ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ສປປ ລາວ ສາມາດສ້າງລາຍຮັບ ຈາກການສົ່ງອອກກະສິກໍາ ຫຼາຍກວ່າ 1,4 ຕື້ໂດລາສະຫະລັດ ໃນປີ 2023 ເພີ່ມຂຶ້ນ 20,18% ທຽບໃສ່ປີ 2022. ມູນຄ່າການສົ່ງອອກ ເພີ່ມຂຶ້ນ ເປັນ 3,4% ທຽບເທົ່າກັບ 2,4% ຂອງຍອດລວມຜະລິດຕະພັນພາຍໃນ (GDP) ຂອງປະເທດ.
ຜະລິດຕະພັນ ພືດກະສິກໍາ ບັນລຸ 9,47 ລ້ານໂຕນ ເກີນຄາດໝາຍ 3,7% ໂດຍ ມີມັນຝຣັ່ງ ເພີ່ມຂຶ້ນ 28,62%, ກາເຟ 7,5%, ກ້ວຍ 16,7% ແລະ ອ້ອຍ 10,1%.
ຜະລິດຕະພັນ ສັດລ້ຽງ ລວມມີຟາມສັດລ້ຽງ 2.261 ແຫ່ງ ມີສັດທັງໝົດ 6,5 ລ້ານໂຕ, ເພີ່ມຂຶ້ນ 123 ແຫ່ງ ທຽບໃສ່ປີ 2022, ສາມາດສະໜອງຊີ້ນ 41% ຂອງຊີ້ນສັດ ໃນທົ່ວປະເທດ.
ສິນຄ້າກະສິກໍາ 33 ປະເພດ ໄດ້ຮັບອະນຸຍາດ ສົ່ງອອກໄປ ສປ ຈີນ ລວມມີ ພືດ 30 ຊະນິດ ແລະ ສັດ 3 ປະເພດ. ນອກຈາກນີ້, ສິນຄ້າກະສິກໍາ ປະເພດພືດ 16 ຊະນິດ ແມ່ນສາມາດສົ່ງໄປຂາຍຫວຽດນາມ ແລະ 15 ຊະນິດ ສາມາດສົ່ງໄປຂາຍໄທ.
ສ່ວນການນໍາເຂົ້າພືດ ແລະ ຊີ້ນສັດ ຈາກຕ່າງປະເທດ ເຂົ້າມາລາວ ໃນປີ 2023 ລວມມີມູນຄ່າ 108 ລ້ານໂດລາສະຫະລັດ ເພີ່ມຂຶ້ນ 22,7 ລ້ານໂດລາ.
Cr: Vientianetimes
No photo description available.