ່ວຍປ້ອງກັນບໍ່ໃຫ້ມ້າໄດ້ກິ່ນມ້າຕົວອື່ນ ຫຼື ໄດ້ກີ່ນມ້າຕົວເມຍ ຊ່ວຍໃຫ້ມ້າໂຟກັດກັບການແຂ່ງຂັນຫຼາຍຂຶ້ນ

ບໍ່ໜ້າເຊື່ອເລີຍວ່າວິກພຽງ 1 ກັບຈະມີປະໂຫຍດເຖິງພຽງນີ້ດັ່ງນັ້ນຈຶ່ງບໍ່ມີເຫດຜົນອັນໃດທີ່ທ່ານຈະບໍ່ຫາຊື້ວິກນັ້ນນອກຈາກຈະຊ່ວຍບັນເທົາອາການຕັນດັງແລ້ວ ຍັງນຳໃຊ້ປະໂຫຍດໄດ້ອີກຫຼາຍເກີນລາຄາ