ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປລາວ ຍົກເລີກງານໂຮມຊຸມນຸມ ສະຫລອງວັນສຳຄັນຂອງພັກ-ຂອງຊາດ ເພື່ອປ້ອງກັນພະຍາດ ໂຄວິດ-19

ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດທັງເປັນຜູ້ຕາງຫນ້າ ຄະນະຊີ້ນຳລະດັບຊາດ ກ່ຽວກັບການສະເຫລີມສະຫລອງວັນສຳຄັນຂອງພັກ-ຂອງຊາດ ປະຈຳປີ 2020 ຢັ້ງຢືນວ່າ: ການສະເຫຼີມສະຫຼອງວັນ ສຳຄັນຂອງພັກ, ຂອງຊາດປະຈຳປີ 2020 ໃຫ້ຫຼີກລຽງ ການ ຈັດກິດຈະກໍາ ທີ່ມີການເຕົ້າ ໂຮມມວນ ຊົນເປັນ ຈໍານວນຫຼວງຫຼາຍ ເພາະມີຄວາມສ່ຽງ ຕໍ່ການ ຕິດ ເຊື້ອ ພະຍາດອັກເສບປອດທີ່ເກີດຈາກເຊື້ອຈຸລະໂຣກສາຍພັນ ໃໝ່ ຫລືໂຄວິດ19. ໃນໂອກາດຖະແຫລງຂ່າວຕໍ່ສື່ມວນຊົນກ່ຽວກັບການສະເຫລີມສະຫລອງວັນສ້າງຕັ້ງ ພັກປະ ຊາຊົນປະຕິວັດລາວວັນທີ 22 ມີນາຄົບຮອບ 65ປີ ຈັດຂື້ນໃນຕອນເຊົ້າມືນີ້ ຢູ່ ຫ້ອງວ່າການ ສູນ ກາງພັກນະຄອນຫລວງວຽງຈັນ ທ່ານ ພັນຄໍາ ວິພາວັນ ກໍາມະການ ກົມ ການເມືອງສູນກາງພັກ ຜູ້ ປະຈໍາການຄະນະເລຂາ ທິການສູນກາງພັກ ຮອງປະທານ ປະ ເທດ ທັງເປັນຜູ້ຕາງຫນ້າ ຄະນະຊີ້ ນຳລະດັບຊາດ ກ່ຽວກັບການສະເຫລີມສະ ຫລອງ ວັນສຳຄັນຂອງພັກ-ຂອງຊາດ ປະຈຳປີ 2020 ມີຄໍາເຫັນວ່າ: ປັດຈຸບັນສະພາບການລະບາດຂອງພະຍາດອັກເສບປອດທີ່ເກີດຈາກເຊື້ອຈຸລະໂຣກສາຍ ພັນໃໝ່ ຫລື COVID-19 ທີ່ເກີດຂຶ້ນນັບແຕ່ທ້າຍປີ 2019 ເປັນຕົ້ນມາໄດ້ ເພີ່ມທະ ວີຄວາມຮຸນແຮງ ແລະ ສ້າງຄວາມເສຍ ຫາຍຢ່າງໃຫຍ່ຫລວງໃນຫລາຍປະເທດ ມາ ຮອດປັດຈຸບັນເຖິງວ່າຢູ່ປະເທດລາວ ຍັງບໍ່ທັນມີກໍ ລະນີຜູ້ຕິດເຊື້ອພະຍາດ ນີ້ກໍ່ຕາມ ແຕ່ມີຄວາມ ສ່ຽງທີ່ອາດ ເກີດການລະ ບາດຍ້ອນ ຫລາຍ ປະເທດອ້ອມຂ້າງ ໄດ້ມີການ ລະບາດຂອງເຊື້ອພະ ຍາດນີ້ແລ້ວ.

ຍ້ອນເຫັນໄດ້ຄວາມສ່ຽງ ເກີດການ ລະບາດຂອງພະຍາດ ແລະ ດ້ວຍຄວາມຮັບຜິດຊອບ ຕໍ່ຄວາມ ປອດ ໄພຂອງປະຊາຊົນ, ສູນກາງ ພັກຈິ່ງໄດ້ ຊີ້ນຳຕໍ່ຄະນະຮັບ ຜິດຊອບຊີ້ນຳລະດັບຊາດການ ສະເຫຼີມສະຫຼອງວັນສຳ ຄັນ ຂອງພັກ, ຂອງຊາດ ປະຈຳປີ 2020 ໃຫ້ຫຼີກລຽງການຈັດກິດ ຈະກໍາທີ່ມີການເຕົ້າ ໂຮມມວນ ຊົນເປັນຈໍານວນຫຼວງ ຫຼາຍ ທີ່ສ່ຽງຕໍ່ການຕິດ ແລະ ເກີດການລະບາດ ຂອງເຊື້ອພະຍາດ ອັກເສບປອດຈາກເຊື້ອຈຸລະໂຣກສາຍພັນໃໝ່ ຫລື COVID-19 ເປັນຕົ້ນ:ຍົກເລີກແຜນ ການຈັດໂຮມຊຸມນຸມໃຫຍ່ ຢູ່ນະຄອນຫຼວງວຽງຈັນ ໃນວັນທີ 20 ມີນາ ພ້ອມ ທັງສະເໜີຄະນະພັກ, ອົງການປົກຄອງທຸກລະດັບ ຍົກເລີກທຸກແຜນການ ທີ່ພົວພັນເຖິງການຈັດກິດ ຈະກຳທີ່ ມີການ ເຕົ້າໂຮມຄົນເປັນຈຳນວນຫຼາຍເພື່ອສະເຫຼີມສະຫຼອງວັນສ້າງຕັ້ງ ພັກ ຄົບຮອບ 65 ປີ. ຜູ້ປະຈໍາການຄະນະເລຂາທິການສູນກາງພັກຮອງປະທານປະເທດທັງເປັນຜູ້ຕາງຫນ້າຄະນະຊີ້ນຳລະດັບຊາດກ່ຽວກັບ ການສະເຫລີມສະຫລອງວັນສຳຄັນຂອງພັກ-ຂອງຊາດ ປະຈຳປີ 2020ມີຄໍາເຫັນຕື່ມ ວ່າ:ສໍາລັບການ ສະເຫລີມສະ ຫລອງວັນສ້າງຕັ້ງ ພັກປະຊາຊົນປະຕິວັດລາວວັນທີ22ມີນາຄົບຮອບ65ປີແລະວັນສໍາຄັນຕ່າງໆຂອງຊາດ ໃຫ້ຈັດລາຍ ການພິເສດ ໃນວັນທີ 22 ມີນານີ້ ໂດຍສະຫາຍເລຂາທິການໃຫຍ່ຄະນະບໍລິ ຫານງານສູນກາງພັກປະ ທານປະ ເທດ ຈະກ່າວຄຳປາໄສຜ່ານທາງໂທລະພາບ ແລະ ວິທະຍຸກິະຈາຍສຽງແຫ່ງຊາດລາວ ແລະ ເຜີຍແຜ່ຜ່ານທາງ ສື່ສັງຄົມ ອອນ ລາຍ, ລວມທັງໜັງສືພິມທາງການ ແລະ ສື່ສິ່ງພິມອື່ນໆຢ່າງກວ້າງຂວາງ,ການໂຄສະນາ, ປຸກລະດົມ ແລະ ຊຸກຍູ້ຂະ ບວນການວັນສ້າງຕັ້ງ ພັກປະຊາຊົນປະຕິວັດ ລາວ ຄົບຮອບ 65 ປີ ຜ່ານສື່ມວນຊົນຕ່າງໆ ຢ່າງແຂງແຮງ ແລະ ຕໍ່ເນື່ອງ ດ້ວຍຮູບການຕ່າງໆ ເຊັ່ນ: ບົດຄວາມ, ບົດຂ່າວ, ສາລະຄະດີ, ບົດເພງ, ບົດສຳພາດ, ບົດເລົ່າມູນເຊື້ອ, ບົດວຽກ ດີຄົນ ເດັ່ນ…ເລີ່ມແຕ່ດຽວນີ້ໄປຈົນຮອດເດືອນເມສາ,ຈັດຕັ້ງກອງປະຊຸມສຳມະນາວິທະຍາ ສາດໃນຫົວຂໍ້ ຕ່າງໆກ່ຽວ ກັບ ການນຳພາຂອງພັກຢ່າງເໝາະສົມຕາມເງື່ອນໄຂຕົວຈິງຢູ່ແຕ່ລະບ່ອນ,ແຕ່ຕ້ອງເພີ່ມທະວີການກັ່ນກອງຜູ້ເຂົ້າຮ່ວມໂດຍກະກຽມບັນດາເຄື່ອງມືແລະອຸປະກອນຮັບໃຊ້ຕ່າງໆທີ່ຈຳເປັນເຊັ່ນ:ນ້ຳຢາລ້າງມື,ນ້ຳຢາຂ້າເຊື້ອ,ເຄື່ອງວັດແທກອຸນຫະພູມ,ພ້ອມທັງໃຫ້ມີການດຳເນີນຊີວິດການເມືອງພາຍໃນແຕ່ລະຮາກຖານ,ໂດຍເລັ່ງໃສ່ບັນຫາສຳຄັນຈຳນວນໜຶ່ງເຊັ່ນ:ຄົ້ນຄວ້າຮ່ຳຮຽນມູນເຊື້ອ,ພາລະກຳປະຫວັດສາດຂອງພັກ,ໄພອັນຕະລາຍທີ່ພັກພວມປະເຊີນໜ້າແລະການເລັ່ງທວງໃນສະພາບການໃໝ່,ການແກ້ໄຂບັນຫາຫຍໍ້ທໍ້,ການຝຶກຝົນຫລໍ່ຫລອມ,ຄວາມເປັນເຈົ້າການ,ຄວາມເປັນແບບຢ່າງນຳໜ້າຂອງສະມາຊິກພັກພະນັກງານທາງດ້ານມານະຈິດປະຕິວັດ,ຄຸນທາດການເມືອງ,ຄຸນສົມບັດສິນທຳປະຕິວັດ,ການທຸ້ມເທກຳລັງວັງຊາ,ສະຕິປັນຍາເພື່ອພາລະກິດປະຕິວັດແລະຄວາມຢູ່ດີກິນດີຂອງປະຊາຊົນ ກໍ່ຄືຄວາມເຂັ້ມແຂງຂອງປະເທດຊາດ, ເຮັດໃຫ້ພັກເຮົາມີຄວາມປອດໃສ, ເຂັ້ມແຂງ, ໜັກແໜ້ນ, ເດັດດ່ຽວນຳພາປະເທດຊາດກ້າວຂຶ້ນສູ່ຈຸດໝາຍ ສັງຄົມນິຍົມ.

ຂ່າວ; ເດດອາລຸນ ແກ້ວວິໄລວົງ ພາບ: ທອງວັນ ກັນຍາວົງ