ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

 ສປປ ລາວ ບໍ່ມີລາຍງານພົບຜູ້ຕິດເຊື້ອພະຍາດໂຄວິດ19, 30ມື້ລຽນຕິດ

ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດ ຄວບຄຸມພະຍາດໂຄວິດ19 ຖະແຫລງຕໍ່ສື່ມວນຊົນ ຕອນບ່າຍວັນທີ 12 ພຶດສະພານີ້ ເຖິງສະພາບການລະບາດຂອງພະຍາດວ່າ: ວັນທີ 11 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 327 ຄົນ, ໃນນັ້ນ ມີກໍລະນີສົງໄສ 41 ຄົນ, ຜູ້ຕິດເຊື້ອທີ່ເອົາກັບຄືນມານອນຕິດຕາມຢູ່ໂຮງໝໍ 1 ຄົນ (ກໍລະນີ 14), ແຮງງານລາວທີ່ກັບມາຈາກປະເທດໄທ 99 ຄົນ, ແຮງງານໄທທີ່ເຂົ້າມາລາວ 169 ຄົນ ແລະ ແຮງງານຫວຽດທີ່ເຂົ້າມາລາວ 17 ຄົນ., ຜົນກວດວິເຄາະທັງໝົດ ໃນວັນທີ 11 ພຶດສະພາ 2020 ບໍ່ມີຜູ້ຕິດເຊື້ອໃໝ່. ປະຈຸບັນນີ້ ມີຜູ້ນອນຕິດຕາມຢູ່ໂຮງໝໍມິດຕະພາບ 6 ຄົນ ລວມທັງກໍລະນີ 14 ທີ່ເອົາກັບຄືນມານອນຕິດຕາມອາການຢູ່ໂຮງໝໍ, ທັງໝົດເຫັນວ່າມີອາການເບົາບາງ ແລະ ສືບຕໍ່ຕິດຕາມອາການ ແລະ ກວດວິເຄາະຊອກຫາເຊື້ອອີກໃນໜື່ງອາທິດຕໍ່ໜ້າ.

ບັນຫາສຳຄັນປະຈຸບັນແມ່ນ ການຕິດຕາມວິເຄາະກວດຫາຜູ້ຕິດເຊື້ອ ທີ່ເດີນທາງເຂົ້າມາປະເທດເຮົາ, ໂດຍສະເພາະ ແມ່ນແຮງງານລາວ ທີ່ເຂົ້າມາຜ່ານຈຸດຜ່ານແດນຕ່າງໆ ລວມທັງ ຜູ້ທີ່ເຂົ້າມາໂດຍເສັ້ນທາງທຳມະຊາດ, ທາງທ້ອງຖິ່ນ, ຮາກຖານຕ່າງໆ. ມື້ວານນີ້ເກັບຕົວຢ່າງມາກວດທັງໝົດ 327 ຕົວຢ່າງ, ໃນນັ້ນມີແຮງງານລາວ 99 ຕົວຢ່າງ ເຊິ່ງໃຫ້ຜົນລົບທັງໝົດ.

ມາຮອດວັນທີ 12 ພຶດສະພາ ທົ່ວໂລກມີຜູ້ຕິດເຊຶ້ອ 4.246.248 ຄົນ, (ເພີ່ມຂຶ້ນ 71.956 ຄົນ), ເສຍຊີວິດ 286.831 ຄົນ, (ເພີ່ມ 3.230 ຄົນ), ປົວດີ 1.476.639 ຄົນ.

ອາເມລິກາ : ຕິດເຊື້ອ 1.378.668 ຄົນ, (ເພີ່ມຂຶ້ນ 18.991 ຄົນ) ຫຼາຍເປັນອັນດັບ 1 ຂອງໂລກ (ເສຍຊີວິດ 81.486 ຄົນ (ເພີ່ມ 978 ຄົນ)

– ຈີນແຜ່ນດິນໃຫຍ່ : ຕິດເຊື້ອ 82.918 ຄົນ, ເສຍຊີວິດ 4.633 ຄົນ, ປົວດີ 78.144 ຄົນ.

– ຫວຽດນາມ :ຕິດເຊື້ອ 288 ຄົນ, ປົວດີ 249 – ໄທ : ຕິດເຊື້ອ 3.015 ຄົນ (ເພີ່ມ 6 ຄົນ) ປົວດີ 2.796 ຄົນ, ເສຍຊີວິດ 56 ຄົນ