ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປ ລາວ ມີຄົນເຈັບທີ່ຕິດພະຍາດໂຄວິດ19 ພຽງແຕ່5ຄົນ ໃນຈໍານວນຜູ້ຕິດເຊື້ອທັງໝົດ 19ຄົນ.

35 ມື້ຜ່ານມາ ສປປ ລາວ ບໍ່ພົບຜູ້ຕິດເຊື້ອພະຍາດໂຄວິດ19, ຂະນະທີ່ຄົນເຈັບທີ່ປິ່ນປົວຢູ່ຮງໝໍ19ຄົນ ປົວດີແລ້ວ 14ຄົນ ຍັງສືບຕໍ່ປິ່ນປົວຢູ່ໂຮງໝໍມິດຕະພາບ5ຄົນ ທີມີອາການເບົາບາງ.

ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຄະນະສະເພາະກິດ ຄວບຄຸມພະຍາດໂຄວິດ19 ຖະແຫລງ ຕອນບ່າຍວັນທີ 17 ພຶດສະພານີ້ ເຖິງການຄວບຄຸມພະຍາດໂຄວິດ19ເຖິງການເຝົ້າລະວັງ ແລະ ວິເຄາະວ່າ ວັນທີ 16 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 138 ຄົນ ໃນນັ້ນຕົວຢ່າງໃໝ່ມີ 27 ຄົນ, ສ່ວນ 111 ຄົນທີ່ຈຳກັດບໍລິເວນຢູ່ ໂຮງແຮມດອນຈັນພາເລດ ແມ່ນໄດ້ເກັບຕົວຢ່າງໃນຕອນຄ່ຳ ຂອງວັນທີ 15/05/2020 ແລະ ມາກວດວິເຄາະ ໃນວັນທີ 16/05/2020), ໃນນັ້ນ ມີກໍລະນີສົງໄສ 6 ຄົນ, ແຮງງານລາວທີ່ກັບມາແຕ່ໄທ 21 ຕົວຢ່າງ, ແຮງງານຈີນ 110 ຄົນ ແລະ ບຸກຄົນທົ່ວໄປ 1 ຄົນ. ຜົນນກວດທັງໝົດຂອງມື້ວານນີ້ແມ່ນ ບໍ່ພົບເຊື້ອໃໝ່.

ສ່ວນການຕິດຕາມປີ່ນປົວຄົນເຈັບຢູ່ໂຮງໝໍ : ຍັງ ມີຜູ້ນອນຕິດຕາມຢູ່ໂຮງໝໍມິດຕະພາບ 5 ຄົນ  ທັງໝົດເຫັນວ່າມີອາການປົກກະຕິ.

ດຣ ລັດຕະນະໄຊ ເພັດສຸວັນ ໃຫ້ຮູ້ອີກວ່າ: ແຈ້ງການຂອງຫ້ອງວ່າການສຳນັກງານນາຍົກ ເຊີ່ງມີ 9 ມາດຕະການຜ່ອນຜັນ ແລະ ຍັງ 4 ມາດຕະການທີ່ຈະສືບຕໍ່ປະຕິບັດ, ສະນັ້ນ ຈຶ່ງຮຽກຮ້ອງໃຫ້ທຸກພາກສ່ວນໃນສັງຄົມ, ຊຸມຊົນ, ຄອບຄົວ ແລະ ສ່ວນບຸກຄົນ ຈົ່ງ  ເອົາໃຈໃສ່ ທຳຄວາມເຂົ້າໃຈ ເພື່ອຮ່ວມແຮງຮ່ວມໃຈກັນ ສືບຕໍ່ຈັດຕັ້ງປະຕິບັດ ແຈ້ງການສະບັບເລກທີ່ 580/ຫສນຍ ລົງວັນທີ່ 15 ພຶດສະພາ 2020 ນີ້ໃຫ້ຖືກຕ້ອງ ແລະ ເຂັ້ມງວດ. ໂດຍສະເພາະ ທຸກໆມາດຕະການທີ່ຜ່ອນຜັນລົງນັ້ນຈະຕ້ອງໄດ້ປະຕິບັດວິທີການປ້ອງກັນການຕິດເຊື້ອເປັນຕົ້ນແມ່ນ: ການປະຕິບັດຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດສະຖານທີ່ບໍລິການຕ່າງໆ, ການແທກອຸນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ທີ່ມີຄວາມສ່ຽງຕໍ່ການຕິດເຊື້ອ ທັງໝົດນີ້ໃຫ້ກາຍເປັນຄວາມຊີ່ນເຄີຍໃນການດຳລົງຊີວິດປະຈຳວັນ.

ຮອດວັນທີ 17 ພຶດສະພາ ທົ່ວໂລກມີຜູ້ຕິດເຊຶ້ອ 4.713.058 ຄົນ, ເພີ່ມຂຶ້ນຈາກມື້ວານນີ້ 169.017ຄົນ), ເສຍຊີວິດ 312.593 ຄົນ.

ອາເມລິກາ : ມີຜູ້ຕິດເຊື້ອ 1.507.924 ຄົນ, ເສຍຊີວິດ 89.595 ຄົນ. ປົວດີ 339.232 ຄົນ.

ອັນດັບສອງແມ່ນແອັສປາຍ ມີຜູ້ຕິດເຊື້ອ 276.505 ຄົນ. ເສຍຊີວິດ 27.563 ຄົນ, ປົວດີ 192.253ຄົນ, ອັນດັບ3 ແມ່ນຣັດເຊຍ ມີຜູ້ຕິດເຊື້ອທັງໝົດ 272.043 ຄົນ, ເສຍຊີວິດ 2.537ຄົນ, ປົວດີ 63.166ຄົນ.

ສ່ວນປະເທດສະມາຊິກອາຊຽນອັນດັບໜຶ່ງແມ່ນປະເທດສິງກະໂປ ມີຜູ້ຕິດເຊື້ອ 27.356 ຄົນ, ເສຍຊີວິດ 22 ຄົນ, ປົວດີ 8.342 ຄົນ, ອິນໂດເນເຊຍ ມີຜູ້ຕິດເຊື້ອ 17.025 ຄົນ, ເສຍຊີວິດ 1.089 ຄົນ, ປົວດີ 3.911 ຄົນ, ຟີລິບປີນ ມີຜູ້ຕິດເຊື້ອ 12.305 ຄົນ, ເສຍຊີວິດ 817 ຄົນ, ປົວດີ 2.561 ຄົນ, ມາເລເຊຍ ມີຜູ້ຕິດເຊື້ອ 6.872 ຄົນ, ເສຍຊີວິດ 113 ຄົນ, ປົວດີ 5.512 ຄົນ, ໄທ ມີຜູ້ຕິດເຊື້ອ 3.025 ຄົນ, ເສຍຊີວີດ 56 ຄົນ, ປົວດີ 2.855 ຄົນ, ຫວຽດນາມ ມີຜູ້ຕິດເຊື້ອ 318 ຄົນ, ບໍ່ມີຜູ້ເສຍຊີວີດ, ປົວດີ 260 ຄົນ, ມຽນມາ ມີຜູ້ຕິດເຊື້ອ 182 ຄົນ, ເສຍຊີວິດ 6 ຄົນ, ປົວດີ 96 ຄົນ, ບຣູໄນ ມີຜູ້ຕິດເຊື້ອ 141 ຄົນ, ເສຍຊີວີດ 1 ຄົນ, ປົວດີ 136 ຄົນ, ກຳປູເຈຍ ມີຜູ້ຕິດເຊື້ອ 122 ຄົນ, ບໍ່ມີຜູ້ເສຍຊີວິດ, ປົວດີ 122 ຄົນ

-ຕີມໍເລສເຕ ມີຜູ້ຕິດເຊື້ອ 24 ຄົນ, ບໍມີຜູ້ເສຍຊີວິດ, ປົວດີໝົດແລ້ວ.