ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປ ລາວ ບໍ່ມີລາຍງານ ພົບຜູ້ຕິດເຊື້ອພະຍາດໂຄວິດ19 ເພີ່ມໃໝ່ 24ມື້ ລຽນຕິດ

ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ ຄວບຄຸມພະຍາດໂຄວິດ 19 ຖະແຫລງຕອນບ່າຍວັນທີ 6 ພຶດສະພານີ້ ເຖິງສະພາບການຄວບຄຸມພະຍາດໂກວິດ 19 ຢູ່ລາວວ່າ: ໃນວັນທີ 5 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 87 ຄົນ, ໃນນັ້ນ ມີກໍລະນີສົງໄສ 4 ຄົນ ແລະ ແຮງງານລາວທີ່ກັບມາຈາກປະເທດໄທ 83 ຄົນ. ຜົນກວດທັງໝົດ 87 ຄົນ ຂອງມື້ວານນີ້ ບໍ່ພົບເຊື້ອໃໝ່. ໝາຍຄວາມວ່າໃນວັນທີ 5 ພຶດສະພາ 2020 ບໍ່ມີກໍລະນີໃໝ່.

ການຕິດຕາມປີ່ນປົວຄົນເຈັບຢູ່ໂຮງໝໍ : ປະຈຸບັນ ມີຜູ້ນອນຕິດຕາມຢູ່ໂຮງໝໍມິດຕະພາບ 10 ຄົນ ລວມທັງອັນດັບ 14 ທີ່ເອົາກັບຄືນມານອນຕິດຕາມອາການຢູ່ໂຮງໝໍ, ທັງໝົດເຫັນວ່າມີອາການເບົາບາງ ແລະ ຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ

ວຽກງານຈຸດຜ່ານດ່ານ: ຈໍານວນຜູ້ເດີນທາງເຂົ້າມາ ມີທັງໝົດ 1,715 ຄົນ

ໃນນັ້ນຈຸດຜ່ານດ່ານລາວ-ໄທ ທັງໝົດ 1,071 ຄົນ, ໃນນັ້ນ ມີແຮງງານລາວກັບມາຈາກປະເທດໄທ ຜ່ານດ່ານຊ່ອງເມັກ ແຂວງຈຳປາສັກ                        67 ຄົນ ແລະ ຜ່ານດ່ານຂົວມິດຕະພາບ II ຈຳນວນ 5 ຄົນ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ

  • ຈຸດຜ່ານດ່ານລາວ-ຈີນ ທັງໝົດ 18 ຄົນ,​ ທັງໝົດ ແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຫວຽດ ທັງໝົດ 626 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ

ໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້

-ຮອດເວລາ 15 ໂມງມື້ນີ້ ທົ່ວໂລກ : ມີຜູ້ຕິດເຊຶ້ອທັງໝົດ 3.738.860 ຄົນ, (ເພີ່ມຂຶ້ນ 11.704 ຄົນ), ເສຍຊີວິດ 258.210 ຄົນ,                 (ເພີ່ມຂຶ້ນ109 ຄົນ), ປົວດີ 1.206.138 ຄົນ.

– ຈີນແຜ່ນດິນໃຫຍ່ : ມີຜູ້ຕິດເຊື້ອ 82.883 ຄົນ, (ເພີ່ມຂຶ້ນ 2 ຄົນ) ເສຍຊີວິດ 4.833 ຄົນ, ປົວດີ 77.911 ຄົນ.

– ອາເມລິກາ : ມີຜູ້ຕິດເຊື້ອ 1.235.957 ຄົນ, (ເພີ່ມຂຶ້ນ 25.398 ຄົນ) ເສຍຊີວິດ 72.001 ຄົນ (ເພີ່ມຂຶ້ນ 2.325 ຄົນ)

– ຫວຽດນາມ : ມີຜູ້ຕິດເຊື້ອ 271 ຄົນ, ປົວດີ 232ຄົນ, ບໍ່ມີຜູ້ເສຍຊີວິດ

– ໄທ : ຕິດເຊື້ອ 2.988 ຄົນ (ເພີ່ມ 1 ຄົນ) ປົວດີ 2.747 ຄົນ, ຕາຍ 54 ຄົນ