ສານປະຊາຊົນສູງສຸດ (ສປສສ) ໄດ້ຈັດກອງປະຊຸມສະຫຼຸບການເຄື່ອນໄຫວວຽກ ງານ 5 ປີ (2016-2020), ປະຈໍາປີ 2020, ທິດທາງແຜນການເຄື່ອນໄຫວວຽກງານ 5 ປີ (2021-2025) ແລະ ວຽກງານປະຈໍາປີ 2021 ຂອງສານປະຊາຊົນ ຂຶ້ນໃນວັນທີ 5 ກໍລະກົດນີ້ ທີ່ ສປສສ, ພາຍໃຕ້ການເປັນປະທານຂອງທ່ານນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລ ຂາຄະນະບໍລິຫານງານພັກ ປະທານສານປະຊາຊົນສູງສຸດ ມີພາກສ່ວນກ່ຽວຂ້ອງເຂົ້າຮ່ວມ.
ທ່ານນາງ ວຽງທອງ ສີພັນດອນ ໄດ້ຮຽກ ຮ້ອງໃຫ້ບັນດາທ່ານ ທີ່ເຂົ້າຮ່ວມກອງປະ ຊຸມຄັ້ງນີ້, ຈົ່ງພ້ອມກັນປະກອບຄຳຄິດເຫັນເຂົ້າໃສ່ເນື້ອໃນກອງປະຊຸມໃຫ້ລະ ອຽດ, ຈະແຈ້ງ ລົງເລິກໃສ່ບັນຫາວຽກທີ່ຕ້ອງໄດ້ເຮັດ, ຈະຕ້ອງໄດ້ປັບປຸງ, ປ່ຽນ ແປງ, ແກ້ໄຂໃຫ້ເກີດຜົນເປັນຈິງໃນຊຸມປີຕໍ່ໜ້າ ເພື່ອເຮັດສຳເລັດຈຸດປະສົງ, ຄາດ ໝາຍຕາມມະຕິ ແລະ ຈົ່ງພ້ອມກັນຄົ້ນຄວ້າຢ່າງກົງໄປກົງມາດ້ວຍຄວາມຮັບຜິດ ຊອບສູງ ຊອກໃຫ້ເຫັນຜົນງານໄຊຊະນະທີ່ຍາດມາໄດ້, ນັບທັງວຽກງານບໍລິຫານສານ, ວຽກງານບໍລິຫານຄະດີ ຊອກໃຫ້ເຫັນບົດຮຽນດ້ານດີ ເພື່ອເປັນບົດຮຽນສືບຕໍ່ຂະຫຍາຍກວ້າງອອກ, ຊອກໃຫ້ເຫັນດ້ານອ່ອນ ຂໍ້ຂາດຕົກບົກຜ່ອງຫາງສຽງສັງຄົມ, ປະກົດການຫຍໍ້ທໍ້ຕ່າງໆ ເພື່ອພ້ອມກັນປັບປຸງແກ້ໄຂ ຊອກໃຫ້ເຫັນວິທີການ, ມາດຕະການໃນການຈັດຕັ້ງປະຕິບັດ, ທິດທາງແຜນການ ເພື່ອສູ້ຊົນເຮັດໃຫ້ດີ, ໃຫ້ໜັກແໜ້ນ ເລິກເຊິ່ງກວ່າ ເກົ່າ, ພາວະວິໄສ, ຖືກຕ້ອງ-ເປັນທໍາ ການບໍລິຫານຮັບໃຊ້ໃຫ້ດີກວ່າເກົ່າ ຍົກເອົາພຶດຕິກຳຕົວຈິງ ທີ່ໄດ້ພົບພໍ້ມາສົນທະນາ, ແລກປ່ຽນຄຳຄິດ-ຄຳເຫັນນຳກັນໃຫ້ເລິກເຊິ່ງ ວ່າອັນໃດດີແລ້ວ, ອັນໃດຍັງອ່ອນ ແລະ ຈະແກ້ໄຂແນວໃດ ເພື່ອພ້ອມກັນສໍາເລັດໜ້າທີ່ການເມືອງຂອງຕົນ ທີ່ພັກ, ລັດ ແລະ ປະຊາຊົນມອບໃຫ້.
ພ້ອມນີ້ ກອງປະຊຸມຍັງໄດ້ຮັບຟັງການເຜີຍແຜ່ມະຕິ ເລກທີ 15/ສພຊ, ລົງວັນທີ 5 ພະຈິກ 2020, ມະຕິເລກທີ 15/ສພຊ, ລົງວັນທີ 24 ມີນາ 2021 ຂອງສະພາແຫ່ງຊາດ ແລະ ຄໍາສັ່ງແນະນໍາຂອງປະ ທານສານປະຊາຊົນສູງສຸດວ່າດ້ວຍການຈັດຕັ້ງຜັນຂະຫຍາຍ. ຜ່ານຮ່າງບົດສະ ຫຼຸບການເຄື່ອນໄຫວວຽກງານ 5 ປີ, ປະ ຈຳປີ 2020, ວຽກງານຈຸດສຸມປີ 2021 ແລະ ແຜນການເຄື່ອນໄຫວ 5 ປີຕໍ່ໜ້າ (2021-2025), ຜ່ານຮ່າງແຜນພັດທະນາລະບົບສານປະຊາຊົນ 5 ປີ ຄັ້ງທີ IV.
ຕາງໜ້າສານປະຊາຊົນທ້ອງຖິ່ນປະກອບຄໍາເຫັນຕໍ່ຮ່າງບົດສະຫຼຸບການເຄື່ອນໄຫວວຽກງານ 5 ປີ, ປະຈຳປີ 2020, ວຽກງານຈຸດສຸມປີ 2021 ແລະ ແຜນການເຄື່ອນໄຫວ 5 ປີຕໍ່ໜ້າ (2021-2025).
(ຂ່າວ-ພາບ: ສປສສ)
Loading...