ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສປປ ລາວ ມີຜູ້ຕິດເຊື້ອພະຍາດໂຄວິດ19 ສະສົມຈໍານວນ20ຄົນ ປິ່ນປົວດີແລ້ວ 19ຄົນ.

ທ່ານ ​ ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ​ກະຊວງສາທາລະນະສຸກ ໄດ້ຖະແຫລງຂ່າວຕໍ່ສື່ມວນຊົນໃນ ຕອນເຊົ້າວັນທີ 27 ກໍລະກົດນີ້ ກ່ຽວກັບ ສະພາບການຄວບຄຸມ COVID-19 ຢູ່ລາວວ່າ:
ຮອດ 17 ໂມງວັນທີ
26 ກໍລະກົດ 2020 ມີຜູ້ເດີນທາງເຂົ້າມາລາວ ມີທັງໝົດ 1,544 ຄົນ:ໃນນັ້ນຜ່ານດ່ານລາວໄທ 619 ຄົນ ມີແຮງງານລາວກັບມາແຕ່ໄທ 58 ຄົນ; ຈຸດຜ່ານດ່ານລາວ ຈີນ 57 ຄົນ, ໃນນີ້ມີ
ແຮງງານຈີນ 44 ຄົນ, ແຮງງານລາວ 1 ຄົນ , ຈຸດຜ່ານດ່ານລາວ ຫວຽດນາມ 790 ຄົນ,  ມີນັກສຶກສາລາວ 02 ຄົນ, ເຫຼືອນັ້ນ ແມ່ນຄົນຂັບລົດສົ່ງສິນຄ້າ ເດີນທາງຜ່ານສະໜາມບິນສາກົນວັດໄຕ 78 ຄົນ, ທັງໝົດແມ່ນ
ຄົນຈີນ; ທຸກຄົນແມ່ນໄດ້ແທກອຸນຫະພູມຮ່າງກາຍ, ແລະ ໄດ້ເກັບຕົວຢ່າງມາກວດ ແລ້ວສົ່ງໄປ​ຫາສະຖານທີ່ ຈຳກັດບໍລິເວນ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ທ່ານ ​ ສີສະຫວາດ ສຸດທານີລະໄຊ ໃຫ້ຮູ້ເຖິງການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດວ່າ:ວັນທີ 26 ກໍລະກົດ 2020, ໄດ້ເກັບຕົວຢ່າງມາກວດວິເຄາະທັງໝົດ 374 ຄົນ, ໃນນັ້ນແຮງງານລາວມາ
ແຕ່ໄທ 42 ຄົນ, ແຮງງານຈີນ 308 ຄົນ, ແຮງງານຫວຽດນາມ 2 ຄົນ ແລະ ບຸກຄົນທົ່ວໄປທີ່ບໍ່ມີອາການ 22 ຄົນ; ຜົນກວດວິເຄາະທັງໝົດແມ່ນ ບໍ່ພົບເຊື້ອ ໝາຍຄວາມວ່າໃນວັນທີ 26 ກໍລະກົດ 2020 ບໍ່ມີຜູ້ຕິດເຊື້ອ
ໃໝ່
; ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 26 ກໍລະກົດ 2020 ໄດ້ເກັບຕົວຢ່າງມາກວດທັງໝົດ 25,875 ຕົວຢ່າງ, ກວດພົບເຊື້ອສະສົມ 20 ຄົນ ປິ່ນປົວດີແລ້ວ 19ຄົນ.

ປະຈຸບັນ ທົ່ວປະເທດມີ ສູນຈໍາກັດບໍລິເວນທີ່ຍັງເປີດຢູ່ມີ ທັງໝົດ 54 ສູນ, ມີຜູ້ຖືກຈຳກັດບໍລິເວນຢູ່ສູນ 2,951 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດ ແລະ ບໍ່ພົບຜູ້ຕິດເຊື້ອ. ນອກຂາກນີ້ ທ່ານ​ ສີສະຫວາດ ສຸດທານີລະໄຊ
ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກໃຫ້ຮູ້ເຖິງສະພາບຂອງພະຍາດໄຂ້ຍຸງລາຍ ຢູ່ໃນປະເທດເຮົາວ່າ: ວັນທີ 26 ກໍລະກົດ 2020  ສປປ ລາວ  ມີຜູ້ຕິດເຊື້ອທັງໝົດ 29 ກໍລະນີ ໃນນັ້ນເສຍຊີວິດ 1 ຄົນ; ນັບ
ແຕ່ວັນທີ 01/01/2020-26/07/2020 ມີຜູ້ຕິດເຊື້ອກໍລະນີສະສົມທັງໝົດ 3,799 ຄົນ , ຫຼາຍກວ່າໝູ່ແມ່ນ ນະຄອນຫຼວງວຽງຈັນ ມີ 821 ຄົນ, ແຂວງວຽງຈັນ 421 ກໍລະນີ, ບໍລິຄຳໄຊ 475 ກໍລະນີ  ແລະ ແຂວງອັດຕະປື 364
ກໍລະນີ. ຈຳນວນຜູ້ເສຍຊີວິດຍ້ອນພະຍາດໄຂ້ຍຸງລາຍມີ ທັງໝົດ 9 ຄົນ ຄື: ນະຄອນຫຼວງ 4 ຄົນ, ບໍລິຄຳໄຊ 2 ຄົນ, ຄຳມ່ວນ 1 ຄົນ, ໄຊຍະບູລີ 1 ຄົນ ແລະ ຊຽງຂວາງ 1 ຄົນ); ຄົນເຈັບຜູ້ເສຍຊີວິດຄົນທີ 9 ແມ່ນ ເພດຍິງ, ອາຍຸ 48 ປີ,
ບ້ານ ຄຳຈະເລີນ ເມືອງຫາດຊາຍຟອງ ນະຄອນຫຼວງວຽງຈັນ, ເຂົ້າມານອນປິ່ນປົວຢູ່ໂຮງໝໍເສດຖາທິລາດ ໃນວັນທີ 18 ກໍລະກົດ ຍ້ອນອາການໄຂ້ຕິດຕໍ່ກັນ 2 ມື້ ແລະ ເຈັບຫົວ ຮອດ ວັນທີ 21 ກໍລະກົດ ໄດ້ເສຍຊີວິດ, ຜ່ານການກວດ
ວິເຄາະແມ່ນພົບເຊື້ອໄຂ້ຍຸງລາຍໃນຕົວຜູ້ກ່ຽວ.