ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປ ລາວ ມີຜູ້ຕິດເຊື້ອພະຍາດໄຂ້ຍຸງລາຍ ສະສົມ 2,345 ຄົນ, ເສຍຊີວິດແລ້ວ 7ຄົນ.

ປະຈຸບັນທົ່ວໂລກມີຜູ້ຕິດເຊື້ອພະຍາດໂຄວິດ19 ທັງໝົດ 10.761.771 ຄົນ, ເສຍຊີວິດແລ້ວ 517.526ຄົນ, ໃນນັ້ນອາເມຣິກາ ມີຜູ້ຕິເຊື້ອເຖິງ 2.746.621 ຄົນ, ເສຍຊີວິດ 130.266ຄົນ

ດຣ. ສີສະຫວາດ ສຸດທານີລະໄຊ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ. ຄະນະສະເພາະກິດຄວບຄຸມໂຄວິດ19, ຖະແຫລງຕໍ່ສື່ມວນຊົນ ຕອນເຊົ້າວັນທີ 2 ກໍລະກົດນີ້ ເຖິງສະພາບການຄວບຄຸມໂຄວິດ19 ຢູ່ລາວວ່າ: ວຽກງານເຝົ້າລະວັງ ຮອດເວລາ 17 ໂມງ ວັນທີ 1 ກໍລະກົດ 2020 ທົ່ວປະເທດມີຜູ້ເດີນທາງເຂົ້າລາວທັງໝົດ 2,086 ຄົນ,ໃນນັ້ນຈຸດຜ່ານດ່ານລາວໄທ 1,141 ຄົນ ໃນນີ້ມີແຮງງານລາວກັບມາແຕ່ໄທ 475 ຄົນ, ຜ່ານດ່ານລາວ ຈີນ 18 ຄົນ ທັງໝົດ ແມ່ນຄົນຂັບລົດສົ່ງສິນຄ້າ , ຈຸດຜ່ານດ່ານລາວ ຫວຽດນາມ 657 ຄົນ ມີນັກສືກສາລາວ 26 ຄົນ ເຫຼືອນັ້ນແມ່ນຄົນຂັບລົດສົ່ງສິນຄ້າ ທຸກຄົນໄດ້ແທກອຸນຫະພູມຮ່າງກາຍ, ແລະເກັບຕົວຢ່າງມາກວດ ແລ້ວນຳສົ່ງໄປ​ຫາສະຖານທີ່ ຈຳກັດບໍລິເວນຈົນກວ່າຈະຄົບກຳນົດ 14 ວັນ.

ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ວັນທີ 1 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 478 ຄົນ, ໃນນັ້ນ ມີແຮງງານລາວກັບມາແຕ່ໄທ 416 ຄົນ ແລະ ບຸກຄົນທົ່ວໄປ 62 ຄົນ.

ຜົນກວດທັງໝົດແມ່ນ ບໍ່ພົບເຊື້ອ. 81 ມື້ແລ້ວທີ່ບໍ່ພົບຜູ້ຕິດເຊື້ອ, ແຕ່ເດືອນມັງກອນ ຮອດ ວັນທີ 1 ກໍລະກົດ 2020 ໄດ້ເກັບຕົວຢ່າງມາກວດວິເຄາະທັງໝົດ 16,147 ຕົວຢ່າງ,

ດຣ. ສີສະຫວາດ ສຸດທານີລະໄຊ, ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ.ໃຫ້ຮູ້ເຖິງວຽກງານການຄວບຄຸມພະຍາດໄຂ້ຍຸງລາຍວ່າ: ວັນທີ 1 ກໍລະກົດ 2020  ສປປ ລາວມີຜູ້ຕິດເຊື້ອເພີ່ມອີກ 41 ກໍລະນີ  ມີຜູ້ຕິດເຊື້ອສະສົມທັງໝົດ 2,345 ຄົນ ຫຼາຍກວ່າໝູ່ແມ່ນ ນະຄອນຫຼວງວຽງຈັນ ມີ 531 ກໍລະນີ, ແຂວງວຽງຈັນ 313 ກໍລະນີ, ບໍລິຄຳໄຊ 268 ກໍລະນີ  ແລະ ແຂວງອັດຕະປື 234 ກໍລະນີ. ຈຳນວນຜູ້ເສຍຊີວິດມີ ທັງໝົດ 7 ຄົນ