ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປ ລາວ ມີຜູ້ຕິດເຊື້ອພະຍາດໂຄວິດ19 ກໍາລັງປິ່ນປົວຢູ່ໂຮງໝໍພຽງ 3 ຄົນ.

46ມື້ຜ່ານມາ ສປປ ລາວ ບໍ່ພົບຜູ້ຕິດເຊື້ອພະຍາດໂຄວິດ19, ຂະນະທີ່ຄົນເຈັບທີ່ປິ່ນປົວຢູ່ໂຮງໝໍມີພຽງ 3 ຄົນ, ທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດ ຄວບຄຸມໂຄວິດ19 ຖະແຫລງຕໍ່ສື່ມວນຊົນໃນຕອນບ່າຍວັນທີ 28 ພຶດສະພານີ້ ເຖິງສະພາບການຄວບຄຸມໂຄວິດ19 ຢູ່ ສປປ ລາວວ່າ: ວຽກງານເຝົ້າລະວັງ ຮອດ 17ໂມງ ວັນທີ 27 ພຶດສະພາ 2020 ຢູ່ດ່ານຕ່າງໆ ມີຜູ້ເດີນທາງເຂົ້າມາ ມີທັງໝົດ 2,159 ຄົນ, ໃນນັ້ນ ດ່ານລາວ-ໄທ 1,527 ຄົນ, ໃນນັ້ນ ມີແຮງງານລາວກັບມາຈາກປະເທດໄທທັງໝົດ 47 ຄົນ, ເຫຼືອນັ້ນແມ່ນຄົນຂັບລົດຂົນສົົ່ງສິນຄ້າ.  ຈຸດຜ່ານດ່ານລາວ-ຈີນ ທັງໝົດ 11 ຄົນ, ໃນນັ້ນ ມີຊ່ຽວຊານຈີນ 2 ຄົນ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ.  ຈຸດຜ່ານດ່ານລາວ-ຫວຽດ ທັງໝົດ 621 ຄົນ ທຸກດ່່ານ ແມ່ນໄດ້ກວດແທກອຸນຫະພູມຮ່າງກາຍ ແລະ ບໍ່ມີຄົນເປັນໄຂ້.

ດ້ານການກວດວິເຄາະຫາເຊື້ອພະຍາດ: ວັນທີ 28 ພຶດສະພາ 2020, ໄດ້ເກັບຕົວຢ່າງມາກວດວິເຄາະທັງໝົດ 128 ຄົນ, ໃນນັ້ນມີແຮງງານລາວທີ່ກັບມາແຕ່ໄທ 113 ຄົນ, ກໍລະນີສົງໄສ 14 ຄົນ ແລະ ຄົນເຈັບປິ່ນປົວຫາຍດີຄົບກຳນົດ 14 ວັນ ແລ້ວມາກວດຄືນ 1 ຄົນ. ທັງໝົດ ທີ່ກວດມື້ວານນີ້ ບໍ່ພົບເຊື້ອ. (46 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

ການຕິດຕາມປີ່ນປົວຄົນເຈັບຢູ່ໂຮງໝໍ :ປັດຈຸບັນ, ມີຜູ້ນອນຕິດຕາມຢູ່ໂຮງໝໍມິດຕະພາບ 3 ຄົນ ຍີງ 2 ຄົນ ທັງໝົດມີອາການປົກກະຕິ ຈະໄດ້ຕິດຕາມເກັບຕົວຢ່າງມາກວດຕື່ມອີກ 2 ຄັ້ງ ຈຶ່ງຈະໄດ້ພິຈາລະນາອອກໂຮງໝໍ.