ການແຂ່ງຂັນກິລາໝາກເສິກ ລະດັບເຍົາວະຊົນ-ຊາວໜຸ່ມ ຮຸ່ນອາຍຸ 20 ປີລົງມາ ແລະ ຮຸ່ນອາຍຸ 50 ປີ ຂຶ້ນໄປ ຊີງແຊ໋ມອາຊຽນ ປະຈຳປີ 2024 ທີ່ ສປປ ລາວ ຮັບກຽດເປັນເຈົ້າພາບ ຈັດຂຶ້ນໃນວັນທີ 22 ສິງຫາ 2024 ທີ່ໂຮງແຮມແລນມາກ, ນະຄອນ ຫຼວງວຽງຈັນ.
ການແຂ່ງຂັນຄັ້ງນີ້ ມີນັກກິລາເຂົ້າຮ່ວມທັງໝົດເກືອບ 200 ຄົນ ຈາກ 9 ປະເທດສະມາຊິກອາຊຽນ, ໃນນັ້ນ ມີນັກກິລາຈາກ ສສ ຫວຽດນາມ ສົ່ງເຂົ້າຮ່ວມຫຼາຍກວ່າທຸກຊາດເຖິງ 120 ກວ່າຄົນ, ສ່ວນ ສປປ ລາວ ແມ່ນສົ່ງນັກກິລາເຂົ້າຮ່ວມ 17 ຄົນ ແລະ ໃນຈຳນວນ 17 ຄົນ ແມ່ນນັກກິລາເຍົາວະຊົນທີ່ນອນໃນເປົ້າໝາຍກິລາໝາກເສິກທີມຊາດ. ມີການຊີງໄຊທັງໝົດ 3 ລາຍການ ເຊິ່ງ ລາຍການນີ້ ເປັນການແຂ່ງ ຂັນແບບສະສົມຄະແນນ ຫຼັງຈາກນີ້ ສປປ ລາວ ພວກເຮົາ ກໍຍັງຈະໄດ້ສືບຕໍ່ຮັບກຽດເປັນເຈົ້າພາບ ຈັດແຂ່ງຂັນກິລາໝາກເສິກລະດັບນານາຊາດ ຫຼື ລາຍການ ລາວ ອິນເຕີເນເຊິນນອນ ຄັ້ງທີ 3 ລະຫວ່າງວັນທີ 1-7 ກັນຍາ 2024 ທີ່ສູນການຄ້າສາກົນ ພາກຊັນ ອີກດ້ວຍ.
ການແຂ່ງຂັນກິລາໝາກເສິກ ຊີງແຊ໋ມອາຊຽນ ຄັ້ງທີ 23 ທີ່ສປປ ລາວ ໄດ້ຮັບກຽດເປັນເຈົ້າພາບ ແມ່ນໄດ້ຮັບການສະໜັບສະໜູນຫຼັກຈາກບໍລິສັດ ປິໂຕເທຣດ (PETRO TRADE) ແລະ ທະນາຄານ ພົງສະຫວັນ ຈຳກັດ.
ທີ່ມາ: ໜັງສືພິມສຶກສາ, ວິທະຍາສາດ ແລະ ກິລາ ອອນລາຍ
