ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປ ລາວ ພົບຜູ້ມີຜົນບວກພະຍາດໂຄວິດ19 ທີ່ອອກໂຮງໝໍແລ້ວ 1 ຄົນ, ແຕ່ຄົນເຈັບອອກໂຮງໝໍອີກ 2ຄົນ  

ສຈ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ ຄວບຄຸມພະຍາດໂຄວິດ 19 ຖະແຫລງຕອນບ່າຍວັນທີ 2 ພຶດສະພານີ້ ເຖິງສະພາບການຄວບຄຸມພະຍາດໂຄວິດ 19 ຢູ່ລາວວ່າ: ວັນທີ 1 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 144 ຄົນ, ໃນນັ້ນ ຜູ້ມີອາການສົງໄສມາກວດຢູ່ໂຮງໝໍ 3 ຄົນ, ເກັບຕົວຢ່າງຜູ້ຕິດເຊື້ອທີ່ນອນປິ່ນປົວຢູ່ໂຮງໝໍມາກວດຄືນ 3 ຄົນ, ຜູ້ທີ່ອອກໂຮງໝໍຕິດຕາມຢູ່ເຮືອນຄົບກໍານົດ 14 ມາກວດຄືນ 1 ຄົນ, ແຮງງານຈີນທີ່ເຂົ້າມາເຮັດທາງລົດໄຟ 127 ຄົນ ແລະ ແຮງງານລາວທີ່ກັບມາຈາກປະເທດໄທ 10 ຄົນ.

ຜົນກວດທັງໝົດ 143 ຄົນ ຂອງມື້ວານນີ້ ບໍ່ພົບເຊື້ອໃໝ່. ໝາຍຄວາມວ່າໃນວັນທີ 1 ພຶດສະພາ2020 ບໍ່ມີກໍລະນີໃໝ່. ສໍາລັບຜູ້ທີ່ອອກໂຮງໝໍນ້ຳເບີ 14 ເພື່ອຈໍາກັດຕົວເອງຢູ່ເຮືອນຄົບກໍານົດ 14 ວັນແລ້ວ ມາກວດຄືນເຫັນວ່າພົບເຊື້ອຄືນ ຈຶ່ງໄດ້ເອົາເຂົ້າຕິດຕາມອາການຢູ່ໂຮງໝໍ

ປະຈຸບັນ ມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍມິດຕະພາບແຕ່ 11 ຄົນ ທັງໝົດເຫັນວ່າ ມີອາການເບົາບາງ, ໄດ້ເກັບຕົວຢ່າງມາກວດວິເຄາະຢັ້ງຢືນວ່າການບໍ່ພົບເຊື້ອ 2 ຄັ້ງຕິດຕໍ່ກັນ 2 ຄົນ ຈຶ່ງໄດ້ໃຫ້ອອກໂຮງໝໍໄປຕິດຕາມຕົນເອງອີກ 14 ວັນ. ຍັງເຫຼືອຢູ່ໂຮງໝໍ 9 ຄົນ.

– ທົ່ວໂລກ : ມີຜູ້ຕິດເຊຶ້ອທັງໝົດ 3.400.697 ຄົນ (ເພີ່ມ 90.270 ຄົນ) ເສຍຊີວິດ 239.435ຄົນ (ເພີ່ມ 5.419 ຄົນ) ປົວດີ 1.054.134 ຄົນ. – ຈີນແຜ່ນດິນໃຫຍ່ : ຕິດເຊື້ອ 82.875 ຄົນ (ເພີ່ມ 1 ຄົນ) ເສຍຊີວິດ 4.633 ຄົນ ປົວດີ 77.685 ຄົນ. – ອາເມລິກາ : ຕິດເຊື້ອ 1.131.059 ຄົນ ຫຼາຍເປັນອັນດັບ 1 ຂອງໂລກ (ເພີ່ມ 34.318 ຄົນ) ເສຍຊີວິດ 65.606 ຄົນ (ເພີ່ມ 1.855 ຄົນ)

– ຫວຽດນາມ : ຕິດເຊື້ອ 270 ຄົນ, ບໍ່ມີຜູ້ເສຍຊີວິດ – ໄທ : ຕິດເຊື້ອ 2.960 ຄົນ (ເພີ່ມ 6 ຄົນ) ປົວດີ 2.719 ຄົນ ເສຍຊີວິດ  54 ຄົນ