ທ່ານ ຫານຊະນະ ສີສານ, ກຳມະການສູນກາງແນວລາວສ້າງຊາດເປັນບຸກຄົນໜຶ່ງທີ່ເຕີບໃຫ່ຍມາກັບວິທະຍຸກະຈາຍສຽງແນວລາວຮັກຊາດກໍ່ຄືວິທະຍຸກະຈາຍສຽງແຫ່ງຊາດລາວໃນປະຈຸບັນ ທ່ານໃຫ້ສໍາພາດ ໂອກາດເຂົ້າຮ່ວມກອງປະຊຸມສາມັນຄົບຄະນະ ກໍາມະການສູນກາງແນວລາວສ້າງຊາດ ຄັ້ງທີ 5 ສະໄໝທີ x ທີ່ຈັດຂຶ້ນຢູ່ນະຄອນຫລວງວຽງຈັນ ລະຫວ່າງວັນທີ 11 ຫາ12 ສິງຫານີ້ວ່າ: ວິທະຍຸກະຈາຍສຽງຍັງເປັນສື່ທີ່ນຳໜ້າໃນການເຮັດໜ້າທີ່ໂຄສະນາເຜີຍແຜ່ແນວທາງນະໂຍບາຍຂອງພັກ ປະກອບສ່ວນສຳຄັນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ເປັນເຄື່ອງມືໂຄສະນາໜື່ງທີ່ໄດ້ຮັບຜົນທີ່ສຸດ ໂດຍອາໄສກະແສຄື້ນກະຈາຍໄປທົ່ວປະເທດ ພ້ອມດຽວກັນຍັງໄດ້ນໍາໃຊ້ເພັງປຸກລະດົມກຳລັງຮັກຊາດໃຫ້ມີກຳລັງໃຈຕໍ່ສູ້ເພື່ອຍາດເອົາເອກະລາດມາສູ່ປະເທດຊາດ ແລະປະຊາຊົນບັນດາເຜົ່າ ສະນັ້ນຈຶ່ງເວົ້າໄດ້ວ່າວິທະຍຸມີບົດບາດສຳຄັນທີ່ສຸດໃນການຕັດສິນກຳລັງຮັກຊາດ.
ໃນໂອກາດວັນສື່ມວນຊົນ ແລະການພິມຈຳໜ່າຍລາວ ວັນທີ 13 ສິງຫາ ຄົບຮອບ 70 ປີກໍ່ຄືວັນສ້າງ ຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ ທ່ານ ຫານຊະນະ ສີສານ ຮຽກຮ້ອງໃຫ້ວິທະຍຸກະຈາຍສຽງແຫ່ງຊາດລາວປັບປຸງລາຍການຕ່າງໆໃຫ້ເຂົ້າເຖິງຜູ້ຟັງແຕ່ລະກຸ່ມຄົນໃນສັງຄົມຫລາຍຂຶ້ນ ເພື່ອໃຫ້ແທດເໝາະກັບສະພາບການພັດທະນາ ແລະການເຕີບໃຫ່ຍຂະຫຍາຍຕົວຂອງປະເທດໃນປະຈຸບັນ ແລະສາມາດດຶງດູດຜູ້ຟັງໄດ້ດີກວ່າເກົ່າ.
ໂດຍ: ຈັນທະສອນ ສີຫານາດ

Loading...