ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ວິທີເພີ່ມເຮໂມໂກລບິນໃນເລືອດ

ເຮໂມໂກລບິນເປັນໂປຣຕີນທີ່ປະກອບດ້ວຍທາດເຫຼັກ ໃນສ່ວນຂອງເມັດເລືອດແດງ ຈື່ງມີສ່ວນສຳຄັນໃນເຊວເມັດເລືອດແດງໂດຍເຮັດໜ້າທີ່ໂດຍການນໍາເອົາອົກຊີແຊນໄປໃຊ້ໃນສ່ວນຕ່າງໆຂອງຮ່າງກາຍ ຈຶ່ງມີບົດບາດສຳຄັນໃນການດຳລົງຊີວິດຂອງມະນຸດຫຼາຍ ໂດຍທົ່ວໄປແລ້ວ ເຮໂມໂກລບິນຈະນໍາອົກຊີແຊນອອກຈາກປອດຜ່ານການສູບສີດຂອງຫົວໃຈ ແລະ ສົ່ງໄປສ່ວນຕ່າງໆຂອງຮ່າງກາຍ ຈາກນັ້ນຈະນໍາເອົາກ໊າດກາກໂບນິກກັບເຂົ້າມາທີ່ປອດ ດັ່ງນັ້ນແລ້ວຫາກບໍ່ມີເຮໂມໂກລບິນການເຮັດວຽກຕ່າງໆຂອງຮ່າງກາຍຈະຢຸດສະໝອງບໍ່ເຮັດວຽກ ເຮັດໃຫ້ເສຍຊີວິດໄດ້

ສຳລັບຜູ້ທີ່ມີ ເຮໂມໂກລບິນ ໜ້ອຍຈະສົ່ງຜົນກະທົບຕໍ່ຮ່າງກາຍ ໂດຍຈະເຮັດໃຫ້ຮ່າງກາຍ ບໍ່ມີແຮງ ສະໝອງເຮັດວຽກຊ້າ ອ່ອນເພຍ ເຈັບຫົວ ວິນຫົວ ຫາຍໃຈບໍ່ເປັນຈັງຫວະ ການເຕັ້ນຂອງຫົວໃຈໄວກ່ວາປົກກະຕິ ຫາກມີເຮໂມໂກລບິນທີ່ຕໍ່າ ຫຼື ມີໜ້ອຍຫຼາຍ ຈະຢູ່ໃນພາວະເລືອດຈາງຊຶ່ງຈະມີຄວາມຮຸນແຮງຫຼາຍຂຶ້ນ ໃນຮ່າງກາຍຂອງເຮົາຈະມີລະດັບເຮໂມໂກລບິນທີ່ຕ່າງກັນ ຕົວຢ່າງ: ລະຫວ່າງຜູ້ຊາຍ ແລະ ຜູ້ຍິງ ຄົນອາໄສຢູ່ບ່ອນສູງຈະມີລະດັບບໍ່ເທົ່າກັບຄົນອາໄສບ່ອນພື້ນທີ່ຕໍ່າ ຜູ້ຍິງທີ່ຢູ່ໃນໄລຍະຖືພາຈະມີລະດັບເຮໂມໂກລບິນທີ່ຕໍ່າ ນອກຈາກນັ້ນຖ້າຫາກຮ່າງກາຍຂາດທາດເຫຼັກ ກົດໂຟຣິກ ວິຕາມິນຊີ ວິຕາມິນບີ 12 ຫຼື ອາດຈະເກີດຈາກພະຍາດຕ່າງໆເຊັ່ນ: ພະຍາດໄຕ ພະຍາດເບົາຫວານ ພະຍາດກະເພາະອາຫານ ແລະ ອື່ນໆ ທີ່ສົ່ງຜົນກະທົບຕໍ່ການດູດຊືມສານອາຫານທີ່ຈໍາເປັນໃນລະດັບທີ່ເຮໂມໂກລບິນໃນຮ່າງກາຍ

ຫາກເຮໂມໂກລບິນໜ້ອຍ ຫຼື ຕໍ່າ ສາມາດທີ່ຈະເພີ່ມລະດັບໃຫ້ສູງຂື້ນດ້ວຍວິທີການທາງທຳມະຊາດ ຊຶ່ງໄດ້ແກ່ການຮັບປະທານອາຫານທີ່ມີປະໂຫຍດເຂົ້າໄປ ຫຼື ວິທີຕ່າງໆ

  1. ກິນອາຫານທີ່ມີທາດເຫຼັກ ທາດເຫຼັກມີຄວາມສໍາຄັນໃນເຮໂມໂກລບິນ ແລະ ເປັນສາເຫດທີ່ສາມາດເຫັນໄດ້ຕະຫຼອດເນື່ອງຈາກໄດ້ຮັບທາດເຫຼັກໜ້ອຍ ອາຫານທີ່ມີທາດເຫຼັກສູງເຊັ່ນ: ຕັບສັດ ກຸ້ງ ນົມຖົ່ວເຫຼືອງ ອາມອນ ຫອຍນາງຣົມ ໜໍ່ໄມ້ຝຣັ່ງ ຜັກຫົມ ທັນຍາພືດຕ່າງໆ
  2. ເພີ່ມວິຕາມິນຊີ ບາງເທື່ອທາດເຫຼັກບໍ່ສາມາດດູດຊຶມເຂົ້າສູ່ຮ່າງກາຍໄດ້ຈຶ່ງຕ້ອງອາໄສວິຕາມິນຊີ ໃນການຊ່ວຍດູດຊຶມເຂົ້າໄປດ້ວຍ ໂດຍສານອາຫານຕ່າງໆມີວິຕາມິນຊີ ໃນບ້ານເຮົານັ້ນມີຫຼາກຫຼາຍ ໂດຍສະເພາະ ຜັກ ແລະ ໝາກໄມ້ທີ່ມີລົດຊາດສົ້ມ ຈະມີວິຕາມິນຊີຫຼາຍເຊັ່ນ: ໝາກມ່ວງ ໝາກກ້ຽງ ໝາກນາວ ໝາກພຸກ ໝາກເລັ່ນ ສະຕໍເບີຣີ ໝາກຫຸ່ງ ເປັນຕົ້ນ
  3. ເພີ່ມກົດໂຟຣິກ ກົດໂຟຣິກເປັນສານອາຫານທີ່ຈໍາເປັນອີກຊະນິດໜຶ່ງໃນເຮໂມໂກລບິນ ຫາກຂາດໄປແລ້ວກໍ່ຈະເຮັດໃຫ້ລະດັບເຮໂມໂກລບິນຕໍ່າເຊັ່ນກັນ ແຫຼ່ງອາຫານຂອງກົດໂຟຣິກໄດ້ແກ່ ຜັກຊະນິດຕ່າງໆ ເຂົ້າ ຖົ່ວງອກ ກ້ວຍ ຕັບ
  4. ໝາກແອັບເປິ້ນ ເປັນໝາກໄມ້ອີກຊະນິດໜຶ່ງທີ່ສາມາດເພີ່ມລະດັບເຮໂມໂກລບິນໃນຮ່າງກາຍໄດ້ ເພາະອຸດົມໄປດ້ວຍທາດເຫຼັກ ແລະ ສານອາຫານຊະນິດອື່ນທີ່ສົ່ງຜົນເຮັດໃຫ້ເມັດເລືອດແດງເພີ່ມຂຶ້ນ
  5. ໝາກພິລາ ມີທາດເຫຼັກ ຄາໂບໄຮເດດ ເສັ້ນໃຍ ແລະ ສານອາຫານຊະນິດອື່ນ ທີ່ເຮັດໃຫ້ເຮໂມໂກລບິນໃນເລືອດຢູ່ໃນລະດັບປົກກະຕິໄດ້ ນອກຈາກນັ້ນຍັງເຮັດໃຫ້ການໝູນວຽນໃນເລືອດໄດ້ດີ ໂດຍການດື່ມນໍ້າໝາກພິລາໃນທຸກໆເຊົ້າ
  6. ຕຳແຍ ເປັນພືດສະໝຸນໄພທີ່ທາງບ້ານເຮົາໃຊ້ເປັນຢາມາດົນແລ້ວ ຕໍາແຍ ມີທາດເຫຼັກ ວິຕາມິນຊີ ວິຕາມິນບີ ທີ່ຊ່ວຍໃຫ້ເມັດເລືອດແດງມີຈຳນວນເພີ່ມຂຶ້ນ