ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ວິທີການຮັກສາສຽງແຫບແຫ້ງ

ອາການຂອງສຽງແຫບແຫ້ງເປັນອາການໜຶ່ງເມື່ອເວລາເວົ້າຈະເປັນສຽງທີ່ຜິດປົກກະຕິແປກໄປຈາກເດີມ ຫຼື ເປັນລັກສະນະທີ່ບໍ່ມີສຽງໄປເລີຍ ການທີ່ເປັ່ງສຽງອອກມາອາດຈະບໍ່ໄດ້ດັງ ອອກຄືສຽງປົກກະຕິ ແລະ ຕ້ອງເປັ່ງສຽງອອກມາຫຼາຍກ່ວາເກົ່າເພື່ອໃຫ້ສຽງທີ່ດັງຂຶ້ນ ໃນບາງເທື່ອອາດຈະເຮັດໃຫ້ເຈັບຄໍຈົນຕ້ອງເປັ່ງສຽງດັງບໍ່ໄດ້ ຊຶ່ງແນ່ນອນວ່າຈະເປັນບັນຫາສຳລັບຜູ້ໃຊ້ສຽງປະຈຳ ຕົວຢ່າງ: ນັກຮ້ອງ ຄູ ຫຼື ໃຜກໍ່ຕາມທີ່ໃຊ້ການເວົ້າເປັນຫຼັກ

ສາເຫດທີ່ເຫັນເລື້ອຍໆ ເກີດຈາກການໃຊ້ສຽງເປັນໄລຍະເວລາດົນ ລະບົບທາງເດີນຫາຍໃຈສ່ວນເທິງຕິດເຊື້ອໄວຣັດ ໄອເລື້ອຍໆ ພູມແພ້ ສູບຢາ ເປັນຫວັດ

ສາເຫດທີ່ເຫັນໄດ້ໜ້ອຍ ມະເຮັງໃນລຳຄໍ ຕ່ອມໄທຣອຍອັກເສບ ກ່ອງສຽງອັກເສບ

ຫາກເຫັນວ່າຕົນເອງມີອາການດັ່ງກ່າວໃຫ້ຮັກສາໂດຍໃຊ້ສຽງໃຫ້ໜ້ອຍລົງ ໃຫ້ພັກຜ່ອນຢ່າງພຽງພໍ ກໍ່ຈະເຮັດໃຫ້ອາການບັນເທົາລົງໄດ້ ແຕ່ຫາກຕ້ອງການຮັກສາໃຫ້ເຊົາໄວຂຶ້ນ ຫຼື ຜູ້ທີ່ເປັນແລ້ວບໍ່ເຊົາຈັກເທື່ອ ສາມາດໃຊ້ວິທີການດັ່ງນີ້ເພື່ອບັນເທົາອາການ

  1. ກະທຽມ ຊ່ວຍຮັກສາສຽງແຫບໄດ້ເພາະກະທຽມສາມາດຂ້າພະຍາດຕ່າງໆ ທີ່ຢູ່ໃນລໍາຄໍເຮົາເຮັດໃຫ້ສຽງສົດໃສກັບຄືນມາຄືເກົ່າໄດ້ ເອົາກະທຽມ 4-5 ກີບ ມາປັ່ນໃຫ້ລະອຽດປະສົມກັບນໍ້າໜຶ່ງຈອກ ຄ່ອຍໆຈິບມື້ລະ 3 ເທື່ອຈົນກ່ວາອາການຈະດີຂຶ້ນ
  2. ໝາກນາວ ເປັນສະໝຸນໄພບູຮານຮັກສາສຽງຂອງເຮົາໄດ້ໂດຍຈະເຮັດໃຫ້ຊຸ່ມຄໍ ບັນເທົາອາການເຈັບ ແລະ ອັກເສບພ້ອມກັນ ແລະ ຍັງມີວິຕາມິນຊີ ທີ່ຊ່ວຍໃນການຕ້ານເຊື້ອພະຍາດຫລຸດອາການອັກເສບໃຊ້ນໍ້າໝາກນາວ 1 ບ່ວງແກງ ແລະ ນໍ້າເຜິ້ງປະລິມານເທົ່າກັນປະສົມກັບນໍ້າອຸ່ນ 1 ຈອກ ຈິບເທື່ອລະໜ້ອຍ ຫຼື ນໍາໝາກນາວມາຜ່າເຄິ່ງແລ້ວໂຮຍດ້ວຍເກືອເລັກຫນ້ອຍ ບີບລົງໄປໃນລຳຄໍມື້ລະ 3 ເທື່ອ
  3. ຂີງ ມີສັບພະຄຸນໃນການຮັກສາລໍາຄໍໄດ້ດີຈຶ່ງຊ່ວຍບັນເທົາອາການສຽງແຫບໄດ້ ຫລຸດອາການອັກເສບ ຊ່ວຍໃນເລື່ອງການປ້ອງກັນການຕິດເຊື້ອໃນລະບົບທາງເດີນຫາຍໃຈໄດ້ ນໍາຂີງສົດ ໂຮຍເກືອ ກັບ ນໍ້າໝາກນາວເລັກຫນ້ອຍ ຮັບປະທານເລື້ອຍໆ ນອກຈາກນັ້ນຍັງດື່ມນໍ້າຂີງອຸ່ນ ຊ່ວຍໃຫ້ອາການສຽງແຫບຫລຸດລົງໄດ້ເຊັ່ນກັນ
  4. ໝາກເຜັດປົ່ນ ຊ່ວຍໃນເລື່ອງບັນເທົາອາການລະຄາຍເຄືອງໃນລໍາຄໍ ຫລຸດອາການຕິດເຊື້ອໃນລໍາຄໍ ນໍາໝາກເຜັດປົ່ນ 1 ບ່ວງກາເຟ ປະສົມນໍ້າເຜີ້ງ 1 ບ່ວງແກງ ແລ້ວກິນໄດ້ເລີຍ ຫຼື ຫາກເຜັດຈົນເກີນໄປກໍ່ຫລຸດໝາກເຜັດປົ່ນເປັນເຄິ່ງບ່ວງກາເຟ
  5. ນໍ້າເຜີ້ງ ມີປະສິດທິພາບ ບັນເທົາອາການລະຄາຍເຄືອງທີ່ລໍາຄໍ ເຮັດໃຫ້ຊຸ່ມຄໍ ໃຊ້ນໍ້າເຜີ້ງ 1 ບ່ວງແກງ ປະສົມກັບນໍ້າອຸ່ນ 1 ແກ້ວ ຊ່ວຍໃຫ້ອາການສຽງແຫບດີຂຶ້ນ

6. ນໍ້າເກືອບ້ວນປາກ ໃຊ້ເກືອ 1 ບ່ວງກາເຟ ປະສົມກັບນໍ້າອຸ່ນຄົນໃຫ້ເຂົ້າກັນ ລະລາຍໃຫ້ໝົດ ແລ້ວເຮັດເປັນນໍ້າຢາບ້ວນປາກ ມື້ລະ 2 ເທື່ອ